疾病，我們只重視它帶來的effect 和side-effect，倒沒有發現它出產的product和side-product。
呃飲呃食上天家 第三十四集──病菌的用處
今年青少年福音營發生了神．經研究部成立七年以來（或許是銘恩浸信會十九年來）最災難事故──集體染病。廿二位入營部員中有五位部員需中途離場，三位出營後翌日染病。這件事不單只引起研究部內部關注，也成為了整間教會的焦點。有人問為什麼沒有終止營會？有人問源頭是誰？當然是更多的關心和慰問。
暫時撇除外間反應，對於神．經內部──無論有沒有入營，以及有沒有病倒──的部員而言，這件事是一個重要的共同歷程。首先，當開始發現有病患者時，部員都送上深切的關心和慰問，更不時留意病患者的病情，並且在每一次禱告中紀念。及至第二天晚上，患病人數上升，各部員自發地組織起來，一些部員負責為病患者監察體溫，一些負責送水送藥，一些則負責維持營內的工作，一些則商討應變措施，一些則繼續預備活動；每當導師需要送部員離營，各部員都為病患者祈禱，而組長及副組長立即接替導師的工作──一切一切都是出於部員之間的自發和默契，沒有預先編排，而且所有工作都是有秩序、有效率、有系統，世上沒有任何一個制度完善的機構或團體可比擬。
病患者也不是沒有貢獻，他們貢獻的是自己的健康和身體，誠然，若然沒有人患病，整個研究部便無法體現及發揮互相守望的精神，也永遠不知道各部員動員起來是如此有效率、有秩序，病患的部員可以說是「捐軀」了。
即使出營後，患病部員的人數也增加，傳道人立即充當臨時指揮中心，除了記錄患病部員之外，更協調部員互相通傳消息，各部員藉此互相慰問，在祈禱中記念；一些因事沒有參與營會的部員也加入，互相致電慰問病患部員；部份病癒部員也來電或以短訊答謝，以及關心其他部員──「守望」，就在這亂世亂時中建立起來、發揮作用；營會「鞏固神經」的目標，以出人意表的方法達成；更重要的是，整個過程，沒有一位部員沒有參與。
後記：零九年度青少年福音營，主題是「認識信仰．鞏固神經」，這下子令籌委會的部員費煞思量。誠然，鞏固神．經研究部內部關係，之前三次的福音營及生活營中的活動已經處理過；今年不同之處是福音營多了一群加入神．經研究部一年的青少年，再加強一些融合及歷奇活動不是一個問題，問題是單憑三日兩夜的活動就可以將新舊部員融合，鞏固研究部嗎？這一方面，我出發前有商榷的地方。
然而上帝的工作從不受時間或地域限制，就在這荒山野嶺中的簡陋小木屋裏，超越三日兩夜的時間，一次沒有傷亡的小災難，祂所愛的青少年就此建立起來。記得冰姐說過：You do the best, God does the rest. 只要我們做好自己的本份，其餘的就只需要好好經歷和享受上帝的帶領與賜予。
20090921
20090807
呃飲呃食上天家－－ 第三十三集 十天足球賽
呃飲呃食上天家 第三十三集──十天足球賽
教會這三年來都會與聯會舉辦，由美國短宣隊負責的暑期英文班，今年也不例外，誰知殺出一個流感，為學生健康著想，與美國短宣隊的合作被迫取消，但暑假是神．經研究部部員學習英文，及招攬部員的最佳時機。結果，神．經研究部發揮一貫「土法煉鋼」的精神，自行開發英文班。退下執教的火線，小弟有幸成為協助，令我今年眼界大開。
首先，英文班由三位志願導師執教：待業的寶慈、要照顧一對年幼孩子的燕冰、正在放暑假的茵茵，她們都花盡心思，由籌劃課程到自訂教材；由討論教學方法至設計教學活動，都悉心於短時間內完成。對於正在待業、需要照顧患病的父母、並且放全年唯一大假的我，她們的事奉令我十分感動，原來面對生活困難，放棄假期的不只我一個，她們仍可以投入事奉，為何我仍計較呢？
再看看其他有份協助的部員，他們其實可以來個玩樂暑假，但他們都朝十有時晚六，有的甚至下午便要趕上班去，但仍為英文班忙碌；更有一位從美國回港度暑的John，放棄了度假的時間，在英文班充當外籍導師助理，其實我的事奉又算什麼呢？
還有拍擋歐姑娘，由七月十八日至八月二日，連續十六日每天上班，中間沒有休假，才發覺原來以往三年，一到暑期英文班，她的工作模式就變成這樣，為什麼我一直沒有看到這一點呢？為什麼一直以來，我只看到自己沒有暑假，而忘記了身邊的老拍擋，莫說暑假，連基本的勞工假期也沒有放過呢？
看看部員，思諾和振偉不單止學習英文的投入程度比以往進步，而且課後更變成「夢幻組合」，一個開Rummikub，一個開層層疊，無論是新舊部員都招攬入內玩個痛快，直至教會關門才聯袂離場；更和一些新部員相約去動漫節──他們竟成為了神．經研究部的聯誼骨幹，加快了新部員的融入和適應。為什麼我以前沒有看清楚呢？
另一方面，在導師悉心教導，助理的精彩活動，以及各人的鼓勵下，各學員學習比以往更投入，更能掌握學習內容。而且在各部員課後無償的付出時間、精神和力氣，與新部員忘我玩樂；再加上外援國輝加入功課輔導，令到今年的暑假英文班的新部員很快且很快樂地融入神．經研究部。
這十天的英文班，猶如踢了一場足球賽，各隊員一方面緊守自己的崗位，有的前鋒、有的後衞，另一方面，又可以中場休息中場入替，發揮了球隊的合作性。我才發現事奉並不孤單，也不只是付出和犧牲；當中的趣味和歡樂，如五餅二魚般源源不絕，不是當觀眾的可以感受。來吧，落場找個位置，你便能明白箇中的意義。
教會這三年來都會與聯會舉辦，由美國短宣隊負責的暑期英文班，今年也不例外，誰知殺出一個流感，為學生健康著想，與美國短宣隊的合作被迫取消，但暑假是神．經研究部部員學習英文，及招攬部員的最佳時機。結果，神．經研究部發揮一貫「土法煉鋼」的精神，自行開發英文班。退下執教的火線，小弟有幸成為協助，令我今年眼界大開。
首先，英文班由三位志願導師執教：待業的寶慈、要照顧一對年幼孩子的燕冰、正在放暑假的茵茵，她們都花盡心思，由籌劃課程到自訂教材；由討論教學方法至設計教學活動，都悉心於短時間內完成。對於正在待業、需要照顧患病的父母、並且放全年唯一大假的我，她們的事奉令我十分感動，原來面對生活困難，放棄假期的不只我一個，她們仍可以投入事奉，為何我仍計較呢？
再看看其他有份協助的部員，他們其實可以來個玩樂暑假，但他們都朝十有時晚六，有的甚至下午便要趕上班去，但仍為英文班忙碌；更有一位從美國回港度暑的John，放棄了度假的時間，在英文班充當外籍導師助理，其實我的事奉又算什麼呢？
還有拍擋歐姑娘，由七月十八日至八月二日，連續十六日每天上班，中間沒有休假，才發覺原來以往三年，一到暑期英文班，她的工作模式就變成這樣，為什麼我一直沒有看到這一點呢？為什麼一直以來，我只看到自己沒有暑假，而忘記了身邊的老拍擋，莫說暑假，連基本的勞工假期也沒有放過呢？
看看部員，思諾和振偉不單止學習英文的投入程度比以往進步，而且課後更變成「夢幻組合」，一個開Rummikub，一個開層層疊，無論是新舊部員都招攬入內玩個痛快，直至教會關門才聯袂離場；更和一些新部員相約去動漫節──他們竟成為了神．經研究部的聯誼骨幹，加快了新部員的融入和適應。為什麼我以前沒有看清楚呢？
另一方面，在導師悉心教導，助理的精彩活動，以及各人的鼓勵下，各學員學習比以往更投入，更能掌握學習內容。而且在各部員課後無償的付出時間、精神和力氣，與新部員忘我玩樂；再加上外援國輝加入功課輔導，令到今年的暑假英文班的新部員很快且很快樂地融入神．經研究部。
這十天的英文班，猶如踢了一場足球賽，各隊員一方面緊守自己的崗位，有的前鋒、有的後衞，另一方面，又可以中場休息中場入替，發揮了球隊的合作性。我才發現事奉並不孤單，也不只是付出和犧牲；當中的趣味和歡樂，如五餅二魚般源源不絕，不是當觀眾的可以感受。來吧，落場找個位置，你便能明白箇中的意義。
20090801
呃飲呃食上天家－－ 第三十二集 謝飯祈禱
基督徒謝飯祈禱是一件恆常應做的事，抑或只是例行公事呢？
呃飲呃食上天家 --- 第三十二集 謝飯祈禱
其實小弟沒有什麼資格去批評他人，因為小弟常常忘記謝飯祈禱，然而若果記得謝飯，我必定感謝上帝賜我飲食，因為擁有食物不是一個必然，比起「求主潔淨檯上食物使我有健康的身體」更為重要。
可是小弟曾經不只一次，在基督徒身上，同時有著「食神」的陋習。話說小弟和基督徒吃飯，他們一望餐牌，便大聲地說「嘩，有冇攪錯呀，咁貴。」。那一間是小小的家庭式經營的小茶餐廳，他們的聲浪令店主聲聲入耳，可幸店主沒有大反應，但我已經尷尬得像一句歌詞：我都趕我自己出去。既然覺得價錢不合，何不有禮地離開呢？
結果我們都點了餐，如前所述，因家庭小本生意，人手一定不夠，上菜速度必然比一般餐廳慢，正當我欣賞廚師用心地烹調食物時（因為餐廳實在太小，廚房與座位只是一矮牆之隔），一位「徒人」大聲說：乜咁耐架？唉，人家一對手烹調八九碗麵，即使開足十個爐，也分身不暇。
終於食物上桌了，大家都「虔誠」地謝飯祈禱。祈禱完畢，我們開始進餐。正當小弟享受麵餐時，有幾個「徒人」一面吃一面說：一碗咁既麵要成廿幾蚊，離譜。另一個和應：咁普通一碗麵，出面食都只係十幾蚊。我越聽越火，無錯價錢比想像中高，但店主真的很用心烹調，不是一般餐廳般「淥兩淥」上給客人。更何況，明明多謝上帝賜給飲食，又埋怨食物，究竟想怎樣？令我想起出埃及記中，以色列人沒有食物，上帝賜給嗎哪；之後又厭嗎哪太「齋」沒有肉吃，上帝又賜給鵪鶉。「有得食又怨，無得食又怨」，幸而我仍能本著基督的愛沒有將那些「徒人」當場捏死！
我們擁有食物，不是必然；同時我們可以選擇食物，選擇餐館，也是一種福份。但緊記，當我們選定食物後，要以感恩的心才能享受食物，欣賞廚師的手藝，否則謝飯祈禱只會多餘。
呃飲呃食上天家 --- 第三十二集 謝飯祈禱
其實小弟沒有什麼資格去批評他人，因為小弟常常忘記謝飯祈禱，然而若果記得謝飯，我必定感謝上帝賜我飲食，因為擁有食物不是一個必然，比起「求主潔淨檯上食物使我有健康的身體」更為重要。
可是小弟曾經不只一次，在基督徒身上，同時有著「食神」的陋習。話說小弟和基督徒吃飯，他們一望餐牌，便大聲地說「嘩，有冇攪錯呀，咁貴。」。那一間是小小的家庭式經營的小茶餐廳，他們的聲浪令店主聲聲入耳，可幸店主沒有大反應，但我已經尷尬得像一句歌詞：我都趕我自己出去。既然覺得價錢不合，何不有禮地離開呢？
結果我們都點了餐，如前所述，因家庭小本生意，人手一定不夠，上菜速度必然比一般餐廳慢，正當我欣賞廚師用心地烹調食物時（因為餐廳實在太小，廚房與座位只是一矮牆之隔），一位「徒人」大聲說：乜咁耐架？唉，人家一對手烹調八九碗麵，即使開足十個爐，也分身不暇。
終於食物上桌了，大家都「虔誠」地謝飯祈禱。祈禱完畢，我們開始進餐。正當小弟享受麵餐時，有幾個「徒人」一面吃一面說：一碗咁既麵要成廿幾蚊，離譜。另一個和應：咁普通一碗麵，出面食都只係十幾蚊。我越聽越火，無錯價錢比想像中高，但店主真的很用心烹調，不是一般餐廳般「淥兩淥」上給客人。更何況，明明多謝上帝賜給飲食，又埋怨食物，究竟想怎樣？令我想起出埃及記中，以色列人沒有食物，上帝賜給嗎哪；之後又厭嗎哪太「齋」沒有肉吃，上帝又賜給鵪鶉。「有得食又怨，無得食又怨」，幸而我仍能本著基督的愛沒有將那些「徒人」當場捏死！
我們擁有食物，不是必然；同時我們可以選擇食物，選擇餐館，也是一種福份。但緊記，當我們選定食物後，要以感恩的心才能享受食物，欣賞廚師的手藝，否則謝飯祈禱只會多餘。
20090610
呃飲呃食上天家－－ 第三十一集 神．經研究部特集3
雨後總會天清，雲後總會放晴。
呃飲呃食上天家 --- 第三十一集 神．經研究部特集
第3節 重新從新起動．「神．經研究部」
「神．經研究部」的分裂、重組、合成，雖然方便了教導，但亦出現了人口不足的問題。首先隨著各青年離開中學，部分升讀大專、部分進入社會工作，出席率出現嚴重不穩，之後甚至下降；另一方面，少年組的人數亦停滯不前，仍然維持六至七位少年。
為了改善人口不足的情況，二零零六年開始，「神．經研究部」於暑假引入夏令營會，目的是首先鞏固部內研究員的關係；二零零七年則與聯會合辦暑期英文班，目的是吸引更多青少年加入。然而零五至零七年這兩年間，「神．經研究部」仍然人口偏低，更試過因人數不足而令星期六的團契未能成組。這種膠著情況，正如出埃及記中，以色列人在曠野四十年一樣茫然。
然而，我們的上帝沒有放棄我們，我們可以放棄嗎？二零零八年暑假，一群迷失方向的少年因著暑期英文班的召喚，進入了「神．經研究部」。「神．經研究部」在毫無準備底下，人數由13-15人驟升至25-30人。「神．經研究部」的基地銘恩浸信會立即調派志願人士協助，導師人數由三位增至八位。
好景不常，銘恩浸信會十二月三十一日正式成為漂流教會，「神．經研究部」亦因此成為漂流團契。
節目主持
比亞零九
200903220020
後話：
「神．經研究部」的運作從來不是順風順水，但因著上帝當中的引領及教導，才有機會慶祝四週年團慶。「神．經研究部」有的不是巨型教會所有的資源資金，而是各部員的努力和熱誠的無價資源。各部分員的笑聲、汗水、眼淚、興奮、指責、瘋狂湊拼著「神．經研究部」一頁頁的故事，只要曾經踏入「神．經研究部」，各位部員都是故事的主角。「神．經研究部」人數增加同時成為漂流團契，運作上無疑是一個大困難，但這個困難不是一塊絆腳石，而是一塊踏腳石，教我們藉著上帝、依靠上帝、握緊大家的手努力克服。將來還有更多更多未可知的發展，就容許我藉著四週年將一切記錄下來，作為「神．經研究部」一個里程碑。
呃飲呃食上天家 --- 第三十一集 神．經研究部特集
第3節 重新從新起動．「神．經研究部」
「神．經研究部」的分裂、重組、合成，雖然方便了教導，但亦出現了人口不足的問題。首先隨著各青年離開中學，部分升讀大專、部分進入社會工作，出席率出現嚴重不穩，之後甚至下降；另一方面，少年組的人數亦停滯不前，仍然維持六至七位少年。
為了改善人口不足的情況，二零零六年開始，「神．經研究部」於暑假引入夏令營會，目的是首先鞏固部內研究員的關係；二零零七年則與聯會合辦暑期英文班，目的是吸引更多青少年加入。然而零五至零七年這兩年間，「神．經研究部」仍然人口偏低，更試過因人數不足而令星期六的團契未能成組。這種膠著情況，正如出埃及記中，以色列人在曠野四十年一樣茫然。
然而，我們的上帝沒有放棄我們，我們可以放棄嗎？二零零八年暑假，一群迷失方向的少年因著暑期英文班的召喚，進入了「神．經研究部」。「神．經研究部」在毫無準備底下，人數由13-15人驟升至25-30人。「神．經研究部」的基地銘恩浸信會立即調派志願人士協助，導師人數由三位增至八位。
好景不常，銘恩浸信會十二月三十一日正式成為漂流教會，「神．經研究部」亦因此成為漂流團契。
節目主持
比亞零九
200903220020
後話：
「神．經研究部」的運作從來不是順風順水，但因著上帝當中的引領及教導，才有機會慶祝四週年團慶。「神．經研究部」有的不是巨型教會所有的資源資金，而是各部員的努力和熱誠的無價資源。各部分員的笑聲、汗水、眼淚、興奮、指責、瘋狂湊拼著「神．經研究部」一頁頁的故事，只要曾經踏入「神．經研究部」，各位部員都是故事的主角。「神．經研究部」人數增加同時成為漂流團契，運作上無疑是一個大困難，但這個困難不是一塊絆腳石，而是一塊踏腳石，教我們藉著上帝、依靠上帝、握緊大家的手努力克服。將來還有更多更多未可知的發展，就容許我藉著四週年將一切記錄下來，作為「神．經研究部」一個里程碑。
呃飲呃食上天家－－ 第三十一集 神．經研究部特集2
二零零四年，「神．經研究部」出現黎克特制九點八級地震……
呃飲呃食上天家 --- 第三十一集 神．經研究部特集
第2節 創世記
一年之後，「神．經研究部」開始與教會其他組織聯繫，第一個與「神．經研究部」建立邦交的就是兒童崇拜。兒童崇拜較早已送出兩名超齡兒童適齡少年予「神．經研究部」，彷彿是中國贈送熊貓給邦交國一樣。二零零四年，因年齡問題，兒童崇拜再向「神．經研究部」送出五名適齡少年。他們的加入，令「神．經研究部」人數上升。同時原有的研究員也隨年月增長，由少年進身成為青少年。然而整體的概況沒有改變，「神．經研究部」依然是團契形式的主日學。
但隨著年月增長，年齡差距漸大，「神．經研究部」出現裂痕，這道裂痕分開了高中的青少年及初中的少年，兩塊田地由當年兩位「熊貓」支撐著。然而獨力難支，鴻溝擴大漸漸令「神．經研究部」出現分歧。結果，二零零五年四月，「神．經研究部」出現了九點八級大地震。
這次大地震，正式將「神．經研究部」分為青年(senior)和少年(junior)兩塊大陸，青年主日學與教會其他主日學看齊，就是以課程為名，時間並提早至十二時；而少年主日學則沿用「神．經研究部」名字，維持一時上堂。另一方面，一塊新大陸正式出現──「神．經研究部」少年團契──繼教會「沙崙團」及「以琳團」消失後再次出現大團契。
一間正統教會有的少年團契，在銘恩浸信會正式出現。然而這只是創世記中的天地，萬物待興不代表一定欣欣向榮，「神．經研究部」的分裂、重組、合成，造就了之後兩年的低潮……
節目主持
比亞零九
200903220020
呃飲呃食上天家 --- 第三十一集 神．經研究部特集
第2節 創世記
一年之後，「神．經研究部」開始與教會其他組織聯繫，第一個與「神．經研究部」建立邦交的就是兒童崇拜。兒童崇拜較早已送出兩名超齡兒童適齡少年予「神．經研究部」，彷彿是中國贈送熊貓給邦交國一樣。二零零四年，因年齡問題，兒童崇拜再向「神．經研究部」送出五名適齡少年。他們的加入，令「神．經研究部」人數上升。同時原有的研究員也隨年月增長，由少年進身成為青少年。然而整體的概況沒有改變，「神．經研究部」依然是團契形式的主日學。
但隨著年月增長，年齡差距漸大，「神．經研究部」出現裂痕，這道裂痕分開了高中的青少年及初中的少年，兩塊田地由當年兩位「熊貓」支撐著。然而獨力難支，鴻溝擴大漸漸令「神．經研究部」出現分歧。結果，二零零五年四月，「神．經研究部」出現了九點八級大地震。
這次大地震，正式將「神．經研究部」分為青年(senior)和少年(junior)兩塊大陸，青年主日學與教會其他主日學看齊，就是以課程為名，時間並提早至十二時；而少年主日學則沿用「神．經研究部」名字，維持一時上堂。另一方面，一塊新大陸正式出現──「神．經研究部」少年團契──繼教會「沙崙團」及「以琳團」消失後再次出現大團契。
一間正統教會有的少年團契，在銘恩浸信會正式出現。然而這只是創世記中的天地，萬物待興不代表一定欣欣向榮，「神．經研究部」的分裂、重組、合成，造就了之後兩年的低潮……
節目主持
比亞零九
200903220020
呃飲呃食上天家－－ 第三十一集 神．經研究部特集1
不經不覺，神．經研究部四週年……
呃飲呃食上天家 --- 第三十一集 神．經研究部特集
第1節 混沌時期
二零零二年十二月，銘恩浸信會號角聲響起，吹出了一個古怪名字──「神．經研究部」。一間傳統得不能再傳統的教會竟然出現這個古靈精怪的名字，教會裡的兄弟姊妹都起了一陣子問號。字面解釋完全明白內裡是做什麼；但聽名讀音卻跟教會扯不上半點關係。重要的是，坊間其他教會也沒有出現過類似的名字，極其量只見過「青檸團契」、「椰子團契」，連椰青也沒有；更重要的是，名字中沒有「團契」二字，以及當時教會沒有新團契出現。
「神．經研究部」是一個由十多位少年人及三位導師組成的類似少年團契的物體，起初它不是團契的名稱，只是以主日學班的名字；但主日學模式卻與團契模式沒有分別，堪稱得上「混沌時期」。早期因地方不足問題，「神．經研究部」只在其他主日學班完結後的下午一時才出現，那段時間教會的兄弟姊妹已經走得七七八八，只有一大班嘈喧巴閉的少年在內裡瘋癲。故此，「神．經研究部」對教會其他兄弟姊妹來說，更加神秘，除了嘈之外，也是嘈。
不得不提是，「神．經研究部」的出現亦是威達商業大廈16樓其他業主噩夢的開始，因為這裡釋放出來的少年比樓下旺角的少年更瘋癲，他們漠視香港消防條例而在走廊大玩遊戲，部分業主更受過這群少年「禮貌性滋擾」，故此每逢星期日上午至下午二時，16樓除了教會之外，基本上沒有任何人辦公。
直至二零零四年，情況有些微變化……
節目主持
比亞零九
200903220020
呃飲呃食上天家 --- 第三十一集 神．經研究部特集
第1節 混沌時期
二零零二年十二月，銘恩浸信會號角聲響起，吹出了一個古怪名字──「神．經研究部」。一間傳統得不能再傳統的教會竟然出現這個古靈精怪的名字，教會裡的兄弟姊妹都起了一陣子問號。字面解釋完全明白內裡是做什麼；但聽名讀音卻跟教會扯不上半點關係。重要的是，坊間其他教會也沒有出現過類似的名字，極其量只見過「青檸團契」、「椰子團契」，連椰青也沒有；更重要的是，名字中沒有「團契」二字，以及當時教會沒有新團契出現。
「神．經研究部」是一個由十多位少年人及三位導師組成的類似少年團契的物體，起初它不是團契的名稱，只是以主日學班的名字；但主日學模式卻與團契模式沒有分別，堪稱得上「混沌時期」。早期因地方不足問題，「神．經研究部」只在其他主日學班完結後的下午一時才出現，那段時間教會的兄弟姊妹已經走得七七八八，只有一大班嘈喧巴閉的少年在內裡瘋癲。故此，「神．經研究部」對教會其他兄弟姊妹來說，更加神秘，除了嘈之外，也是嘈。
不得不提是，「神．經研究部」的出現亦是威達商業大廈16樓其他業主噩夢的開始，因為這裡釋放出來的少年比樓下旺角的少年更瘋癲，他們漠視香港消防條例而在走廊大玩遊戲，部分業主更受過這群少年「禮貌性滋擾」，故此每逢星期日上午至下午二時，16樓除了教會之外，基本上沒有任何人辦公。
直至二零零四年，情況有些微變化……
節目主持
比亞零九
200903220020
20090302
呃飲呃食上天家－－ 第三十集 重遇
在主沒有難成的事，在我則是一件難以置信的事──上帝送給我一個神蹟，我要好好記低。
呃飲呃食上天家 --- 第三十集 重遇
星期三的中午，我在教員休息室打算吃午飯的時候，休息室的門打開，是給我同事送外賣的外賣員，我驀然一看，竟然是我五年前的學生──也是失蹤兩年的學生。我們互望，大家不知道給什麼反應，兩秒後大家相認了。
這個學生給我很多記憶。他是我04年畢業班的學生，那時我仍是班主任（我已有四年沒有當班主任）。畢業後，我們一班仍然定期出來吃飯，直至兩年前，我打電話給他約聚會，他的媽媽告訴他離家出走，沒有回來，媽媽很傷心。我也致電給同班同學，他們只知道他轉校到粉嶺去，其餘的大家一無所知。同學們都努力找他，但沒有電話沒有住址，更重要的是，以前他跟同學的關係不是太深入，要找他也茫無頭緒。兩年了，大家都以為他從此失蹤，而且一直都杳無音訊。
直至星期三見到他，我真的不能置信。第一、他根本不知道我在哪裡教書；第二、同學們都不太清楚我在哪裡教書（畢竟我在這裡不過幾個月）；第三、大家根本沒有通訊過。若果我和他在街上碰面，或者機會率會很高；但在我的教員休息室見面，相信一定比中六合彩更低。
那一晚，我和他通電，了解一下他兩年的生活，才知道他被媽媽趕出家。他氣憤之下，沒有再找他的媽媽。兩年來過著漂泊的生活，住過香港也住過深圳；做過麪包及冷氣學徒，現在做餐廳侍應。我很感恩漂泊沒有令他學壞，反而比以前更懂性。他希望賺多點錢重讀夜校中五才回去見媽媽，當然我也叮囑他早點回去見媽媽，因為他媽媽要的不是錢，是他；我也怕「子欲養而親不在」而為他帶來一生遺憾。
讓我一貪，我希望這神蹟延續下去的故事是一個完滿的句號。
節目主持
比亞零九
200903020011
呃飲呃食上天家 --- 第三十集 重遇
星期三的中午，我在教員休息室打算吃午飯的時候，休息室的門打開，是給我同事送外賣的外賣員，我驀然一看，竟然是我五年前的學生──也是失蹤兩年的學生。我們互望，大家不知道給什麼反應，兩秒後大家相認了。
這個學生給我很多記憶。他是我04年畢業班的學生，那時我仍是班主任（我已有四年沒有當班主任）。畢業後，我們一班仍然定期出來吃飯，直至兩年前，我打電話給他約聚會，他的媽媽告訴他離家出走，沒有回來，媽媽很傷心。我也致電給同班同學，他們只知道他轉校到粉嶺去，其餘的大家一無所知。同學們都努力找他，但沒有電話沒有住址，更重要的是，以前他跟同學的關係不是太深入，要找他也茫無頭緒。兩年了，大家都以為他從此失蹤，而且一直都杳無音訊。
直至星期三見到他，我真的不能置信。第一、他根本不知道我在哪裡教書；第二、同學們都不太清楚我在哪裡教書（畢竟我在這裡不過幾個月）；第三、大家根本沒有通訊過。若果我和他在街上碰面，或者機會率會很高；但在我的教員休息室見面，相信一定比中六合彩更低。
那一晚，我和他通電，了解一下他兩年的生活，才知道他被媽媽趕出家。他氣憤之下，沒有再找他的媽媽。兩年來過著漂泊的生活，住過香港也住過深圳；做過麪包及冷氣學徒，現在做餐廳侍應。我很感恩漂泊沒有令他學壞，反而比以前更懂性。他希望賺多點錢重讀夜校中五才回去見媽媽，當然我也叮囑他早點回去見媽媽，因為他媽媽要的不是錢，是他；我也怕「子欲養而親不在」而為他帶來一生遺憾。
讓我一貪，我希望這神蹟延續下去的故事是一個完滿的句號。
節目主持
比亞零九
200903020011
20090125
呃飲呃食上天家－－ 第廿九集 命大
本來今晚寫唔成第廿九集……
呃飲呃食上天家 --- 第廿九集 命大
成日睇人地ｄ死過翻生既經歷，見住條友聲淚俱下咁話要感謝上帝打救佢，我次次都諗「咁岩得咁橋啫，死好命駛唔駛下下都哈呢路也咁誇呀」。終於到自己出事～～～
話說今日年廿九，小弟一同以往咁抹晒全屋玻璃窗。到抹到自己間房喇，因小弟係訓地下，要抹窗先要將地下張床既墊褥拎走，但張墊褥係一塊過既，成六呎長，咁我好順理成章咁舉起佢，點知一舉，有舊野跌左落我個頭度鬼死咁痛，都未睇清楚係乜鬼跌落我個頭度，就聽玻璃粉碎既聲音，我當堂呆左，望清楚，原來係我盞房燈！盞房燈唔係有咩特別，同以前醫院後樓梯ｄ圓型橙黃色好暗既波波燈一樣，仲有一個波波玻璃燈罩。
我下意識就估到呢鑊甘喇，成個玻璃燈罩「哼」落個頭度，加上小弟係無頭髮做緩衝，仲要見個燈罩粉身碎骨既死相，呢鑊唔死都應該入瑪嘉烈宿營喇啩，我諗應該有至少兩道血從東西兩邊向下流，小弟小心翼翼咁摸下頭頂，免得有玻璃碎殘留頭頂而傷上加傷。
感謝上帝！──賜予我呢個光頭仔一個鐵頭──我個頭頂竟然絲毫無損，純粹起左一個小瘤。我屋企人都立即替我檢查頭頂，證實只係腫左，沒有損傷或碎片。
小弟見到堆玻璃碎由房飛到出廳，真係猶有餘悸。你估我真係識鐵頭功咩，呢劑野如果出事，小弟至少要係醫院過年（大吉利是）；已經skinhead既頭頂要剷光縫針，仲要留多條疤痕兼且傷口以後寸草不生，呢鋪仲唔感謝主呀，真係。
PS不過小弟無哈里路也，因為我唔係好清楚呢句野點解，而且小弟用左成半個鐘先掃清晒ｄ玻璃碎（！-_-）
新一年祝大家福大命大！
節目主持
比亞零九
200901252046
呃飲呃食上天家 --- 第廿九集 命大
成日睇人地ｄ死過翻生既經歷，見住條友聲淚俱下咁話要感謝上帝打救佢，我次次都諗「咁岩得咁橋啫，死好命駛唔駛下下都哈呢路也咁誇呀」。終於到自己出事～～～
話說今日年廿九，小弟一同以往咁抹晒全屋玻璃窗。到抹到自己間房喇，因小弟係訓地下，要抹窗先要將地下張床既墊褥拎走，但張墊褥係一塊過既，成六呎長，咁我好順理成章咁舉起佢，點知一舉，有舊野跌左落我個頭度鬼死咁痛，都未睇清楚係乜鬼跌落我個頭度，就聽玻璃粉碎既聲音，我當堂呆左，望清楚，原來係我盞房燈！盞房燈唔係有咩特別，同以前醫院後樓梯ｄ圓型橙黃色好暗既波波燈一樣，仲有一個波波玻璃燈罩。
我下意識就估到呢鑊甘喇，成個玻璃燈罩「哼」落個頭度，加上小弟係無頭髮做緩衝，仲要見個燈罩粉身碎骨既死相，呢鑊唔死都應該入瑪嘉烈宿營喇啩，我諗應該有至少兩道血從東西兩邊向下流，小弟小心翼翼咁摸下頭頂，免得有玻璃碎殘留頭頂而傷上加傷。
感謝上帝！──賜予我呢個光頭仔一個鐵頭──我個頭頂竟然絲毫無損，純粹起左一個小瘤。我屋企人都立即替我檢查頭頂，證實只係腫左，沒有損傷或碎片。
小弟見到堆玻璃碎由房飛到出廳，真係猶有餘悸。你估我真係識鐵頭功咩，呢劑野如果出事，小弟至少要係醫院過年（大吉利是）；已經skinhead既頭頂要剷光縫針，仲要留多條疤痕兼且傷口以後寸草不生，呢鋪仲唔感謝主呀，真係。
PS不過小弟無哈里路也，因為我唔係好清楚呢句野點解，而且小弟用左成半個鐘先掃清晒ｄ玻璃碎（！-_-）
新一年祝大家福大命大！
節目主持
比亞零九
200901252046
20090114
呃飲呃食上天家 --- 第廿八集 觸動．蓮島
別人短宣（短宣：短期宣教）的經歷聽得多，倒沒有太大感覺，畢竟不是親身經歷，今個假期終於坐言起行，將平生第一次宣教獻給我最心愛的澳門。
呃飲呃食上天家 --- 第廿八集 觸動．蓮島
宣教在我腦海是一片空白，縱然教會在宣教之前已舉行了幾次預備會，但宣教傳福音對於返了教會十九年的我來說，比街市的鮮魚更新鮮。
臨行前我沒有什麼準備，因為我不知準備什麼，然而沒有期望沒有準備，反而可以開放心情接受一切新鮮的感覺和經歷。我只是將黃生的一句說話帶入行李：唔好驕傲，以為自己去幫人，應該存謙卑，服侍別人。
片段太多，篇幅太少，但有兩個活動特別深刻。
第一是行區祈禱。歐姑娘提醒在行區祈禱時不要閒談，只要用心看到什麼便隨心祈禱。甫開始已在心裡反覆問自己：曾經自詡在澳門橫街小巷穿插的我，這些年來究竟做過什麼看過什麼？為什麼還不及現在靜靜地在氹仔拐幾個街頭，慢慢走慢慢看悄悄地祈禱來得實在來得深刻？這時，我才發現自己第一次認真地踏在澳門氹仔的街道。
燈火通明的舊廈與星火寥落的豪宅遙遙相對；居民閒坐舊樓大門外的石壆；小孩在花城公園外空地歡愉玩樂；公園內踩雪屐的青少年互相觀摩；威尼斯人包圍氹仔市民；工人在公園吃飯盒；旅客簇擁在官也街吃喝……一個個景象一張張人臉一一衝入眼簾卻不知道應為哪一刻片段祈禱：心裡剛為一件事開始呼喊上帝，另一件事已佔了空間；感謝上主使用少年人努力地為教會活動派傳單同時，卻看見傷了眼的男人在獨自喝酒。
結果，我迷了。以前的浮光掠影，現在的實地取景，上主醫治了我患有深度近視的心眼，讓我看清楚我心愛的澳門。區行了有沒有祈過禱呢？只記得心裡喊得最多是「主呀！」。
第二是攤位遊戲。誠然，沒有負責學校義工隊後，已沒有參與攤位活動。今次「重施故技」倒沒有生疏，反而一群小朋友教了我一課：毅力、快樂和滿足。小弟設計的遊戲並不容易得獎，要得獎需要一點技巧，技巧不技巧小朋友又怎曉得呢？可是，眼見他們一次又一次失敗，不但沒有灰心氣餒發脾氣，倒是嘻嘻哈哈再排隊再接再厲，失敗不斷重覆，竟絲毫沒有令他們的毅力崩了一點！攤位結束，我將一張張印有巴士的小卡當作賣旗的貼在他們的衣服上，根本算不上什麼禮物什麼玩意，但他們都一一歡天喜地的蹦跳、或滿足地珍而重之地摸著小卡，他們的一舉一動都彷彿一面鏡子，反照著我這個成年人──口口聲聲說要知足說要快樂，原來知足快樂就這樣簡單，隨年月增長，知足快樂亦是被自己簡單地捨棄。
第一次宣教，結果我沒有宣教，心知欠了上帝，但祂仍把經歷送給我，令沒有買鉅記手信的我，行李依然滿載而歸。
節目主持
比亞零八
呃飲呃食上天家 --- 第廿八集 觸動．蓮島
宣教在我腦海是一片空白，縱然教會在宣教之前已舉行了幾次預備會，但宣教傳福音對於返了教會十九年的我來說，比街市的鮮魚更新鮮。
臨行前我沒有什麼準備，因為我不知準備什麼，然而沒有期望沒有準備，反而可以開放心情接受一切新鮮的感覺和經歷。我只是將黃生的一句說話帶入行李：唔好驕傲，以為自己去幫人，應該存謙卑，服侍別人。
片段太多，篇幅太少，但有兩個活動特別深刻。
第一是行區祈禱。歐姑娘提醒在行區祈禱時不要閒談，只要用心看到什麼便隨心祈禱。甫開始已在心裡反覆問自己：曾經自詡在澳門橫街小巷穿插的我，這些年來究竟做過什麼看過什麼？為什麼還不及現在靜靜地在氹仔拐幾個街頭，慢慢走慢慢看悄悄地祈禱來得實在來得深刻？這時，我才發現自己第一次認真地踏在澳門氹仔的街道。
燈火通明的舊廈與星火寥落的豪宅遙遙相對；居民閒坐舊樓大門外的石壆；小孩在花城公園外空地歡愉玩樂；公園內踩雪屐的青少年互相觀摩；威尼斯人包圍氹仔市民；工人在公園吃飯盒；旅客簇擁在官也街吃喝……一個個景象一張張人臉一一衝入眼簾卻不知道應為哪一刻片段祈禱：心裡剛為一件事開始呼喊上帝，另一件事已佔了空間；感謝上主使用少年人努力地為教會活動派傳單同時，卻看見傷了眼的男人在獨自喝酒。
結果，我迷了。以前的浮光掠影，現在的實地取景，上主醫治了我患有深度近視的心眼，讓我看清楚我心愛的澳門。區行了有沒有祈過禱呢？只記得心裡喊得最多是「主呀！」。
第二是攤位遊戲。誠然，沒有負責學校義工隊後，已沒有參與攤位活動。今次「重施故技」倒沒有生疏，反而一群小朋友教了我一課：毅力、快樂和滿足。小弟設計的遊戲並不容易得獎，要得獎需要一點技巧，技巧不技巧小朋友又怎曉得呢？可是，眼見他們一次又一次失敗，不但沒有灰心氣餒發脾氣，倒是嘻嘻哈哈再排隊再接再厲，失敗不斷重覆，竟絲毫沒有令他們的毅力崩了一點！攤位結束，我將一張張印有巴士的小卡當作賣旗的貼在他們的衣服上，根本算不上什麼禮物什麼玩意，但他們都一一歡天喜地的蹦跳、或滿足地珍而重之地摸著小卡，他們的一舉一動都彷彿一面鏡子，反照著我這個成年人──口口聲聲說要知足說要快樂，原來知足快樂就這樣簡單，隨年月增長，知足快樂亦是被自己簡單地捨棄。
第一次宣教，結果我沒有宣教，心知欠了上帝，但祂仍把經歷送給我，令沒有買鉅記手信的我，行李依然滿載而歸。
節目主持
比亞零八
20081001
呃飲呃食上天家－－ 第廿七集 平安擠提 (馬太福音6:21)
呃飲呃食上天家---第廿七集 平安擠提 (馬太福音6:21)
財富係ｄ乜野呢？
以前ｄ人話，健康比財富重要，但香港人同香港政府都將呢句話摧毀：無錢你一係生一係死，千祈唔好病，無錢你一定唔會有健康。
財富可以連健康都打敗，有財富真係好巴閉。
直至到呢個星期，東亞銀行盛傳倒閉既消息傳開，各大小分行排長龍提款，我終於明白──財富可能買到健康，但一定買唔到平安。
打風個日，我搭車經過東亞銀行門口，都已經五點半，龍尾都唔知排到邊度，中間排個ｄ人又亂晒大籠，見到ｄ人好心急咁樣，有ｄ就嘈喧巴閉，一時間好似世界末日咁，都唔知有乜好講。第二日睇報紙，有記者影到ｄ存戶喊晒，終歸究底都係怕自己ｄ錢會無晒；仲有一個女人要人地銀行現兜兜比返二百六十萬佢，結果佢拎住2600張一千蚊紙出街，我心諗你拎住舊錢咁出街，安唔安全都成問題，仲話有冇安全感。口口聲聲話拎返舊錢就安樂晒，但係咪真係安樂？成舊錢拎出街唔怕比人打劫咩？唔怕跌左幾張咩？就算比你存到另一間銀行，你敢保證佢唔會擠提？
點解ｄ人越多財富，反而就越驚青？
點解一個傳言，就可以拎走咁多人既平安？
坦白，小弟都係東亞既存戶，而擠提個日晨咁早已經收到三個電話，話比我知東亞好似出事，然而……小弟一分一毫都無攞過，點解？
第一、小弟既存款絕對係受保於存款保障計劃之內；
第二、全港第五大銀行真係擠提而倒閉，我相信香港既金融經濟都凍過水，你同我有成億身家都難以獨善其身；
第三、好得意，知道個消息之後，我同屋企人講食幾多著幾多整定既，拎乜鬼；之後小弟個腦就閃左兩句經文：「積聚財富在天上」同埋「勿慮衣食」（喂！唔好笑呀，小弟閃到呢兩句係個腦度已經好勁，你都知小弟既聖經知識……）
細心查返段經文，記載係馬太福音6:19-21, 25-34
19:不要為自己積儹財寶在地上、地上有蟲子咬、能銹壞、也有賊挖窟窿來偷．
20:只要積儹財寶在天上、天上沒有蟲子咬、不能銹壞、也沒有賊挖窟窿來偷
21:因為你的財寶在那裏、你的心也在那裏。
25:所以我告訴你們、不要為生命憂慮、吃甚麼、喝甚麼．為身體憂慮穿甚麼．生命不勝於飲食 麼、身體不勝於衣裳麼。
26:你們看那天上的飛鳥、也不種、也不收、也不積蓄在倉裏、你們的天父尚且養活他．你們不比飛鳥貴重得多麼。
27: 你們那一個能用思慮、使壽數多加一刻呢。〔或作使身量多加一肘呢〕
28: 何必為衣裳憂慮呢．你想野地裏的百合花、怎麼長起來、他也不勞苦、也不紡線．
29: 然而我告訴你們、就是所羅門極榮華的時候、他所穿戴的、還不如這花一朵呢。
30: 你們這小信的人哪、野地裏的草、今天還在、明天就丟在爐裏、 神還給他這樣的妝飾、何況你們呢。
31: 所以不要憂慮、說、吃甚麼、喝甚麼、穿甚麼。
32: 這都是外邦人所求的．你們需用的這一切東西、你們的天父是知道的。
33: 你們要先求他的國、和他的義這些東西都要加給你們了。
34: 所以不要為明天憂慮．因為明天自有明天的憂慮．一天的難處一天當就夠了。
我好希望參與擠提既東亞存戶能夠睇到呢段經文，雖然你地令東亞銀行出現擠提，但同時你造就左自己內心平安既擠提。最重要係擠提過後既東亞銀行仍然屹立；但你地擠提過度既平安就……請保重。
東亞存戶之一
比亞零八
200809262300
財富係ｄ乜野呢？
以前ｄ人話，健康比財富重要，但香港人同香港政府都將呢句話摧毀：無錢你一係生一係死，千祈唔好病，無錢你一定唔會有健康。
財富可以連健康都打敗，有財富真係好巴閉。
直至到呢個星期，東亞銀行盛傳倒閉既消息傳開，各大小分行排長龍提款，我終於明白──財富可能買到健康，但一定買唔到平安。
打風個日，我搭車經過東亞銀行門口，都已經五點半，龍尾都唔知排到邊度，中間排個ｄ人又亂晒大籠，見到ｄ人好心急咁樣，有ｄ就嘈喧巴閉，一時間好似世界末日咁，都唔知有乜好講。第二日睇報紙，有記者影到ｄ存戶喊晒，終歸究底都係怕自己ｄ錢會無晒；仲有一個女人要人地銀行現兜兜比返二百六十萬佢，結果佢拎住2600張一千蚊紙出街，我心諗你拎住舊錢咁出街，安唔安全都成問題，仲話有冇安全感。口口聲聲話拎返舊錢就安樂晒，但係咪真係安樂？成舊錢拎出街唔怕比人打劫咩？唔怕跌左幾張咩？就算比你存到另一間銀行，你敢保證佢唔會擠提？
點解ｄ人越多財富，反而就越驚青？
點解一個傳言，就可以拎走咁多人既平安？
坦白，小弟都係東亞既存戶，而擠提個日晨咁早已經收到三個電話，話比我知東亞好似出事，然而……小弟一分一毫都無攞過，點解？
第一、小弟既存款絕對係受保於存款保障計劃之內；
第二、全港第五大銀行真係擠提而倒閉，我相信香港既金融經濟都凍過水，你同我有成億身家都難以獨善其身；
第三、好得意，知道個消息之後，我同屋企人講食幾多著幾多整定既，拎乜鬼；之後小弟個腦就閃左兩句經文：「積聚財富在天上」同埋「勿慮衣食」（喂！唔好笑呀，小弟閃到呢兩句係個腦度已經好勁，你都知小弟既聖經知識……）
細心查返段經文，記載係馬太福音6:19-21, 25-34
19:不要為自己積儹財寶在地上、地上有蟲子咬、能銹壞、也有賊挖窟窿來偷．
20:只要積儹財寶在天上、天上沒有蟲子咬、不能銹壞、也沒有賊挖窟窿來偷
21:因為你的財寶在那裏、你的心也在那裏。
25:所以我告訴你們、不要為生命憂慮、吃甚麼、喝甚麼．為身體憂慮穿甚麼．生命不勝於飲食 麼、身體不勝於衣裳麼。
26:你們看那天上的飛鳥、也不種、也不收、也不積蓄在倉裏、你們的天父尚且養活他．你們不比飛鳥貴重得多麼。
27: 你們那一個能用思慮、使壽數多加一刻呢。〔或作使身量多加一肘呢〕
28: 何必為衣裳憂慮呢．你想野地裏的百合花、怎麼長起來、他也不勞苦、也不紡線．
29: 然而我告訴你們、就是所羅門極榮華的時候、他所穿戴的、還不如這花一朵呢。
30: 你們這小信的人哪、野地裏的草、今天還在、明天就丟在爐裏、 神還給他這樣的妝飾、何況你們呢。
31: 所以不要憂慮、說、吃甚麼、喝甚麼、穿甚麼。
32: 這都是外邦人所求的．你們需用的這一切東西、你們的天父是知道的。
33: 你們要先求他的國、和他的義這些東西都要加給你們了。
34: 所以不要為明天憂慮．因為明天自有明天的憂慮．一天的難處一天當就夠了。
我好希望參與擠提既東亞存戶能夠睇到呢段經文，雖然你地令東亞銀行出現擠提，但同時你造就左自己內心平安既擠提。最重要係擠提過後既東亞銀行仍然屹立；但你地擠提過度既平安就……請保重。
東亞存戶之一
比亞零八
200809262300
呃飲呃食上天家－－ 第廿六集《五十日同行世界》第9節
如果口口聲聲話我既上帝幫我覆左桌（報仇），我信，因為聖經話「申冤在我，主必報應」，但唔係《五十日同行世界》既主旨，我信既上帝亦唔係「覆桌既上帝」。
呃飲呃食上天家--- 第廿六集 五十日同行世界
第九節 揭開蟄伏的時間線
大家仲記得第二節既《蟄伏的時間線》嘛？（唔記得就睇返啦）裡面提到小弟既暑假時間表：
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 ---> 20/8 正式待業
我個時仲希望個時間表好smooth咁20/8之後1/9前搵到工添，結果呢？
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 ---> 20/8 正式待業 ---> 25/8見到工兼開埋工
無野好講，一個完美的時間表。
呢個就係我既上帝──
一個聽禱告既上帝（當我ｄ朋友病左又失業，以及自己求職方面）；
一個知道比咩我會係最好既上帝（第二次見工既扯火，兩次推天主教學校既job）；
一個唔專制比自由我去選擇既上帝（比我同佢講自己既planning，同埋係澳門坐巴士既休息）；
一個當我軟弱個時仲不離不棄既上帝（澳門之行）；
一個愛我既上帝（澳門之行）；
一個完美又奇妙既上帝（真係完成左個時間表）……
五十日既暑假裡面，主伴我同行，我同上帝一對一實實在在咁響呢個世界生活，比我去知道、認識、了解、感受一個我已經識左十八年既上帝。
暑假過左，我又搵到工，唔代表上帝好似放完暑假咁走左，我知道呢個只係我同上帝同行既開始，我相信以後我同上帝仲有好多個「五十日同行世界」。
全集完
比亞零八
200809291827
呃飲呃食上天家--- 第廿六集 五十日同行世界
第九節 揭開蟄伏的時間線
大家仲記得第二節既《蟄伏的時間線》嘛？（唔記得就睇返啦）裡面提到小弟既暑假時間表：
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 ---> 20/8 正式待業
我個時仲希望個時間表好smooth咁20/8之後1/9前搵到工添，結果呢？
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 ---> 20/8 正式待業 ---> 25/8見到工兼開埋工
無野好講，一個完美的時間表。
呢個就係我既上帝──
一個聽禱告既上帝（當我ｄ朋友病左又失業，以及自己求職方面）；
一個知道比咩我會係最好既上帝（第二次見工既扯火，兩次推天主教學校既job）；
一個唔專制比自由我去選擇既上帝（比我同佢講自己既planning，同埋係澳門坐巴士既休息）；
一個當我軟弱個時仲不離不棄既上帝（澳門之行）；
一個愛我既上帝（澳門之行）；
一個完美又奇妙既上帝（真係完成左個時間表）……
五十日既暑假裡面，主伴我同行，我同上帝一對一實實在在咁響呢個世界生活，比我去知道、認識、了解、感受一個我已經識左十八年既上帝。
暑假過左，我又搵到工，唔代表上帝好似放完暑假咁走左，我知道呢個只係我同上帝同行既開始，我相信以後我同上帝仲有好多個「五十日同行世界」。
全集完
比亞零八
200809291827
呃飲呃食上天家－－ 第廿六集《五十日同行世界》第8節
我的主對我說：「起來，上路。」
呃飲呃食上天家--- 第廿六集 五十日同行世界
第八節 夢幻的一天
返到香港，我繼續生活。我既兄弟話比我知佢間學校請人，於是我send個履歷過去，但係經歷澳門一役之後，我已經打定要九月頭先搵到，個人開始輕散兼懶散，仲諗住九月揹個背囊去個旅行添。
見今次份工，其實無乜準備，可能之前已經預備左啦，ｄ野仲記係個腦度，淨係上去間學校個網睇睇。
八月廿五號，因為小弟計算錯誤，早左四十五分鐘去到學校。等到九點半，校長先見我。一坐低，校長就同我講唔好意思，因為做緊野，所以要我等左咁耐。Wait，其實係我早到阻住佢，say sorry應該係我（當然我亦付諸實行）；再wait，點解個情境咁熟口面既？
可能我兄弟已經幫我見左一半工，校長同我似傾計多過面試，問我工作既野都只係一兩句，問得我最多既，竟然係──我係教會既事奉。可能間學校係基督教學校卦，佢仲話可以係學校帶學生團契。吓？比我係見工個時躂到我上帝同我教會個朵，我已經好開心啦喎；化灰都無諗過有校長問我少年事工ｄ野，我以為少年事工只係係教會做，無諗過我教會既事奉同我既工作有個等號（＝）喎。
再講講下講到人工個方面，佢話驚比唔返我依家個point，唉，做合約教師咁耐唔通唔知點玩咩，我同校長講比返起薪點都ok架啦，點知校長反應好大（大到我到差ｄ比佢嚇親）咁講：「我地無咁無良，等我計下個人工先。」我聽完之後好想笑好想拍手掌，仲想叫佢講多一次，等我錄埋音掟比天主教個間聽。
In完之後，佢就安排我入教員室坐，等等，一直都無話請我架喎，不如比我返去等消息啦，叫我坐響度做乜呀。我戇居居坐響度坐到十一點幾，校長叫我跟住佢，入到會議室，見到有幾個老師坐響度，校長同我講「佢地開緊會，你一齊開啦。」吓？咩事呀？係咪面試既一部分黎架？又無話請我仲乜要我開會？搲晒頭又開左一個會。之後就食晏下晝開全體會（後尾先比份約我簽）。
我收工之後，已經懵下懵下，全日都唔知發生緊咩事，好似發緊夢咁。十二個鐘都唔夠已經由待業變成就業，仲已經開緊工個隻。發生咩事呀？
我既上帝嫌唔夠爆，收工之後，我仲收到個電話，嘩！打死都估唔到──之前間天主教學校話有合約位，問我做唔做。個一刻，我已經產生左兩項個人紀錄：
1) 第一次係同一日有兩份工請我。
2) 第一次向同一間學校推工兩次。
收線之後，我有種「吐氣揚眉」既感覺。還記得第六節《與我常在》講過，如果間天主教學校請我做唔做，我回應：「唔做。但我無第二間揀，為左生活，我會做。有得揀，一定唔做。」第一次上帝利用我既「弱點」（人工低）幫我推左；到今次已經簽左約喇，唔推唔得。
好野好野，上帝完全知我點諗，無野好講。
比亞零八
200809291827
呃飲呃食上天家--- 第廿六集 五十日同行世界
第八節 夢幻的一天
返到香港，我繼續生活。我既兄弟話比我知佢間學校請人，於是我send個履歷過去，但係經歷澳門一役之後，我已經打定要九月頭先搵到，個人開始輕散兼懶散，仲諗住九月揹個背囊去個旅行添。
見今次份工，其實無乜準備，可能之前已經預備左啦，ｄ野仲記係個腦度，淨係上去間學校個網睇睇。
八月廿五號，因為小弟計算錯誤，早左四十五分鐘去到學校。等到九點半，校長先見我。一坐低，校長就同我講唔好意思，因為做緊野，所以要我等左咁耐。Wait，其實係我早到阻住佢，say sorry應該係我（當然我亦付諸實行）；再wait，點解個情境咁熟口面既？
可能我兄弟已經幫我見左一半工，校長同我似傾計多過面試，問我工作既野都只係一兩句，問得我最多既，竟然係──我係教會既事奉。可能間學校係基督教學校卦，佢仲話可以係學校帶學生團契。吓？比我係見工個時躂到我上帝同我教會個朵，我已經好開心啦喎；化灰都無諗過有校長問我少年事工ｄ野，我以為少年事工只係係教會做，無諗過我教會既事奉同我既工作有個等號（＝）喎。
再講講下講到人工個方面，佢話驚比唔返我依家個point，唉，做合約教師咁耐唔通唔知點玩咩，我同校長講比返起薪點都ok架啦，點知校長反應好大（大到我到差ｄ比佢嚇親）咁講：「我地無咁無良，等我計下個人工先。」我聽完之後好想笑好想拍手掌，仲想叫佢講多一次，等我錄埋音掟比天主教個間聽。
In完之後，佢就安排我入教員室坐，等等，一直都無話請我架喎，不如比我返去等消息啦，叫我坐響度做乜呀。我戇居居坐響度坐到十一點幾，校長叫我跟住佢，入到會議室，見到有幾個老師坐響度，校長同我講「佢地開緊會，你一齊開啦。」吓？咩事呀？係咪面試既一部分黎架？又無話請我仲乜要我開會？搲晒頭又開左一個會。之後就食晏下晝開全體會（後尾先比份約我簽）。
我收工之後，已經懵下懵下，全日都唔知發生緊咩事，好似發緊夢咁。十二個鐘都唔夠已經由待業變成就業，仲已經開緊工個隻。發生咩事呀？
我既上帝嫌唔夠爆，收工之後，我仲收到個電話，嘩！打死都估唔到──之前間天主教學校話有合約位，問我做唔做。個一刻，我已經產生左兩項個人紀錄：
1) 第一次係同一日有兩份工請我。
2) 第一次向同一間學校推工兩次。
收線之後，我有種「吐氣揚眉」既感覺。還記得第六節《與我常在》講過，如果間天主教學校請我做唔做，我回應：「唔做。但我無第二間揀，為左生活，我會做。有得揀，一定唔做。」第一次上帝利用我既「弱點」（人工低）幫我推左；到今次已經簽左約喇，唔推唔得。
好野好野，上帝完全知我點諗，無野好講。
比亞零八
200809291827
呃飲呃食上天家－－ 第廿六集《五十日同行世界》第7節
爬起來，離開，靜靜地又走了一段路。
呃飲呃食上天家──第廿六集 五十日同行世界
第七節 同舟
這個暑假我沒有休息過；
也沒有打算休息；
或者沒有休息的空間。
八月十九日，我完成了公開大學最後一科考試，即是代表我要在求職場上拼命。
八月廿一日，天文台發出一號戒備信號，颱風鸚鵡襲港前一日，溫度高達三十四度，我將十封求職信放在旅行袋裡，買了船票，提起旅行袋獨自到澳門去。
水翼船內坐著的乘客，有的是探親、有的是旅遊、有的是工作──我呢？身邊一個熟人都沒有，外表像一個人靜靜的坐著，其實腦海和心底都有暗湧，分明是不安和疑慮──我怕被人嘲笑、拒絕、也感到尷尬──一切的感覺本應令我坐立不安，軀體偏偏放在水翼船艙中動彈不得，我的眼睛望著乘客，然後問我的內心──我是否唯一一個到澳門找尋工作的人？
澳門一直都是自己喜歡的地方，零三年時我已到澳門「探路」，零七年交流時已打算學校死了之後到澳門工作。到教青局登記，今年六月時已經做了。今次是我的兄弟建議我連人帶信到澳門走一趟，搏一個即場面試的機會。
既然是自己一心想要到的地方，但為什麼坐在船上的我，有一刻敗走香港的感覺呢？彷彿未死心又覺得香港沒有可立足的空間似的積鬱？我完全攪不清楚自己是去是留，就好像在喪禮裡，一方親友喊著「安心咁去」、另一方面親友叫著「返來啊」的那種彌留，而那種彌留，現在正正就是困在船上的我。
熬了一小時，終於達抵澳門。甫一下船，我跟我的上帝說：請與我同行，給我勇氣。然後上車去。
三十四度高溫下，背著旅行袋，在澳門街頭穿插，彷彿是一個郵差，將自己的將來投遞到一間又一間的學校，過程不是十分順利，有的地址錯了、有的學校要透過教青局招聘，十間學校只能投得六間，但我走足了九間。在路途上曾烈日當空、也曾灑過雨水，身上汗水未曾停止過；在車站上等車，其他乘客都奇怪地望望我，我也沒有太尷尬的感覺，因為我不知他們心裡想什麼，我只希望儘快找到下一間學校的位置。
穿街過巷，腳患也發作了，一拐一拐地走到最後一間學校，按了門鈴可惜沒有人接應，我望一望手錶已經五時了，以為下班了。由於腳實在累得提不起，我就靜靜地站在校門的巴士站等車。等了五分鐘，校門忽然打開，原來是校內進行工程，我看見似是學校的書記走出來，可是，我沒有走上前，望著望著，巴士也到了，最後我上了車。
大家一定問：都咁辛苦去到最後一間，點解唔博埋個機會？不只你，我在巴士上也問自己。但，真的不好意思，勇氣樽裡的勇氣已經不足以支持自己走上前。我無法面對其他乘客望著我在開揚的正門交求職信、我無能力再接受第七位陌生人的錯愕表情、我的腳跟已經無能力支撐我踏上三級樓梯──那一刻我只想躲起來，不想再見到任何人。我已經自責了一程巴士，但原諒我是一個軟弱的人。
由氹仔返回澳門，我很累，腳已經無力再走動，雖然我知道颱風將要襲港，我再不上船便要滯留澳門，而我亦沒有留在澳門的打算。但我真的很累，一動也不想動。我跟上帝說：可否讓我坐坐巴士休息，不再想憂慮什麼事。
坐在巴士上的我很靜，巴士帶著我上山落山（我坐的是18號，走橫街窄巷的，不是香港人只認識的3號），一一走過今天走過的路，彷彿是一個重溫。坐坐看看已經一小時了，天氣亦開始變壞了，雷聲提醒我要回程了。
返香港的船因風浪關係偶爾顛簸，船艙的我很累但沒有睡，軀殼隨著顛簸左右搖擺，然而我很平靜，不似得其他乘客般驚恐嘔吐。當船抵達碼頭，天文台才發出三號強風信號。
有人覺得上帝沒有同在，因為有事時祂沒有出現；有人感覺不到祂的存在，因為祈禱沒有回應；有人覺得不會得到上帝的眷顧，因為自己實在太「small potatoes」。但今次我的上帝很實在地與我同行，甚至祂與我肩並肩地行，路途上我沒有跟祂說太多，祂也不介意我很少跟祂說話。我只想有個伴和我同行澳門的路，祂一直在左右，靜靜地靜靜地陪我走。
你問我怎知道祂的同在，當那天你是我，一個人走在澳門街上，你便會知道。
比亞零八
200809241650
呃飲呃食上天家──第廿六集 五十日同行世界
第七節 同舟
這個暑假我沒有休息過；
也沒有打算休息；
或者沒有休息的空間。
八月十九日，我完成了公開大學最後一科考試，即是代表我要在求職場上拼命。
八月廿一日，天文台發出一號戒備信號，颱風鸚鵡襲港前一日，溫度高達三十四度，我將十封求職信放在旅行袋裡，買了船票，提起旅行袋獨自到澳門去。
水翼船內坐著的乘客，有的是探親、有的是旅遊、有的是工作──我呢？身邊一個熟人都沒有，外表像一個人靜靜的坐著，其實腦海和心底都有暗湧，分明是不安和疑慮──我怕被人嘲笑、拒絕、也感到尷尬──一切的感覺本應令我坐立不安，軀體偏偏放在水翼船艙中動彈不得，我的眼睛望著乘客，然後問我的內心──我是否唯一一個到澳門找尋工作的人？
澳門一直都是自己喜歡的地方，零三年時我已到澳門「探路」，零七年交流時已打算學校死了之後到澳門工作。到教青局登記，今年六月時已經做了。今次是我的兄弟建議我連人帶信到澳門走一趟，搏一個即場面試的機會。
既然是自己一心想要到的地方，但為什麼坐在船上的我，有一刻敗走香港的感覺呢？彷彿未死心又覺得香港沒有可立足的空間似的積鬱？我完全攪不清楚自己是去是留，就好像在喪禮裡，一方親友喊著「安心咁去」、另一方面親友叫著「返來啊」的那種彌留，而那種彌留，現在正正就是困在船上的我。
熬了一小時，終於達抵澳門。甫一下船，我跟我的上帝說：請與我同行，給我勇氣。然後上車去。
三十四度高溫下，背著旅行袋，在澳門街頭穿插，彷彿是一個郵差，將自己的將來投遞到一間又一間的學校，過程不是十分順利，有的地址錯了、有的學校要透過教青局招聘，十間學校只能投得六間，但我走足了九間。在路途上曾烈日當空、也曾灑過雨水，身上汗水未曾停止過；在車站上等車，其他乘客都奇怪地望望我，我也沒有太尷尬的感覺，因為我不知他們心裡想什麼，我只希望儘快找到下一間學校的位置。
穿街過巷，腳患也發作了，一拐一拐地走到最後一間學校，按了門鈴可惜沒有人接應，我望一望手錶已經五時了，以為下班了。由於腳實在累得提不起，我就靜靜地站在校門的巴士站等車。等了五分鐘，校門忽然打開，原來是校內進行工程，我看見似是學校的書記走出來，可是，我沒有走上前，望著望著，巴士也到了，最後我上了車。
大家一定問：都咁辛苦去到最後一間，點解唔博埋個機會？不只你，我在巴士上也問自己。但，真的不好意思，勇氣樽裡的勇氣已經不足以支持自己走上前。我無法面對其他乘客望著我在開揚的正門交求職信、我無能力再接受第七位陌生人的錯愕表情、我的腳跟已經無能力支撐我踏上三級樓梯──那一刻我只想躲起來，不想再見到任何人。我已經自責了一程巴士，但原諒我是一個軟弱的人。
由氹仔返回澳門，我很累，腳已經無力再走動，雖然我知道颱風將要襲港，我再不上船便要滯留澳門，而我亦沒有留在澳門的打算。但我真的很累，一動也不想動。我跟上帝說：可否讓我坐坐巴士休息，不再想憂慮什麼事。
坐在巴士上的我很靜，巴士帶著我上山落山（我坐的是18號，走橫街窄巷的，不是香港人只認識的3號），一一走過今天走過的路，彷彿是一個重溫。坐坐看看已經一小時了，天氣亦開始變壞了，雷聲提醒我要回程了。
返香港的船因風浪關係偶爾顛簸，船艙的我很累但沒有睡，軀殼隨著顛簸左右搖擺，然而我很平靜，不似得其他乘客般驚恐嘔吐。當船抵達碼頭，天文台才發出三號強風信號。
有人覺得上帝沒有同在，因為有事時祂沒有出現；有人感覺不到祂的存在，因為祈禱沒有回應；有人覺得不會得到上帝的眷顧，因為自己實在太「small potatoes」。但今次我的上帝很實在地與我同行，甚至祂與我肩並肩地行，路途上我沒有跟祂說太多，祂也不介意我很少跟祂說話。我只想有個伴和我同行澳門的路，祂一直在左右，靜靜地靜靜地陪我走。
你問我怎知道祂的同在，當那天你是我，一個人走在澳門街上，你便會知道。
比亞零八
200809241650
呃飲呃食上天家－－ 第廿六集《五十日同行世界》第6節
一次面試，筋竭力疲。我好似受左重傷既拳手，倒臥係軟墊上深層昏迷。
呃飲呃食上天家──第廿六集 五十日同行世界
第六節 與我常在
用左一日時間，我冷靜落黎──我話得個男人打正天主教旗號做埋ｄ衰野，咁打正基督教旗號既我又係修養立品事奉傳教工作上面做得好咩？我話得人又有冇反省自己呢？如果我真係咁尊敬聖方濟各堂個位老先生，當正大家都係一家人同負一軛既話，我又何嘗唔係破壞個位老先生傳教事奉工作？
冷靜過後係更重既係憔悴──我靜靜咁走到我神既跟前，我道歉──道歉唔係因為我鬧佢，而係自己由此至終太過分。明明自己只係祈求有一次面試既機會，主答應左我，之後所發生既，一切都係自己貪心，想再多ｄ再多ｄ而落得咁既下場，我又怪責邊個呢？主聽左我既禱告，我又咁對佢，我同個ｄ因唔合自己心意而離開神既人有咩分別呢？
身邊既朋友同我講世界上其實唔只佢一個衰人，無論咩國籍咩宗教都有賤人當道。我無理會朋友係咪好言安慰，但係令我知道，點解我對個中坑會咁慶──原來我三十一年黎，我無遇過ｄ咁既人，就算以前遇過既衰人都無呢個中坑個品咁差；更重要係三十一年黎，身邊既朋友對我十分之好，好保護好遷就好愛護我，我有事個個都會為我出頭出聲出面，只係我身在福中不知福。
憔悴期個三數天，我好沉；但我沒有放棄祈禱，只不過唔係為自己，而係為仲未搵到野做既朋友祈禱，希望早日搵到野做，好得意，佢地真係相繼搵到工；同樣我為到一位傷左腳入左醫院既小兄弟祈禱，點知唔駛一個禮拜佢出左院。原來主一直無離開過我，我咁衰仔都聽我禱告，為我將
一切困鎖既事挪開，靜靜咁比我休息，陪著我。
我好記得自己係最嬲個時講過一句現實既說話，就係朋友問我如果間天主教學校請你你做唔做，當時我回應：「唔做。但我無第二間揀，為左生活，我會做。有得揀，一定唔做。」連志氣都洩埋。但當然自己都有底線，就係人工太低唔合理一定唔做。
第二次面試過左兩日，個間學校打比我話請我，可惜出價太低，比起薪點更低不特止，仲要代課廿日人工都高過佢，我曾經bargain過，唔成功，結果無合作。我有ｄ唔開心，因為朋友都知我出身到依家都係個ｄ死做難做格，點知今次第一次推工。但有三件事令我好安慰，兼且個人輕鬆返ｄ：
第一，其實今次係求職成功，因為佢請我，只係我唔做；
第二，我阿爸阿媽竟然十分支持我，原因係幾年前一次搵工失敗，比佢地係咁話我，其實我都怕同佢講我未搵到工就推工，費時比佢地又話啦，真係估唔到佢地咁支持我，仲出口鬧間學校；
第三，上帝知道我唔想做呢間學校，太多唔愉快既經歷，但為左生活又要迫去做，同時佢知我人工有底線，於是利用呢條底線幫我推左份工，亦都省卻左我情緒低落個時仲要我左諗右諗，坦白一句，當間學校開出條件到我開口拒絕，我第一次強烈感受到呢個係上帝特登安排。
「足印」歌詞講：
每次我心中多悲傷，祂怎卻遠去剩我獨行；每次我感到是寂寞，祂怎卻遠去剩我孤單；
默默地在我身邊的主，跟我低聲輕輕說出；「在絕望路裡的一雙，原是我的足印。」
回望我過去多少的失意，但你每次每次也在旁，是你抹我淚痕，是你揹我經過，
明白到有你居於心深處，我不再是獨行，前路有你共行，留下雙雙足印。
上帝真係如我同在。
比亞零八
200809140145
呃飲呃食上天家──第廿六集 五十日同行世界
第六節 與我常在
用左一日時間，我冷靜落黎──我話得個男人打正天主教旗號做埋ｄ衰野，咁打正基督教旗號既我又係修養立品事奉傳教工作上面做得好咩？我話得人又有冇反省自己呢？如果我真係咁尊敬聖方濟各堂個位老先生，當正大家都係一家人同負一軛既話，我又何嘗唔係破壞個位老先生傳教事奉工作？
冷靜過後係更重既係憔悴──我靜靜咁走到我神既跟前，我道歉──道歉唔係因為我鬧佢，而係自己由此至終太過分。明明自己只係祈求有一次面試既機會，主答應左我，之後所發生既，一切都係自己貪心，想再多ｄ再多ｄ而落得咁既下場，我又怪責邊個呢？主聽左我既禱告，我又咁對佢，我同個ｄ因唔合自己心意而離開神既人有咩分別呢？
身邊既朋友同我講世界上其實唔只佢一個衰人，無論咩國籍咩宗教都有賤人當道。我無理會朋友係咪好言安慰，但係令我知道，點解我對個中坑會咁慶──原來我三十一年黎，我無遇過ｄ咁既人，就算以前遇過既衰人都無呢個中坑個品咁差；更重要係三十一年黎，身邊既朋友對我十分之好，好保護好遷就好愛護我，我有事個個都會為我出頭出聲出面，只係我身在福中不知福。
憔悴期個三數天，我好沉；但我沒有放棄祈禱，只不過唔係為自己，而係為仲未搵到野做既朋友祈禱，希望早日搵到野做，好得意，佢地真係相繼搵到工；同樣我為到一位傷左腳入左醫院既小兄弟祈禱，點知唔駛一個禮拜佢出左院。原來主一直無離開過我，我咁衰仔都聽我禱告，為我將
一切困鎖既事挪開，靜靜咁比我休息，陪著我。
我好記得自己係最嬲個時講過一句現實既說話，就係朋友問我如果間天主教學校請你你做唔做，當時我回應：「唔做。但我無第二間揀，為左生活，我會做。有得揀，一定唔做。」連志氣都洩埋。但當然自己都有底線，就係人工太低唔合理一定唔做。
第二次面試過左兩日，個間學校打比我話請我，可惜出價太低，比起薪點更低不特止，仲要代課廿日人工都高過佢，我曾經bargain過，唔成功，結果無合作。我有ｄ唔開心，因為朋友都知我出身到依家都係個ｄ死做難做格，點知今次第一次推工。但有三件事令我好安慰，兼且個人輕鬆返ｄ：
第一，其實今次係求職成功，因為佢請我，只係我唔做；
第二，我阿爸阿媽竟然十分支持我，原因係幾年前一次搵工失敗，比佢地係咁話我，其實我都怕同佢講我未搵到工就推工，費時比佢地又話啦，真係估唔到佢地咁支持我，仲出口鬧間學校；
第三，上帝知道我唔想做呢間學校，太多唔愉快既經歷，但為左生活又要迫去做，同時佢知我人工有底線，於是利用呢條底線幫我推左份工，亦都省卻左我情緒低落個時仲要我左諗右諗，坦白一句，當間學校開出條件到我開口拒絕，我第一次強烈感受到呢個係上帝特登安排。
「足印」歌詞講：
每次我心中多悲傷，祂怎卻遠去剩我獨行；每次我感到是寂寞，祂怎卻遠去剩我孤單；
默默地在我身邊的主，跟我低聲輕輕說出；「在絕望路裡的一雙，原是我的足印。」
回望我過去多少的失意，但你每次每次也在旁，是你抹我淚痕，是你揹我經過，
明白到有你居於心深處，我不再是獨行，前路有你共行，留下雙雙足印。
上帝真係如我同在。
比亞零八
200809140145
呃飲呃食上天家－－ 第廿六集《五十日同行世界》第5節
上帝愛我，雖然小弟又野蠻又無賴又犯賤又貪得無厭，但係──上帝．仍然．愛．我。
呃飲呃食上天家──第廿六集 五十日同行世界
第五節 與天主教正面交鋒第二回
唔駛一個禮拜，個間天主教小學call我第二次面試。我開心到差ｄ暈低，我仲同ｄfriend講，如果臨門撻Ｑ既話，我應該要自殺。於是我又花左半天既時間去預備second in.，當然又少了時間預備第二科考試。
面試當日，我帶齊所有個人資料，心情好緊張，最抵死係校長話校董仲未到，要等多一陣，wait──點解多左個校董架，上次無講架。於是我求上帝與我同在。
一等等左四十五分鐘，一入會議室，校長立即同我say sorry要我久等之類。Wait，係個校董遲到，校長你仲乜道歉呀？校董大晒呀？算！大人不記小人過。
個校董係一個中年男人有ｄ霸氣，一開波佢就話我唔係一個合資格教師，因為我張教育文憑有問題喎，我Ｏ晒咀，坦白我得六年年資，睇佢個樣年資深過我，可能有問題我真係唔清楚，於是我以後輩身份同語氣詢問佢，比到位佢上喎，佢自然而然咁貫徹「大支野」姿態教我呢個後輩。點知，講左十五分鐘，佢先發覺自己講錯野，再問返我讀左幾耐，我話比佢聽一年full time，佢就同校長講佢攪錯左（唔係同我講），兼且仲要插我仲乜唔寫清楚係履歷度，我話比佢聽已經寫左係師資訓練一欄，佢先無聲出（不過都係無道歉）。十五分鐘裡面起初我覺得自己被佢「技術性擊倒」輸1:0比佢，但係後半場佢完全「露底」──又遲到又唔睇唔清楚ｄ野又無禮貌，完全係水蟹充大閘蟹，死開啦！
打後半個鐘，完全被佢「禁住打」，又話我呢話我路，鬼叫我黎求職呀──成場個比數越拉越開。
到講到天主教問題，我終於開心返ｄ，因為我可以將我既信仰我間教會同我既工作連埋一齊。點知個中坑仲黑人憎：「你間教會係邊？」我如實作答。佢以輕佻既態度問：「即係樓上教會啦！你間教會都唔係好大啫。」我話係。佢就講喇：「大教會就知道架喇，你細教會就講清楚啦，我地天主教……」我聽到呢度，我已經好慶好慶（我勁想一拳打爆佢個咀，兼且用刀係佢籮柚界十字，等佢上巴士有位都坐唔到）──家下細教會有乜問題？細教會就一定歧視其他宗教？細教會一定無知呀？家下一定係大教會先明事理咩？仲乜要睇小我間教會？我間教會細一定要受你歧視呀？
佢仲好笑，話唔係同我傳天主教喎。死開啦，我心諗，即使我唔係基督徒，我唔信耶穌，但見到係你傳教，我入邪教都唔入天主教！
其實，我對天主教從來無歧視，因為小弟係天主教幼稚園出身，兼且上次跟教會去拜訪深水埔天主教聖方濟各堂，好記得個位老先生好好人，即使我地係基督徒，都好溫文有禮（係我成世都學唔到個種nice），佢又好虔誠，用一生時間係教堂事奉，好關顧我個班少年人，係一個有品德有修養既前輩，佢仲話我地（基督徒同天主教徒）本來係一家人黎（讀過歷史都知）。所以我個一刻好尊敬佢，甚至有ｄ所謂基督教既前輩都唔及佢。點解？點解有呢條中坑摧毀我對天主教良好既觀感，破壞左個位老前輩窮畢生係教堂傳教事奉既工作！
踏出個間學校，我勁唔開心，我上到巴士即刻鬧上帝（係，我係鬧上帝）：天主教又係你睇，基督教又係你睇，仲乜天主教有ｄ咁既人呀？我第一次見工可以躂你個朵，點知係比人睇小，有冇攪錯！
提摩太前書4:12話：「不可叫人小看你年輕，總要在言語、行為、愛心、信心、清潔上，都作信徒的榜樣。」我同自己講，我一定要努力工作，係教育上創一番成就；仲有努力事奉，令到我間教會唔會比人睇小！我一定唔會衰比個死中坑睇！
比亞零八
200809140036
呃飲呃食上天家──第廿六集 五十日同行世界
第五節 與天主教正面交鋒第二回
唔駛一個禮拜，個間天主教小學call我第二次面試。我開心到差ｄ暈低，我仲同ｄfriend講，如果臨門撻Ｑ既話，我應該要自殺。於是我又花左半天既時間去預備second in.，當然又少了時間預備第二科考試。
面試當日，我帶齊所有個人資料，心情好緊張，最抵死係校長話校董仲未到，要等多一陣，wait──點解多左個校董架，上次無講架。於是我求上帝與我同在。
一等等左四十五分鐘，一入會議室，校長立即同我say sorry要我久等之類。Wait，係個校董遲到，校長你仲乜道歉呀？校董大晒呀？算！大人不記小人過。
個校董係一個中年男人有ｄ霸氣，一開波佢就話我唔係一個合資格教師，因為我張教育文憑有問題喎，我Ｏ晒咀，坦白我得六年年資，睇佢個樣年資深過我，可能有問題我真係唔清楚，於是我以後輩身份同語氣詢問佢，比到位佢上喎，佢自然而然咁貫徹「大支野」姿態教我呢個後輩。點知，講左十五分鐘，佢先發覺自己講錯野，再問返我讀左幾耐，我話比佢聽一年full time，佢就同校長講佢攪錯左（唔係同我講），兼且仲要插我仲乜唔寫清楚係履歷度，我話比佢聽已經寫左係師資訓練一欄，佢先無聲出（不過都係無道歉）。十五分鐘裡面起初我覺得自己被佢「技術性擊倒」輸1:0比佢，但係後半場佢完全「露底」──又遲到又唔睇唔清楚ｄ野又無禮貌，完全係水蟹充大閘蟹，死開啦！
打後半個鐘，完全被佢「禁住打」，又話我呢話我路，鬼叫我黎求職呀──成場個比數越拉越開。
到講到天主教問題，我終於開心返ｄ，因為我可以將我既信仰我間教會同我既工作連埋一齊。點知個中坑仲黑人憎：「你間教會係邊？」我如實作答。佢以輕佻既態度問：「即係樓上教會啦！你間教會都唔係好大啫。」我話係。佢就講喇：「大教會就知道架喇，你細教會就講清楚啦，我地天主教……」我聽到呢度，我已經好慶好慶（我勁想一拳打爆佢個咀，兼且用刀係佢籮柚界十字，等佢上巴士有位都坐唔到）──家下細教會有乜問題？細教會就一定歧視其他宗教？細教會一定無知呀？家下一定係大教會先明事理咩？仲乜要睇小我間教會？我間教會細一定要受你歧視呀？
佢仲好笑，話唔係同我傳天主教喎。死開啦，我心諗，即使我唔係基督徒，我唔信耶穌，但見到係你傳教，我入邪教都唔入天主教！
其實，我對天主教從來無歧視，因為小弟係天主教幼稚園出身，兼且上次跟教會去拜訪深水埔天主教聖方濟各堂，好記得個位老先生好好人，即使我地係基督徒，都好溫文有禮（係我成世都學唔到個種nice），佢又好虔誠，用一生時間係教堂事奉，好關顧我個班少年人，係一個有品德有修養既前輩，佢仲話我地（基督徒同天主教徒）本來係一家人黎（讀過歷史都知）。所以我個一刻好尊敬佢，甚至有ｄ所謂基督教既前輩都唔及佢。點解？點解有呢條中坑摧毀我對天主教良好既觀感，破壞左個位老前輩窮畢生係教堂傳教事奉既工作！
踏出個間學校，我勁唔開心，我上到巴士即刻鬧上帝（係，我係鬧上帝）：天主教又係你睇，基督教又係你睇，仲乜天主教有ｄ咁既人呀？我第一次見工可以躂你個朵，點知係比人睇小，有冇攪錯！
提摩太前書4:12話：「不可叫人小看你年輕，總要在言語、行為、愛心、信心、清潔上，都作信徒的榜樣。」我同自己講，我一定要努力工作，係教育上創一番成就；仲有努力事奉，令到我間教會唔會比人睇小！我一定唔會衰比個死中坑睇！
比亞零八
200809140036
呃飲呃食上天家－－ 第廿六集《五十日同行世界》第4節
上帝愛我，雖然小弟又野蠻又無賴又犯賤，但係──上帝．愛．我。
呃飲呃食上天家──第廿六集 五十日同行世界
第四節 與天主教正面交鋒第一回
八月第一個禮拜，我收到某天主教小學既面試電話通知，我十分雀躍，開心左一日，因為有工見。我花了半天既時間預備面試，結果，當然也少了時間預備我第一科考試。
面試之前，我唔記得左我send呢間學校係咩職位係咩科目，直到面試個時，我偷偷地望下流落係校長手中既求職信，嘩！原來係自薦信黎架，我咁大個人第一次掟自薦信係有回音架，仲開心過睇報紙掟個批求職信。一開波先有個bonus！正！
面試過程十分順利，也十分開心，因為學校既校長好有禮貌，好識尊重人，不過當中也因為緊張而表現失準，anyway，面試之後我係笑住咁行出人地既門口。記得個校長同我講，如果收到第二次面試電話既話，都ok架啦，叫我帶齊個人資料，仲話會盡快通知我好消息。
其實我乜野宗教團體辦既學校，我都想教，因為我只係想教書，但今次係天主教學校，我都問過傳道人，傳道人都話無乜問題，我就更加放心喇。
我當然有即刻多謝我既上帝啦，咁關照我……但係人係貪得無厭既，我好快就希望上帝比我有第二次面試機會，仲祈求見得成份工……
比亞零八
200809132159
呃飲呃食上天家──第廿六集 五十日同行世界
第四節 與天主教正面交鋒第一回
八月第一個禮拜，我收到某天主教小學既面試電話通知，我十分雀躍，開心左一日，因為有工見。我花了半天既時間預備面試，結果，當然也少了時間預備我第一科考試。
面試之前，我唔記得左我send呢間學校係咩職位係咩科目，直到面試個時，我偷偷地望下流落係校長手中既求職信，嘩！原來係自薦信黎架，我咁大個人第一次掟自薦信係有回音架，仲開心過睇報紙掟個批求職信。一開波先有個bonus！正！
面試過程十分順利，也十分開心，因為學校既校長好有禮貌，好識尊重人，不過當中也因為緊張而表現失準，anyway，面試之後我係笑住咁行出人地既門口。記得個校長同我講，如果收到第二次面試電話既話，都ok架啦，叫我帶齊個人資料，仲話會盡快通知我好消息。
其實我乜野宗教團體辦既學校，我都想教，因為我只係想教書，但今次係天主教學校，我都問過傳道人，傳道人都話無乜問題，我就更加放心喇。
我當然有即刻多謝我既上帝啦，咁關照我……但係人係貪得無厭既，我好快就希望上帝比我有第二次面試機會，仲祈求見得成份工……
比亞零八
200809132159
呃飲呃食上天家－－ 第廿六集《五十日同行世界》第3節
人係犯賤又無賴既。
呃飲呃食上天家──第廿六集 五十日同行世界
第三節 蟻咬
第二節同大家講過，我希望完成晒時間線既工作，然後先見工，順利既仲係1/9「死線」前搵到，perfect喇。我講過呢d都係自己一廂情願，但係我好無賴，當左係真，當成自己既planning，令到自己搵工既進程都幾緩慢；仲要迫我既上帝跟我個planning去做，我既上帝──當然「睬你都傻」，祈禱都無乜反應（其實諗返，如果我係上帝，我都唔知比咩反應）。
同時，小弟又超犯賤喎，明明自己有planning，但眼見身邊既朋友一個二個陸陸續續咁搵到工，自己又好似有蟻咬咁，「籮籮孿」周身唔聚財咁，於是我又同上帝講：「可唔可以比我有一次面試既機會呀，面試得架啦，起碼知道自己掟出去既信有回音先呀！」（當然係用求人既語氣啦）。
「喂！比亞，你想點呀？又想專心溫書，又想見工。有工見又要花時間準備，自然少左溫書既時間，咁點呀？」
我：………………
自己終於發現──人，咪就係咁囉，自己都唔知想點之餘，仲迫上帝去跟自己個套去行，完全本末倒置不特止；其實上帝做乜自己都會埋怨佢，有ｄ人甚至話上帝根本唔愛佢唔理佢，因為無聽佢自己既祈禱，唉，完全係「屈機」囉。人，真係要反省下自己。
比亞零八
200809132159
呃飲呃食上天家──第廿六集 五十日同行世界
第三節 蟻咬
第二節同大家講過，我希望完成晒時間線既工作，然後先見工，順利既仲係1/9「死線」前搵到，perfect喇。我講過呢d都係自己一廂情願，但係我好無賴，當左係真，當成自己既planning，令到自己搵工既進程都幾緩慢；仲要迫我既上帝跟我個planning去做，我既上帝──當然「睬你都傻」，祈禱都無乜反應（其實諗返，如果我係上帝，我都唔知比咩反應）。
同時，小弟又超犯賤喎，明明自己有planning，但眼見身邊既朋友一個二個陸陸續續咁搵到工，自己又好似有蟻咬咁，「籮籮孿」周身唔聚財咁，於是我又同上帝講：「可唔可以比我有一次面試既機會呀，面試得架啦，起碼知道自己掟出去既信有回音先呀！」（當然係用求人既語氣啦）。
「喂！比亞，你想點呀？又想專心溫書，又想見工。有工見又要花時間準備，自然少左溫書既時間，咁點呀？」
我：………………
自己終於發現──人，咪就係咁囉，自己都唔知想點之餘，仲迫上帝去跟自己個套去行，完全本末倒置不特止；其實上帝做乜自己都會埋怨佢，有ｄ人甚至話上帝根本唔愛佢唔理佢，因為無聽佢自己既祈禱，唉，完全係「屈機」囉。人，真係要反省下自己。
比亞零八
200809132159
呃飲呃食上天家－－ 第廿六集《五十日同行世界》第2節
學校死左，即係代表我要再搵工。搵工，期期都係小弟既……難關。我失業既信心一直都高過搵工的信心。
呃飲呃食上天家──第廿六集 五十日同行世界
第二節 蟄伏的時間線
我盤算一下今年暑假既時間表：
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 --->20/8 正式待業
Fine, 時間表好完美，完美在於基本上都唔駛搵工亦唔駛旨意搵到工，點算呢？最好笑係我仲天真咁上帝講：20號之後先見工仲搵到工，呢個時間表就perfect喇！當然，呢ｄ都係自己一廂情願，我無諗過成唔成事，只係覺得上帝係我既朋友，朋友傾計，唔駛諗咁多呀。
當然，小弟亦無諗過成廿號先搵工，所以一放暑假我就寄信喇！遲唔遲？一定遲，唔知有幾多朋友話我仲乜咁遲搵工（當然佢地100%出於關心同緊張），我亦佢地講，我想做好晒學校ｄ晒先搵，唔想分心，況且學校都完咯，唔想臨尾掛住咁搵工，而本身既工作就馬馬虎虎咁做。各位緊張我既朋友，對唔住，小弟真係唔係好識一心幾用。
但係又好奇怪，小弟明知自己成日失業，唔知點解，今年個人好平靜，唔似以前咁「驚青」驚無工開，可能我真係習慣失業，第一次梗係好唔開心，但都可能係第四次咯，要驚，都驚得七七八八啦，就好似你問生第四胎既孕婦，睇係佢生第四個個時會唔會好似生第一個咁緊張。
不過我都好衰架，我都同上帝講如果搵唔到工，我比唔到奉獻，到時唔好怪我呀。哈哈……
比亞零八
200809132159
呃飲呃食上天家──第廿六集 五十日同行世界
第二節 蟄伏的時間線
我盤算一下今年暑假既時間表：
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 --->20/8 正式待業
Fine, 時間表好完美，完美在於基本上都唔駛搵工亦唔駛旨意搵到工，點算呢？最好笑係我仲天真咁上帝講：20號之後先見工仲搵到工，呢個時間表就perfect喇！當然，呢ｄ都係自己一廂情願，我無諗過成唔成事，只係覺得上帝係我既朋友，朋友傾計，唔駛諗咁多呀。
當然，小弟亦無諗過成廿號先搵工，所以一放暑假我就寄信喇！遲唔遲？一定遲，唔知有幾多朋友話我仲乜咁遲搵工（當然佢地100%出於關心同緊張），我亦佢地講，我想做好晒學校ｄ晒先搵，唔想分心，況且學校都完咯，唔想臨尾掛住咁搵工，而本身既工作就馬馬虎虎咁做。各位緊張我既朋友，對唔住，小弟真係唔係好識一心幾用。
但係又好奇怪，小弟明知自己成日失業，唔知點解，今年個人好平靜，唔似以前咁「驚青」驚無工開，可能我真係習慣失業，第一次梗係好唔開心，但都可能係第四次咯，要驚，都驚得七七八八啦，就好似你問生第四胎既孕婦，睇係佢生第四個個時會唔會好似生第一個咁緊張。
不過我都好衰架，我都同上帝講如果搵唔到工，我比唔到奉獻，到時唔好怪我呀。哈哈……
比亞零八
200809132159
呃飲呃食上天家－－ 第廿六集《五十日同行世界》第1節
小弟既信仰一直都唔係咁好，唯獨一講「失業」，我一定可以同神直接連線，點解？如果你一直都收睇呃飲呃食上天家，你一定明白。
呃飲呃食上天家──第廿六集 五十日同行世界
第一節 角力
好有趣，人永遠到左十字路口先至識得後悔……
學校死左，一個人靜靜咁諗返呢三年，原來我欠左很多人、很多情、甚至我既上帝。
大家有所不知，呢三年暑假，我都係無放過，因為我要到教會負責神經（少年組名稱）暑期活動，唔係去宿營，就係英文班，攪下攪下八月中又返工。所以前兩年，我都同傳道人角力，可惜都事與願違。最「慶」係其他弟兄姊妹又笑晒口同我講「利用暑假事奉應該感恩」，走開啦，試下年年既唯一大假都係教會忙東忙西，然後連假都無就開始新學年工作；最重要係，眼見其他人放大假有得去旅行，而自己頂盡只可以去大嶼山個朋友屋企借宿一宵，心裡面超唔忿氣。結果呢，暑假無左，事奉又唔投入，乜都無晒。
直到今年，靜靜咁諗返──明明上次失業之後應該曲終人散，點解可以係呢間學校「續命」？旱天雷劈你唔死之後既作用係當頭棒喝──我唔係同自己既上帝講過，能夠返入去做我會好好事奉咩？邊個比我過呢愉快既三年？邊個比我同班好同事「再續前緣」？仲乜依家同神斤斤計較？一年有四個大假，上帝只係要我個暑假幫佢做下野啫，我做乜要違背自己既承諾？
依家諗返，我好唔開心，想喊，因為好衰仔，同埋好後悔點解三年之後先諗通呢一點。
我同自己講：唔好再做一ｄ令自己後悔既事。
今年要好好帶神經的暑期活動。
比亞零八
200809131420
呃飲呃食上天家──第廿六集 五十日同行世界
第一節 角力
好有趣，人永遠到左十字路口先至識得後悔……
學校死左，一個人靜靜咁諗返呢三年，原來我欠左很多人、很多情、甚至我既上帝。
大家有所不知，呢三年暑假，我都係無放過，因為我要到教會負責神經（少年組名稱）暑期活動，唔係去宿營，就係英文班，攪下攪下八月中又返工。所以前兩年，我都同傳道人角力，可惜都事與願違。最「慶」係其他弟兄姊妹又笑晒口同我講「利用暑假事奉應該感恩」，走開啦，試下年年既唯一大假都係教會忙東忙西，然後連假都無就開始新學年工作；最重要係，眼見其他人放大假有得去旅行，而自己頂盡只可以去大嶼山個朋友屋企借宿一宵，心裡面超唔忿氣。結果呢，暑假無左，事奉又唔投入，乜都無晒。
直到今年，靜靜咁諗返──明明上次失業之後應該曲終人散，點解可以係呢間學校「續命」？旱天雷劈你唔死之後既作用係當頭棒喝──我唔係同自己既上帝講過，能夠返入去做我會好好事奉咩？邊個比我過呢愉快既三年？邊個比我同班好同事「再續前緣」？仲乜依家同神斤斤計較？一年有四個大假，上帝只係要我個暑假幫佢做下野啫，我做乜要違背自己既承諾？
依家諗返，我好唔開心，想喊，因為好衰仔，同埋好後悔點解三年之後先諗通呢一點。
我同自己講：唔好再做一ｄ令自己後悔既事。
今年要好好帶神經的暑期活動。
比亞零八
200809131420
訂閱：
文章 (Atom)