呃飲呃食上天家---第十七集 愛．可持續發展Sustainable Love (羅馬書十二章17-21節)
羅馬書十二章17-21節話 : 不要以惡報惡；眾人以為美的事，要留心去作，若是能行，總要盡力與眾人和睦。親愛的弟兄，不要自己伸冤，寧可讓步，聽憑主怒；因為經上記著：主說：『伸冤在我，我必報應。』所以，你的仇敵若餓了，就給他吃，若渴了，就給他喝；因為你這樣行，就是把炭火堆在他的頭上。你不可為惡所勝，反要以善勝惡。（註：「把炭火堆在他的頭上」意為：用愛心對待仇敵，可能會把他帶到悔改的地步。）
令我諗起上集提到 : “世界好公平 , 傷害過你既人以後永遠都得唔到你既愛……” 呢一點 , 我發覺自己講錯左 .
好多人提到 “愛仇敵” 呢三個字 . 大家拿拿聲耍手兼擰頭 , 大聲話無可能 . 雖則愛仇敵 , 就正如將炭火堆在仇敵既頭上 , 之但係呢個世界既人心越來越硬 , 個仇家有冇可能咁容易比你感動呀 . 我起初同大家想法完全一致 , 不過小弟親身經歷之後 , 原來呢段經文未必係改變個仇家 , 而係改變自己 .
話說小弟做野個度有個Susan(衰神) , 當年佢為左要升校長位 , 竟然陷害我同另一個同事 . 呢件事 , 我嬲左足足一年 , 個一年我勁想攞刀劈死個Susan .
後來我轉左工 , 我仲有火 . 後尾我睇到呢節經文 , 當時我同大家一樣嗤之以鼻 , 仲同神講 , 有冇可能呀 , 吹水呀 . 個一年 , 我聽返d舊同事講 , 佢比校董會black list左 , 成世都唔駛旨意升職 , 我個心不知幾涼 , 抵死呀 , 仲覺得未夠折墮 . 無耐我靈修個陣時 , 再讀到呢段經文 , 我就由心涼變成心寒 . 點解 ? 因為經上說 : “主說 : 伸冤在我 , 我必報應.” . 咁即係話---對於我 , 主已經聽我禱告 , 但係我呢 ?
一年之後 , 我返番入去做 , 個Susan仲響度又未死 . 佢第一日見到我 “嘩鬼回魂” , 個樣有d愕然 . 講真 , 我都擔心自己點樣去面對個Susan , 嬲佢 ? 自己辛苦 ; 唔嬲佢 , 我怕過唔到自己個關 . 於是我同上帝講 , 我就試下羅馬書呢段經文係咪work . 而呢一年 , 我同佢有講有笑 , 建立番一個普通同事既關係 . 結果 , 我就更加學識左羅馬書既道理 .
嬲人其實好辛苦 , 愛人反而仲易 . 好似個Susan咁 , 佢既言行同氣焰 , 跟一年之前沒有變 , 我完全知道佢係放唔低升唔到職呢件事 , 尤其係新校長講野個陣時 , 佢個樣好不屑 , 好耿耿於懷 . 我起初以為自己心病未癒 , 於是我又問下一d新同事 , 原來佢地都有同感 . 見佢每日都頂住條中氣返工 , 又頂住條中氣收工 , 我見到都戥佢辛苦 .
至於自己 , 今年我對住佢 , 雖則我唔敢講心性跟行為上 , 完完全全遵照羅馬書呢段經文咁做 (我今年仲同佢改左個名做 “蛇妖” ) , 但至少有時見到佢唔係好妥 , 或者病假返黎 , 我都有走埋去問候下佢 , 若果換轉係上年 , 我就真係用粗口問候佢或者趁佢病攞佢命喇 . 後來才發覺原來愛仇敵唔係咁難 , 至於佢受唔受我唔知 , 但起碼自己既心情放鬆左好多---個炭火唔係堆係自己頭上 .
我諗愛仇敵唔係一定要攬住佢 , 或許只係一個噓寒問暖既說話作開始 , 大家關係已經改善 , 或者冰釋前嫌 . 至於你既仇敵受唔受已經毋須理會 , 因為自己可以在愛中成長 ; 最重要係 , 你連仇敵都愛 , 當然更加愛錫自己既親朋戚友 , 相由心生 , 你咁可愛 , 一定得到比其他人更多既愛 .
20060520
第十六集 從電腦中尋找愛與被愛？
今集講愛 , 都算一大突破 , 因為呢part係小弟最弱個環 . 愛 , 不單單指愛情呀 , 仲有與長輩之間 , 兄弟姊妹之間 , 朋友之間 , 人與人之間嘛 , 做人唔好咁窄至得格 .
呃飲呃食上天家---第十六集 從電腦中尋找愛與被愛？
早個幾日同個朋友食飯 , 大家言談之間講到電腦科技話就話拉近人與人之間既距離 , 實際係令人更加疏離 . 佢話依家既人 , 消閒娛樂購物睇戲聽歌識朋友傾心事 , 乜都係匿係間房度 , 靠部電腦就攪掂 , 生活越黎越封閉 , 連基本同人溝通既技巧都唔識 . 我同佢講 , 依家好多人都覺得 : 朋友係出黎飲飲食食 , 講心事係會被出賣 ; 所以就算要講 , 上網係d乜鬼messanger度求其篤個人出黎 , 大家三唔識七 , 乜都亂up , 就算講講自己想講既心事 , 唔駛負責任又唔怕佢出賣自己 . 佢好大反應咁話 : 咁好疏離啫 ! 我話好多人都怕受傷害 , 但係同時又想同人交往 , 個個都想被愛 , 但自己唔想先付出愛 .
哈 , 講到呢度 , 突然令我諗起耶穌基督降生 , 宣揚愛既訊息 , 咁電腦話就話拉近人與人之間既距離 , 實際係令人更加疏離 , 咁咪同基督教既教義背道而馳 ? 唔怪得有人話 “敵基督” 就係電腦啦 . 不過 , 係咪 “敵基督” 我就唔敢講啦 , 我又唔係個d神學研究既人 .
記得N年前有個教會姊妹生完仔 , 我去探佢 , 佢好勞氣同我講 : 我都唔明你地D年輕人諗乜 , 比一個朋友出賣過 , 就封閉自己 , 唔再同人溝通交心 , 費時受傷害喎 . 你話幾蠢 . 值唔值得為左一個人 , 仲要係傷害過自己既人而令到自己無晒朋友呀 ? 我當時尚且年輕 , 但未試過比朋友傷害 , 就算害左我又唔知 , 我沒有考究佢係咪患左產後狂燥症 , 不過呢一番話又講得好啱 .
大家都渴望愛 , 但又唔想因付出左愛竟換來傷害 , 於是大家變成想被愛先 . 試諗下 , 大家都希望先被愛後愛人 , 始早供不應求 , 到時誰來愛你 . 愛過受到傷害又如何 ? 世界好公平 , 傷害過你的人以後永遠都得唔到你既愛 , 何必為左一個傷害自己既人 , 攪到自己連愛都無埋 , 咁蠢既 ? 大家唔好再靠電腦找尋愛了 , 要記住 , 熄左電腦之後 , 電腦既電源無左 , 愛既供應亦會無埋 . 仲唔起身打個電話約個老死出黎見下面 , 彼此愛愛對方 , 咁你想要既愛同對方又想要既愛 , 先至可以sustainable development (可持續發展) .
節目主持
比亞零六
200605190036
呃飲呃食上天家---第十六集 從電腦中尋找愛與被愛？
早個幾日同個朋友食飯 , 大家言談之間講到電腦科技話就話拉近人與人之間既距離 , 實際係令人更加疏離 . 佢話依家既人 , 消閒娛樂購物睇戲聽歌識朋友傾心事 , 乜都係匿係間房度 , 靠部電腦就攪掂 , 生活越黎越封閉 , 連基本同人溝通既技巧都唔識 . 我同佢講 , 依家好多人都覺得 : 朋友係出黎飲飲食食 , 講心事係會被出賣 ; 所以就算要講 , 上網係d乜鬼messanger度求其篤個人出黎 , 大家三唔識七 , 乜都亂up , 就算講講自己想講既心事 , 唔駛負責任又唔怕佢出賣自己 . 佢好大反應咁話 : 咁好疏離啫 ! 我話好多人都怕受傷害 , 但係同時又想同人交往 , 個個都想被愛 , 但自己唔想先付出愛 .
哈 , 講到呢度 , 突然令我諗起耶穌基督降生 , 宣揚愛既訊息 , 咁電腦話就話拉近人與人之間既距離 , 實際係令人更加疏離 , 咁咪同基督教既教義背道而馳 ? 唔怪得有人話 “敵基督” 就係電腦啦 . 不過 , 係咪 “敵基督” 我就唔敢講啦 , 我又唔係個d神學研究既人 .
記得N年前有個教會姊妹生完仔 , 我去探佢 , 佢好勞氣同我講 : 我都唔明你地D年輕人諗乜 , 比一個朋友出賣過 , 就封閉自己 , 唔再同人溝通交心 , 費時受傷害喎 . 你話幾蠢 . 值唔值得為左一個人 , 仲要係傷害過自己既人而令到自己無晒朋友呀 ? 我當時尚且年輕 , 但未試過比朋友傷害 , 就算害左我又唔知 , 我沒有考究佢係咪患左產後狂燥症 , 不過呢一番話又講得好啱 .
大家都渴望愛 , 但又唔想因付出左愛竟換來傷害 , 於是大家變成想被愛先 . 試諗下 , 大家都希望先被愛後愛人 , 始早供不應求 , 到時誰來愛你 . 愛過受到傷害又如何 ? 世界好公平 , 傷害過你的人以後永遠都得唔到你既愛 , 何必為左一個傷害自己既人 , 攪到自己連愛都無埋 , 咁蠢既 ? 大家唔好再靠電腦找尋愛了 , 要記住 , 熄左電腦之後 , 電腦既電源無左 , 愛既供應亦會無埋 . 仲唔起身打個電話約個老死出黎見下面 , 彼此愛愛對方 , 咁你想要既愛同對方又想要既愛 , 先至可以sustainable development (可持續發展) .
節目主持
比亞零六
200605190036
20060421
第十五集 耶穌被釘死之後到未復活之間三天
這個復活節假期 , 是這些年來最充實且有意義……
呃飲呃食上天家---第十五集 耶穌被釘死之後到未復活之間三天
呢個復活節假期既星期五 , 我第一次參加教會攪既受難節紀念聚會 , 坦白 , 感受唔係太深刻 (除左食聖餐個段 , 因為勁有同耶穌食最後晚餐既感覺) .
星期日因為我舊學生受浸 , 於是一大清早走左入將軍澳 , 經歷左一個極地上最漫長既主日崇拜 (由十時到一時) , 因為係主日崇拜+見證+浸禮 , 所以咁耐 .
復活節既主日崇拜緊係講耶穌復活啦 , 聽都聽左十幾廿萬次 , 都無乜心機 . 但係個講員係期間問左我地一個問題---耶穌被釘死之後到未復活之間三天(中間隔左個安息日) , 你估下班門徒點過 ?---我諗都無諗就答 : “難過” . 我指既 “難過” , 當然係因為耶穌死左 , 所以班門徒非常唔開心 . 但係個講員提多左一樣野---(加左小弟既意思)耶穌係生前 , 個個門徒跟住佢 , 又有一大班信眾 ; 點知到耶穌被人捉左 , 一個二個唔係唔認耶穌 , 就係匿埋當睇佢唔到 ; 好喇 , 到耶穌釘死左 , 一個二個又傷心又內疚又慚愧 , 再加上個個門徒同信眾都指望耶穌係打救世人拯救世界個個 , 點知都係死左 , 佢地跟左耶穌咁耐都唔知為乜 , 好似做左傻仔比人搵笨咁 . 記住 , 當時耶穌係仲未復活 . 所以個三日裡有乜理由會笑得出 , 唔黐都偷笑啦 .
這個問題 , 對我有好大提醒 .
我想問問 : “大家有沒有試過遇上一些難過(例如死、病、離、別)的日子 ? 這些日子裡你與 上帝的關係如何 ? 有沒有埋怨過 上帝為何給你艱苦 ? 有沒有覺得 上帝不聽你的禱告 ? 有沒有覺得 上帝好像離棄了你 ? 甚至開始質疑究竟有沒有 上帝 ?” 我不怕告訴你 , 我有(看第七集便知) .
遇到艱苦困難的日子 , 對我們而言 , 就正如那班信徒見到耶穌釘死一樣 ,無論生活和信仰都完全落空 . 試想想 , 那班門徒眼白白見到那位說會拯救世人的耶穌死了 , 他們還可以有什麼盼望 ; 正如我們處於困苦日子 , 連唯一可以與 上帝溝通的方法---禱告 , 祂都沒有回應 , 還可以有什麼盼望 ? 那一刻我們可能會埋怨 祂不憐恤我的苦況 , 不再與我同行 ; 甚至質疑世界到底有沒有 上帝 --- 這一點和當時的門徒沒有分別 .
艱苦困難的日子真的很難過 , 但聖經傳道書中已經說到萬物有時---上帝為我們所鋪排的 , 一定是合時 . 試想想 , 那班信徒難過嗎 ? 一定難過 . 但三天後 耶穌復活了 , 令到他們欣喜若狂(馬可福音) . 若果 耶穌早幾日復活 , 那班信徒可能沒有足夠的時間反省自己的過錯 ; 若果 耶穌遲幾天復活呢 , 那班信徒可能抵不住良心譴責 , 跟猶大一樣自殺死了 .
又回想自己的艱難處 , 如何起 , 如何終 ? 一個患難 , 若果 上帝一早答應 , 雖則免除痛苦 , 但我們同樣得不到歷練 , 結果我們沒有堅強和成長 ; 若果 上帝遲了回應 , 甚至不存在 , 我們面對生命中的折騰 , 難道還可以坐著收看 “呃飲呃食上天家” 嗎 ?
聖經記載得清清楚楚---耶穌三天之後戰勝了死亡 , 復活過來---復活是代表 主耶穌基督戰勝死亡 ; 是人類盼望的象徵---連死亡都可以戰勝 , 祂有什麼還是不能 ? 那班信徒當時連復活與否也不清楚 (雖則耶穌曾經同佢地講過 , 但…唉…) , 他們的沮喪可想而知 ; 然而我們卻知道 耶穌復活了 , 難道仍沒有盼望的憑證嗎 ?
現在我們面對的苦難 , 就好像當時信徒所過的三天 . 雨過總會天清 , 雲後總會放晴 . 上帝連麻雀草木都顧念 , 難道會不稀罕我們 ? 詩篇 103:14說: 『因為他知道我們的本體，思念我們不過是塵土。』我們都是人 , 有情緒 , 容許我們當苦難臨到時抓住神扭住神---哭也好 , 發脾氣也好 , 埋怨也好---倒沒有一個愛自己兒女的爸爸會因此而發怒 , 或離棄他---而爸爸最後一定會以最好的 “氹” 兒女 .
節目主持
比亞零六
200604211730
呃飲呃食上天家---第十五集 耶穌被釘死之後到未復活之間三天
呢個復活節假期既星期五 , 我第一次參加教會攪既受難節紀念聚會 , 坦白 , 感受唔係太深刻 (除左食聖餐個段 , 因為勁有同耶穌食最後晚餐既感覺) .
星期日因為我舊學生受浸 , 於是一大清早走左入將軍澳 , 經歷左一個極地上最漫長既主日崇拜 (由十時到一時) , 因為係主日崇拜+見證+浸禮 , 所以咁耐 .
復活節既主日崇拜緊係講耶穌復活啦 , 聽都聽左十幾廿萬次 , 都無乜心機 . 但係個講員係期間問左我地一個問題---耶穌被釘死之後到未復活之間三天(中間隔左個安息日) , 你估下班門徒點過 ?---我諗都無諗就答 : “難過” . 我指既 “難過” , 當然係因為耶穌死左 , 所以班門徒非常唔開心 . 但係個講員提多左一樣野---(加左小弟既意思)耶穌係生前 , 個個門徒跟住佢 , 又有一大班信眾 ; 點知到耶穌被人捉左 , 一個二個唔係唔認耶穌 , 就係匿埋當睇佢唔到 ; 好喇 , 到耶穌釘死左 , 一個二個又傷心又內疚又慚愧 , 再加上個個門徒同信眾都指望耶穌係打救世人拯救世界個個 , 點知都係死左 , 佢地跟左耶穌咁耐都唔知為乜 , 好似做左傻仔比人搵笨咁 . 記住 , 當時耶穌係仲未復活 . 所以個三日裡有乜理由會笑得出 , 唔黐都偷笑啦 .
這個問題 , 對我有好大提醒 .
我想問問 : “大家有沒有試過遇上一些難過(例如死、病、離、別)的日子 ? 這些日子裡你與 上帝的關係如何 ? 有沒有埋怨過 上帝為何給你艱苦 ? 有沒有覺得 上帝不聽你的禱告 ? 有沒有覺得 上帝好像離棄了你 ? 甚至開始質疑究竟有沒有 上帝 ?” 我不怕告訴你 , 我有(看第七集便知) .
遇到艱苦困難的日子 , 對我們而言 , 就正如那班信徒見到耶穌釘死一樣 ,無論生活和信仰都完全落空 . 試想想 , 那班門徒眼白白見到那位說會拯救世人的耶穌死了 , 他們還可以有什麼盼望 ; 正如我們處於困苦日子 , 連唯一可以與 上帝溝通的方法---禱告 , 祂都沒有回應 , 還可以有什麼盼望 ? 那一刻我們可能會埋怨 祂不憐恤我的苦況 , 不再與我同行 ; 甚至質疑世界到底有沒有 上帝 --- 這一點和當時的門徒沒有分別 .
艱苦困難的日子真的很難過 , 但聖經傳道書中已經說到萬物有時---上帝為我們所鋪排的 , 一定是合時 . 試想想 , 那班信徒難過嗎 ? 一定難過 . 但三天後 耶穌復活了 , 令到他們欣喜若狂(馬可福音) . 若果 耶穌早幾日復活 , 那班信徒可能沒有足夠的時間反省自己的過錯 ; 若果 耶穌遲幾天復活呢 , 那班信徒可能抵不住良心譴責 , 跟猶大一樣自殺死了 .
又回想自己的艱難處 , 如何起 , 如何終 ? 一個患難 , 若果 上帝一早答應 , 雖則免除痛苦 , 但我們同樣得不到歷練 , 結果我們沒有堅強和成長 ; 若果 上帝遲了回應 , 甚至不存在 , 我們面對生命中的折騰 , 難道還可以坐著收看 “呃飲呃食上天家” 嗎 ?
聖經記載得清清楚楚---耶穌三天之後戰勝了死亡 , 復活過來---復活是代表 主耶穌基督戰勝死亡 ; 是人類盼望的象徵---連死亡都可以戰勝 , 祂有什麼還是不能 ? 那班信徒當時連復活與否也不清楚 (雖則耶穌曾經同佢地講過 , 但…唉…) , 他們的沮喪可想而知 ; 然而我們卻知道 耶穌復活了 , 難道仍沒有盼望的憑證嗎 ?
現在我們面對的苦難 , 就好像當時信徒所過的三天 . 雨過總會天清 , 雲後總會放晴 . 上帝連麻雀草木都顧念 , 難道會不稀罕我們 ? 詩篇 103:14說: 『因為他知道我們的本體，思念我們不過是塵土。』我們都是人 , 有情緒 , 容許我們當苦難臨到時抓住神扭住神---哭也好 , 發脾氣也好 , 埋怨也好---倒沒有一個愛自己兒女的爸爸會因此而發怒 , 或離棄他---而爸爸最後一定會以最好的 “氹” 兒女 .
節目主持
比亞零六
200604211730
20060420
第十五集製作花絮
第一次寫呃飲呃食上天家會寫得咁辛苦 . 因為要做資料搜集 . 不過係製作過程中 , 除左監製(我教會傳道人)幫我不少之外 , 就連 上帝都給我提點 :
1) 本集係講復活 , 於是小弟走去check下聖經福音書(時為零晨一點幾) , 點知一揭 , 竟然是一張爛紙 , 我好奇怪 , 第一 , 呢本聖經我揭過好多次 , 都唔發現有張咁既紙 ; 第二 , 張紙都幾厚下 , 無理由夾左響度都唔知格 ; 第三 , 都唔係我d字跡 . 不過 , 當係人地送比我個時夾左響度啦 . 我八卦睇下張紙講乜 --- god! 係人地聽道drop既筆記---係講耶穌復活 . 嘩 , 大佬呀 , 夜媽媽點幾鐘發生d咁既事呀......
2) 係寫個十五集個陣有一個想用既詞語係出自聖經 , 但係一直記得一半 (xx悖謬/逆既世代) . 點知個晚(同一晚)我讀聖經個陣 , 一開始就睇就係呢四字詞語(彎曲悖謬既世代) , 嘩 , 一晚整兩單 , 嚇到小弟差d連聖經都掉落地下 .
第十五集分娩緊 , 就快出黎架啦 .
1) 本集係講復活 , 於是小弟走去check下聖經福音書(時為零晨一點幾) , 點知一揭 , 竟然是一張爛紙 , 我好奇怪 , 第一 , 呢本聖經我揭過好多次 , 都唔發現有張咁既紙 ; 第二 , 張紙都幾厚下 , 無理由夾左響度都唔知格 ; 第三 , 都唔係我d字跡 . 不過 , 當係人地送比我個時夾左響度啦 . 我八卦睇下張紙講乜 --- god! 係人地聽道drop既筆記---係講耶穌復活 . 嘩 , 大佬呀 , 夜媽媽點幾鐘發生d咁既事呀......
2) 係寫個十五集個陣有一個想用既詞語係出自聖經 , 但係一直記得一半 (xx悖謬/逆既世代) . 點知個晚(同一晚)我讀聖經個陣 , 一開始就睇就係呢四字詞語(彎曲悖謬既世代) , 嘩 , 一晚整兩單 , 嚇到小弟差d連聖經都掉落地下 .
第十五集分娩緊 , 就快出黎架啦 .
20060417
點解"呃飲呃食上天家"會搬左上呢度既?
無錯 , 起初只係個電郵節目 , 但係由於電郵傳輸上一直存在住問題 , 有朋友看不到啦 , 又有朋友唔知可以DOWNLOAD個附件 . 經過一個月既思量 , 決定取消以電郵傳輸 , 改為係"生活方言 life introduction"(小弟個私人blog)發放 .
但"生活方言"同"呃飲呃食上天家"係兩個不同既主題 (雖然信仰同生活應該融為一體) ; 況且"呃"係同 主一齊寫 , 無理由屈就祂係"生活方言"度 ; 再加上有資源有能力 , 咪開一個全新既blog . 所以除左試貼 , "呃飲呃食上天家"係未曾係"生活方言"度正式出現過 .
但"生活方言"同"呃飲呃食上天家"係兩個不同既主題 (雖然信仰同生活應該融為一體) ; 況且"呃"係同 主一齊寫 , 無理由屈就祂係"生活方言"度 ; 再加上有資源有能力 , 咪開一個全新既blog . 所以除左試貼 , "呃飲呃食上天家"係未曾係"生活方言"度正式出現過 .
點解叫"呃飲呃食上天家"?
講真 , 信主咁耐 , 自己都唔係一個咁好既基督徒 . 但係上帝一樣咁關照我 , 至少我仍然肥肥白白 . 同埋眼見係呢個悖謬既世代 , 上帝仲肯憐憫我地呢班無知既世人 , 我地仲唔係地上面"呃飲呃食"咩?
食完食夠喇 , 仲接返我地"上天家"度居住 , 人類---我地值唔值呀? (當然我地要決志信主先啦 , 唔係點樣攞入伙紙上天家間屋呀?)
食完食夠喇 , 仲接返我地"上天家"度居住 , 人類---我地值唔值呀? (當然我地要決志信主先啦 , 唔係點樣攞入伙紙上天家間屋呀?)
點解會有"呃飲呃食上天家"
"呃飲呃食上天家"原本是一個電郵節目 , 只是跟身邊既朋友分享一下小弟與上帝一D生活經歷 . 自2005年7月7日啟播到依家 , 已經唔知有幾多識我既朋友被迫收看呢個節目 , 幸好有收視偏低到現在都有穩定既收視 , 全賴大家既頂力支持 .
訂閱：
文章 (Atom)