呃飲呃食上天家---第廿七集 平安擠提 (馬太福音6:21)
財富係ｄ乜野呢？
以前ｄ人話，健康比財富重要，但香港人同香港政府都將呢句話摧毀：無錢你一係生一係死，千祈唔好病，無錢你一定唔會有健康。
財富可以連健康都打敗，有財富真係好巴閉。
直至到呢個星期，東亞銀行盛傳倒閉既消息傳開，各大小分行排長龍提款，我終於明白──財富可能買到健康，但一定買唔到平安。
打風個日，我搭車經過東亞銀行門口，都已經五點半，龍尾都唔知排到邊度，中間排個ｄ人又亂晒大籠，見到ｄ人好心急咁樣，有ｄ就嘈喧巴閉，一時間好似世界末日咁，都唔知有乜好講。第二日睇報紙，有記者影到ｄ存戶喊晒，終歸究底都係怕自己ｄ錢會無晒；仲有一個女人要人地銀行現兜兜比返二百六十萬佢，結果佢拎住2600張一千蚊紙出街，我心諗你拎住舊錢咁出街，安唔安全都成問題，仲話有冇安全感。口口聲聲話拎返舊錢就安樂晒，但係咪真係安樂？成舊錢拎出街唔怕比人打劫咩？唔怕跌左幾張咩？就算比你存到另一間銀行，你敢保證佢唔會擠提？
點解ｄ人越多財富，反而就越驚青？
點解一個傳言，就可以拎走咁多人既平安？
坦白，小弟都係東亞既存戶，而擠提個日晨咁早已經收到三個電話，話比我知東亞好似出事，然而……小弟一分一毫都無攞過，點解？
第一、小弟既存款絕對係受保於存款保障計劃之內；
第二、全港第五大銀行真係擠提而倒閉，我相信香港既金融經濟都凍過水，你同我有成億身家都難以獨善其身；
第三、好得意，知道個消息之後，我同屋企人講食幾多著幾多整定既，拎乜鬼；之後小弟個腦就閃左兩句經文：「積聚財富在天上」同埋「勿慮衣食」（喂！唔好笑呀，小弟閃到呢兩句係個腦度已經好勁，你都知小弟既聖經知識……）
細心查返段經文，記載係馬太福音6:19-21, 25-34
19:不要為自己積儹財寶在地上、地上有蟲子咬、能銹壞、也有賊挖窟窿來偷．
20:只要積儹財寶在天上、天上沒有蟲子咬、不能銹壞、也沒有賊挖窟窿來偷
21:因為你的財寶在那裏、你的心也在那裏。
25:所以我告訴你們、不要為生命憂慮、吃甚麼、喝甚麼．為身體憂慮穿甚麼．生命不勝於飲食 麼、身體不勝於衣裳麼。
26:你們看那天上的飛鳥、也不種、也不收、也不積蓄在倉裏、你們的天父尚且養活他．你們不比飛鳥貴重得多麼。
27: 你們那一個能用思慮、使壽數多加一刻呢。〔或作使身量多加一肘呢〕
28: 何必為衣裳憂慮呢．你想野地裏的百合花、怎麼長起來、他也不勞苦、也不紡線．
29: 然而我告訴你們、就是所羅門極榮華的時候、他所穿戴的、還不如這花一朵呢。
30: 你們這小信的人哪、野地裏的草、今天還在、明天就丟在爐裏、 神還給他這樣的妝飾、何況你們呢。
31: 所以不要憂慮、說、吃甚麼、喝甚麼、穿甚麼。
32: 這都是外邦人所求的．你們需用的這一切東西、你們的天父是知道的。
33: 你們要先求他的國、和他的義這些東西都要加給你們了。
34: 所以不要為明天憂慮．因為明天自有明天的憂慮．一天的難處一天當就夠了。
我好希望參與擠提既東亞存戶能夠睇到呢段經文，雖然你地令東亞銀行出現擠提，但同時你造就左自己內心平安既擠提。最重要係擠提過後既東亞銀行仍然屹立；但你地擠提過度既平安就……請保重。
東亞存戶之一
比亞零八
200809262300
20081001
呃飲呃食上天家－－ 第廿六集《五十日同行世界》第9節
如果口口聲聲話我既上帝幫我覆左桌（報仇），我信，因為聖經話「申冤在我，主必報應」，但唔係《五十日同行世界》既主旨，我信既上帝亦唔係「覆桌既上帝」。
呃飲呃食上天家--- 第廿六集 五十日同行世界
第九節 揭開蟄伏的時間線
大家仲記得第二節既《蟄伏的時間線》嘛？（唔記得就睇返啦）裡面提到小弟既暑假時間表：
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 ---> 20/8 正式待業
我個時仲希望個時間表好smooth咁20/8之後1/9前搵到工添，結果呢？
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 ---> 20/8 正式待業 ---> 25/8見到工兼開埋工
無野好講，一個完美的時間表。
呢個就係我既上帝──
一個聽禱告既上帝（當我ｄ朋友病左又失業，以及自己求職方面）；
一個知道比咩我會係最好既上帝（第二次見工既扯火，兩次推天主教學校既job）；
一個唔專制比自由我去選擇既上帝（比我同佢講自己既planning，同埋係澳門坐巴士既休息）；
一個當我軟弱個時仲不離不棄既上帝（澳門之行）；
一個愛我既上帝（澳門之行）；
一個完美又奇妙既上帝（真係完成左個時間表）……
五十日既暑假裡面，主伴我同行，我同上帝一對一實實在在咁響呢個世界生活，比我去知道、認識、了解、感受一個我已經識左十八年既上帝。
暑假過左，我又搵到工，唔代表上帝好似放完暑假咁走左，我知道呢個只係我同上帝同行既開始，我相信以後我同上帝仲有好多個「五十日同行世界」。
全集完
比亞零八
200809291827
呃飲呃食上天家--- 第廿六集 五十日同行世界
第九節 揭開蟄伏的時間線
大家仲記得第二節既《蟄伏的時間線》嘛？（唔記得就睇返啦）裡面提到小弟既暑假時間表：
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 ---> 20/8 正式待業
我個時仲希望個時間表好smooth咁20/8之後1/9前搵到工添，結果呢？
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 ---> 20/8 正式待業 ---> 25/8見到工兼開埋工
無野好講，一個完美的時間表。
呢個就係我既上帝──
一個聽禱告既上帝（當我ｄ朋友病左又失業，以及自己求職方面）；
一個知道比咩我會係最好既上帝（第二次見工既扯火，兩次推天主教學校既job）；
一個唔專制比自由我去選擇既上帝（比我同佢講自己既planning，同埋係澳門坐巴士既休息）；
一個當我軟弱個時仲不離不棄既上帝（澳門之行）；
一個愛我既上帝（澳門之行）；
一個完美又奇妙既上帝（真係完成左個時間表）……
五十日既暑假裡面，主伴我同行，我同上帝一對一實實在在咁響呢個世界生活，比我去知道、認識、了解、感受一個我已經識左十八年既上帝。
暑假過左，我又搵到工，唔代表上帝好似放完暑假咁走左，我知道呢個只係我同上帝同行既開始，我相信以後我同上帝仲有好多個「五十日同行世界」。
全集完
比亞零八
200809291827
呃飲呃食上天家－－ 第廿六集《五十日同行世界》第8節
我的主對我說：「起來，上路。」
呃飲呃食上天家--- 第廿六集 五十日同行世界
第八節 夢幻的一天
返到香港，我繼續生活。我既兄弟話比我知佢間學校請人，於是我send個履歷過去，但係經歷澳門一役之後，我已經打定要九月頭先搵到，個人開始輕散兼懶散，仲諗住九月揹個背囊去個旅行添。
見今次份工，其實無乜準備，可能之前已經預備左啦，ｄ野仲記係個腦度，淨係上去間學校個網睇睇。
八月廿五號，因為小弟計算錯誤，早左四十五分鐘去到學校。等到九點半，校長先見我。一坐低，校長就同我講唔好意思，因為做緊野，所以要我等左咁耐。Wait，其實係我早到阻住佢，say sorry應該係我（當然我亦付諸實行）；再wait，點解個情境咁熟口面既？
可能我兄弟已經幫我見左一半工，校長同我似傾計多過面試，問我工作既野都只係一兩句，問得我最多既，竟然係──我係教會既事奉。可能間學校係基督教學校卦，佢仲話可以係學校帶學生團契。吓？比我係見工個時躂到我上帝同我教會個朵，我已經好開心啦喎；化灰都無諗過有校長問我少年事工ｄ野，我以為少年事工只係係教會做，無諗過我教會既事奉同我既工作有個等號（＝）喎。
再講講下講到人工個方面，佢話驚比唔返我依家個point，唉，做合約教師咁耐唔通唔知點玩咩，我同校長講比返起薪點都ok架啦，點知校長反應好大（大到我到差ｄ比佢嚇親）咁講：「我地無咁無良，等我計下個人工先。」我聽完之後好想笑好想拍手掌，仲想叫佢講多一次，等我錄埋音掟比天主教個間聽。
In完之後，佢就安排我入教員室坐，等等，一直都無話請我架喎，不如比我返去等消息啦，叫我坐響度做乜呀。我戇居居坐響度坐到十一點幾，校長叫我跟住佢，入到會議室，見到有幾個老師坐響度，校長同我講「佢地開緊會，你一齊開啦。」吓？咩事呀？係咪面試既一部分黎架？又無話請我仲乜要我開會？搲晒頭又開左一個會。之後就食晏下晝開全體會（後尾先比份約我簽）。
我收工之後，已經懵下懵下，全日都唔知發生緊咩事，好似發緊夢咁。十二個鐘都唔夠已經由待業變成就業，仲已經開緊工個隻。發生咩事呀？
我既上帝嫌唔夠爆，收工之後，我仲收到個電話，嘩！打死都估唔到──之前間天主教學校話有合約位，問我做唔做。個一刻，我已經產生左兩項個人紀錄：
1) 第一次係同一日有兩份工請我。
2) 第一次向同一間學校推工兩次。
收線之後，我有種「吐氣揚眉」既感覺。還記得第六節《與我常在》講過，如果間天主教學校請我做唔做，我回應：「唔做。但我無第二間揀，為左生活，我會做。有得揀，一定唔做。」第一次上帝利用我既「弱點」（人工低）幫我推左；到今次已經簽左約喇，唔推唔得。
好野好野，上帝完全知我點諗，無野好講。
比亞零八
200809291827
呃飲呃食上天家--- 第廿六集 五十日同行世界
第八節 夢幻的一天
返到香港，我繼續生活。我既兄弟話比我知佢間學校請人，於是我send個履歷過去，但係經歷澳門一役之後，我已經打定要九月頭先搵到，個人開始輕散兼懶散，仲諗住九月揹個背囊去個旅行添。
見今次份工，其實無乜準備，可能之前已經預備左啦，ｄ野仲記係個腦度，淨係上去間學校個網睇睇。
八月廿五號，因為小弟計算錯誤，早左四十五分鐘去到學校。等到九點半，校長先見我。一坐低，校長就同我講唔好意思，因為做緊野，所以要我等左咁耐。Wait，其實係我早到阻住佢，say sorry應該係我（當然我亦付諸實行）；再wait，點解個情境咁熟口面既？
可能我兄弟已經幫我見左一半工，校長同我似傾計多過面試，問我工作既野都只係一兩句，問得我最多既，竟然係──我係教會既事奉。可能間學校係基督教學校卦，佢仲話可以係學校帶學生團契。吓？比我係見工個時躂到我上帝同我教會個朵，我已經好開心啦喎；化灰都無諗過有校長問我少年事工ｄ野，我以為少年事工只係係教會做，無諗過我教會既事奉同我既工作有個等號（＝）喎。
再講講下講到人工個方面，佢話驚比唔返我依家個point，唉，做合約教師咁耐唔通唔知點玩咩，我同校長講比返起薪點都ok架啦，點知校長反應好大（大到我到差ｄ比佢嚇親）咁講：「我地無咁無良，等我計下個人工先。」我聽完之後好想笑好想拍手掌，仲想叫佢講多一次，等我錄埋音掟比天主教個間聽。
In完之後，佢就安排我入教員室坐，等等，一直都無話請我架喎，不如比我返去等消息啦，叫我坐響度做乜呀。我戇居居坐響度坐到十一點幾，校長叫我跟住佢，入到會議室，見到有幾個老師坐響度，校長同我講「佢地開緊會，你一齊開啦。」吓？咩事呀？係咪面試既一部分黎架？又無話請我仲乜要我開會？搲晒頭又開左一個會。之後就食晏下晝開全體會（後尾先比份約我簽）。
我收工之後，已經懵下懵下，全日都唔知發生緊咩事，好似發緊夢咁。十二個鐘都唔夠已經由待業變成就業，仲已經開緊工個隻。發生咩事呀？
我既上帝嫌唔夠爆，收工之後，我仲收到個電話，嘩！打死都估唔到──之前間天主教學校話有合約位，問我做唔做。個一刻，我已經產生左兩項個人紀錄：
1) 第一次係同一日有兩份工請我。
2) 第一次向同一間學校推工兩次。
收線之後，我有種「吐氣揚眉」既感覺。還記得第六節《與我常在》講過，如果間天主教學校請我做唔做，我回應：「唔做。但我無第二間揀，為左生活，我會做。有得揀，一定唔做。」第一次上帝利用我既「弱點」（人工低）幫我推左；到今次已經簽左約喇，唔推唔得。
好野好野，上帝完全知我點諗，無野好講。
比亞零八
200809291827
呃飲呃食上天家－－ 第廿六集《五十日同行世界》第7節
爬起來，離開，靜靜地又走了一段路。
呃飲呃食上天家──第廿六集 五十日同行世界
第七節 同舟
這個暑假我沒有休息過；
也沒有打算休息；
或者沒有休息的空間。
八月十九日，我完成了公開大學最後一科考試，即是代表我要在求職場上拼命。
八月廿一日，天文台發出一號戒備信號，颱風鸚鵡襲港前一日，溫度高達三十四度，我將十封求職信放在旅行袋裡，買了船票，提起旅行袋獨自到澳門去。
水翼船內坐著的乘客，有的是探親、有的是旅遊、有的是工作──我呢？身邊一個熟人都沒有，外表像一個人靜靜的坐著，其實腦海和心底都有暗湧，分明是不安和疑慮──我怕被人嘲笑、拒絕、也感到尷尬──一切的感覺本應令我坐立不安，軀體偏偏放在水翼船艙中動彈不得，我的眼睛望著乘客，然後問我的內心──我是否唯一一個到澳門找尋工作的人？
澳門一直都是自己喜歡的地方，零三年時我已到澳門「探路」，零七年交流時已打算學校死了之後到澳門工作。到教青局登記，今年六月時已經做了。今次是我的兄弟建議我連人帶信到澳門走一趟，搏一個即場面試的機會。
既然是自己一心想要到的地方，但為什麼坐在船上的我，有一刻敗走香港的感覺呢？彷彿未死心又覺得香港沒有可立足的空間似的積鬱？我完全攪不清楚自己是去是留，就好像在喪禮裡，一方親友喊著「安心咁去」、另一方面親友叫著「返來啊」的那種彌留，而那種彌留，現在正正就是困在船上的我。
熬了一小時，終於達抵澳門。甫一下船，我跟我的上帝說：請與我同行，給我勇氣。然後上車去。
三十四度高溫下，背著旅行袋，在澳門街頭穿插，彷彿是一個郵差，將自己的將來投遞到一間又一間的學校，過程不是十分順利，有的地址錯了、有的學校要透過教青局招聘，十間學校只能投得六間，但我走足了九間。在路途上曾烈日當空、也曾灑過雨水，身上汗水未曾停止過；在車站上等車，其他乘客都奇怪地望望我，我也沒有太尷尬的感覺，因為我不知他們心裡想什麼，我只希望儘快找到下一間學校的位置。
穿街過巷，腳患也發作了，一拐一拐地走到最後一間學校，按了門鈴可惜沒有人接應，我望一望手錶已經五時了，以為下班了。由於腳實在累得提不起，我就靜靜地站在校門的巴士站等車。等了五分鐘，校門忽然打開，原來是校內進行工程，我看見似是學校的書記走出來，可是，我沒有走上前，望著望著，巴士也到了，最後我上了車。
大家一定問：都咁辛苦去到最後一間，點解唔博埋個機會？不只你，我在巴士上也問自己。但，真的不好意思，勇氣樽裡的勇氣已經不足以支持自己走上前。我無法面對其他乘客望著我在開揚的正門交求職信、我無能力再接受第七位陌生人的錯愕表情、我的腳跟已經無能力支撐我踏上三級樓梯──那一刻我只想躲起來，不想再見到任何人。我已經自責了一程巴士，但原諒我是一個軟弱的人。
由氹仔返回澳門，我很累，腳已經無力再走動，雖然我知道颱風將要襲港，我再不上船便要滯留澳門，而我亦沒有留在澳門的打算。但我真的很累，一動也不想動。我跟上帝說：可否讓我坐坐巴士休息，不再想憂慮什麼事。
坐在巴士上的我很靜，巴士帶著我上山落山（我坐的是18號，走橫街窄巷的，不是香港人只認識的3號），一一走過今天走過的路，彷彿是一個重溫。坐坐看看已經一小時了，天氣亦開始變壞了，雷聲提醒我要回程了。
返香港的船因風浪關係偶爾顛簸，船艙的我很累但沒有睡，軀殼隨著顛簸左右搖擺，然而我很平靜，不似得其他乘客般驚恐嘔吐。當船抵達碼頭，天文台才發出三號強風信號。
有人覺得上帝沒有同在，因為有事時祂沒有出現；有人感覺不到祂的存在，因為祈禱沒有回應；有人覺得不會得到上帝的眷顧，因為自己實在太「small potatoes」。但今次我的上帝很實在地與我同行，甚至祂與我肩並肩地行，路途上我沒有跟祂說太多，祂也不介意我很少跟祂說話。我只想有個伴和我同行澳門的路，祂一直在左右，靜靜地靜靜地陪我走。
你問我怎知道祂的同在，當那天你是我，一個人走在澳門街上，你便會知道。
比亞零八
200809241650
呃飲呃食上天家──第廿六集 五十日同行世界
第七節 同舟
這個暑假我沒有休息過；
也沒有打算休息；
或者沒有休息的空間。
八月十九日，我完成了公開大學最後一科考試，即是代表我要在求職場上拼命。
八月廿一日，天文台發出一號戒備信號，颱風鸚鵡襲港前一日，溫度高達三十四度，我將十封求職信放在旅行袋裡，買了船票，提起旅行袋獨自到澳門去。
水翼船內坐著的乘客，有的是探親、有的是旅遊、有的是工作──我呢？身邊一個熟人都沒有，外表像一個人靜靜的坐著，其實腦海和心底都有暗湧，分明是不安和疑慮──我怕被人嘲笑、拒絕、也感到尷尬──一切的感覺本應令我坐立不安，軀體偏偏放在水翼船艙中動彈不得，我的眼睛望著乘客，然後問我的內心──我是否唯一一個到澳門找尋工作的人？
澳門一直都是自己喜歡的地方，零三年時我已到澳門「探路」，零七年交流時已打算學校死了之後到澳門工作。到教青局登記，今年六月時已經做了。今次是我的兄弟建議我連人帶信到澳門走一趟，搏一個即場面試的機會。
既然是自己一心想要到的地方，但為什麼坐在船上的我，有一刻敗走香港的感覺呢？彷彿未死心又覺得香港沒有可立足的空間似的積鬱？我完全攪不清楚自己是去是留，就好像在喪禮裡，一方親友喊著「安心咁去」、另一方面親友叫著「返來啊」的那種彌留，而那種彌留，現在正正就是困在船上的我。
熬了一小時，終於達抵澳門。甫一下船，我跟我的上帝說：請與我同行，給我勇氣。然後上車去。
三十四度高溫下，背著旅行袋，在澳門街頭穿插，彷彿是一個郵差，將自己的將來投遞到一間又一間的學校，過程不是十分順利，有的地址錯了、有的學校要透過教青局招聘，十間學校只能投得六間，但我走足了九間。在路途上曾烈日當空、也曾灑過雨水，身上汗水未曾停止過；在車站上等車，其他乘客都奇怪地望望我，我也沒有太尷尬的感覺，因為我不知他們心裡想什麼，我只希望儘快找到下一間學校的位置。
穿街過巷，腳患也發作了，一拐一拐地走到最後一間學校，按了門鈴可惜沒有人接應，我望一望手錶已經五時了，以為下班了。由於腳實在累得提不起，我就靜靜地站在校門的巴士站等車。等了五分鐘，校門忽然打開，原來是校內進行工程，我看見似是學校的書記走出來，可是，我沒有走上前，望著望著，巴士也到了，最後我上了車。
大家一定問：都咁辛苦去到最後一間，點解唔博埋個機會？不只你，我在巴士上也問自己。但，真的不好意思，勇氣樽裡的勇氣已經不足以支持自己走上前。我無法面對其他乘客望著我在開揚的正門交求職信、我無能力再接受第七位陌生人的錯愕表情、我的腳跟已經無能力支撐我踏上三級樓梯──那一刻我只想躲起來，不想再見到任何人。我已經自責了一程巴士，但原諒我是一個軟弱的人。
由氹仔返回澳門，我很累，腳已經無力再走動，雖然我知道颱風將要襲港，我再不上船便要滯留澳門，而我亦沒有留在澳門的打算。但我真的很累，一動也不想動。我跟上帝說：可否讓我坐坐巴士休息，不再想憂慮什麼事。
坐在巴士上的我很靜，巴士帶著我上山落山（我坐的是18號，走橫街窄巷的，不是香港人只認識的3號），一一走過今天走過的路，彷彿是一個重溫。坐坐看看已經一小時了，天氣亦開始變壞了，雷聲提醒我要回程了。
返香港的船因風浪關係偶爾顛簸，船艙的我很累但沒有睡，軀殼隨著顛簸左右搖擺，然而我很平靜，不似得其他乘客般驚恐嘔吐。當船抵達碼頭，天文台才發出三號強風信號。
有人覺得上帝沒有同在，因為有事時祂沒有出現；有人感覺不到祂的存在，因為祈禱沒有回應；有人覺得不會得到上帝的眷顧，因為自己實在太「small potatoes」。但今次我的上帝很實在地與我同行，甚至祂與我肩並肩地行，路途上我沒有跟祂說太多，祂也不介意我很少跟祂說話。我只想有個伴和我同行澳門的路，祂一直在左右，靜靜地靜靜地陪我走。
你問我怎知道祂的同在，當那天你是我，一個人走在澳門街上，你便會知道。
比亞零八
200809241650
呃飲呃食上天家－－ 第廿六集《五十日同行世界》第6節
一次面試，筋竭力疲。我好似受左重傷既拳手，倒臥係軟墊上深層昏迷。
呃飲呃食上天家──第廿六集 五十日同行世界
第六節 與我常在
用左一日時間，我冷靜落黎──我話得個男人打正天主教旗號做埋ｄ衰野，咁打正基督教旗號既我又係修養立品事奉傳教工作上面做得好咩？我話得人又有冇反省自己呢？如果我真係咁尊敬聖方濟各堂個位老先生，當正大家都係一家人同負一軛既話，我又何嘗唔係破壞個位老先生傳教事奉工作？
冷靜過後係更重既係憔悴──我靜靜咁走到我神既跟前，我道歉──道歉唔係因為我鬧佢，而係自己由此至終太過分。明明自己只係祈求有一次面試既機會，主答應左我，之後所發生既，一切都係自己貪心，想再多ｄ再多ｄ而落得咁既下場，我又怪責邊個呢？主聽左我既禱告，我又咁對佢，我同個ｄ因唔合自己心意而離開神既人有咩分別呢？
身邊既朋友同我講世界上其實唔只佢一個衰人，無論咩國籍咩宗教都有賤人當道。我無理會朋友係咪好言安慰，但係令我知道，點解我對個中坑會咁慶──原來我三十一年黎，我無遇過ｄ咁既人，就算以前遇過既衰人都無呢個中坑個品咁差；更重要係三十一年黎，身邊既朋友對我十分之好，好保護好遷就好愛護我，我有事個個都會為我出頭出聲出面，只係我身在福中不知福。
憔悴期個三數天，我好沉；但我沒有放棄祈禱，只不過唔係為自己，而係為仲未搵到野做既朋友祈禱，希望早日搵到野做，好得意，佢地真係相繼搵到工；同樣我為到一位傷左腳入左醫院既小兄弟祈禱，點知唔駛一個禮拜佢出左院。原來主一直無離開過我，我咁衰仔都聽我禱告，為我將
一切困鎖既事挪開，靜靜咁比我休息，陪著我。
我好記得自己係最嬲個時講過一句現實既說話，就係朋友問我如果間天主教學校請你你做唔做，當時我回應：「唔做。但我無第二間揀，為左生活，我會做。有得揀，一定唔做。」連志氣都洩埋。但當然自己都有底線，就係人工太低唔合理一定唔做。
第二次面試過左兩日，個間學校打比我話請我，可惜出價太低，比起薪點更低不特止，仲要代課廿日人工都高過佢，我曾經bargain過，唔成功，結果無合作。我有ｄ唔開心，因為朋友都知我出身到依家都係個ｄ死做難做格，點知今次第一次推工。但有三件事令我好安慰，兼且個人輕鬆返ｄ：
第一，其實今次係求職成功，因為佢請我，只係我唔做；
第二，我阿爸阿媽竟然十分支持我，原因係幾年前一次搵工失敗，比佢地係咁話我，其實我都怕同佢講我未搵到工就推工，費時比佢地又話啦，真係估唔到佢地咁支持我，仲出口鬧間學校；
第三，上帝知道我唔想做呢間學校，太多唔愉快既經歷，但為左生活又要迫去做，同時佢知我人工有底線，於是利用呢條底線幫我推左份工，亦都省卻左我情緒低落個時仲要我左諗右諗，坦白一句，當間學校開出條件到我開口拒絕，我第一次強烈感受到呢個係上帝特登安排。
「足印」歌詞講：
每次我心中多悲傷，祂怎卻遠去剩我獨行；每次我感到是寂寞，祂怎卻遠去剩我孤單；
默默地在我身邊的主，跟我低聲輕輕說出；「在絕望路裡的一雙，原是我的足印。」
回望我過去多少的失意，但你每次每次也在旁，是你抹我淚痕，是你揹我經過，
明白到有你居於心深處，我不再是獨行，前路有你共行，留下雙雙足印。
上帝真係如我同在。
比亞零八
200809140145
呃飲呃食上天家──第廿六集 五十日同行世界
第六節 與我常在
用左一日時間，我冷靜落黎──我話得個男人打正天主教旗號做埋ｄ衰野，咁打正基督教旗號既我又係修養立品事奉傳教工作上面做得好咩？我話得人又有冇反省自己呢？如果我真係咁尊敬聖方濟各堂個位老先生，當正大家都係一家人同負一軛既話，我又何嘗唔係破壞個位老先生傳教事奉工作？
冷靜過後係更重既係憔悴──我靜靜咁走到我神既跟前，我道歉──道歉唔係因為我鬧佢，而係自己由此至終太過分。明明自己只係祈求有一次面試既機會，主答應左我，之後所發生既，一切都係自己貪心，想再多ｄ再多ｄ而落得咁既下場，我又怪責邊個呢？主聽左我既禱告，我又咁對佢，我同個ｄ因唔合自己心意而離開神既人有咩分別呢？
身邊既朋友同我講世界上其實唔只佢一個衰人，無論咩國籍咩宗教都有賤人當道。我無理會朋友係咪好言安慰，但係令我知道，點解我對個中坑會咁慶──原來我三十一年黎，我無遇過ｄ咁既人，就算以前遇過既衰人都無呢個中坑個品咁差；更重要係三十一年黎，身邊既朋友對我十分之好，好保護好遷就好愛護我，我有事個個都會為我出頭出聲出面，只係我身在福中不知福。
憔悴期個三數天，我好沉；但我沒有放棄祈禱，只不過唔係為自己，而係為仲未搵到野做既朋友祈禱，希望早日搵到野做，好得意，佢地真係相繼搵到工；同樣我為到一位傷左腳入左醫院既小兄弟祈禱，點知唔駛一個禮拜佢出左院。原來主一直無離開過我，我咁衰仔都聽我禱告，為我將
一切困鎖既事挪開，靜靜咁比我休息，陪著我。
我好記得自己係最嬲個時講過一句現實既說話，就係朋友問我如果間天主教學校請你你做唔做，當時我回應：「唔做。但我無第二間揀，為左生活，我會做。有得揀，一定唔做。」連志氣都洩埋。但當然自己都有底線，就係人工太低唔合理一定唔做。
第二次面試過左兩日，個間學校打比我話請我，可惜出價太低，比起薪點更低不特止，仲要代課廿日人工都高過佢，我曾經bargain過，唔成功，結果無合作。我有ｄ唔開心，因為朋友都知我出身到依家都係個ｄ死做難做格，點知今次第一次推工。但有三件事令我好安慰，兼且個人輕鬆返ｄ：
第一，其實今次係求職成功，因為佢請我，只係我唔做；
第二，我阿爸阿媽竟然十分支持我，原因係幾年前一次搵工失敗，比佢地係咁話我，其實我都怕同佢講我未搵到工就推工，費時比佢地又話啦，真係估唔到佢地咁支持我，仲出口鬧間學校；
第三，上帝知道我唔想做呢間學校，太多唔愉快既經歷，但為左生活又要迫去做，同時佢知我人工有底線，於是利用呢條底線幫我推左份工，亦都省卻左我情緒低落個時仲要我左諗右諗，坦白一句，當間學校開出條件到我開口拒絕，我第一次強烈感受到呢個係上帝特登安排。
「足印」歌詞講：
每次我心中多悲傷，祂怎卻遠去剩我獨行；每次我感到是寂寞，祂怎卻遠去剩我孤單；
默默地在我身邊的主，跟我低聲輕輕說出；「在絕望路裡的一雙，原是我的足印。」
回望我過去多少的失意，但你每次每次也在旁，是你抹我淚痕，是你揹我經過，
明白到有你居於心深處，我不再是獨行，前路有你共行，留下雙雙足印。
上帝真係如我同在。
比亞零八
200809140145
呃飲呃食上天家－－ 第廿六集《五十日同行世界》第5節
上帝愛我，雖然小弟又野蠻又無賴又犯賤又貪得無厭，但係──上帝．仍然．愛．我。
呃飲呃食上天家──第廿六集 五十日同行世界
第五節 與天主教正面交鋒第二回
唔駛一個禮拜，個間天主教小學call我第二次面試。我開心到差ｄ暈低，我仲同ｄfriend講，如果臨門撻Ｑ既話，我應該要自殺。於是我又花左半天既時間去預備second in.，當然又少了時間預備第二科考試。
面試當日，我帶齊所有個人資料，心情好緊張，最抵死係校長話校董仲未到，要等多一陣，wait──點解多左個校董架，上次無講架。於是我求上帝與我同在。
一等等左四十五分鐘，一入會議室，校長立即同我say sorry要我久等之類。Wait，係個校董遲到，校長你仲乜道歉呀？校董大晒呀？算！大人不記小人過。
個校董係一個中年男人有ｄ霸氣，一開波佢就話我唔係一個合資格教師，因為我張教育文憑有問題喎，我Ｏ晒咀，坦白我得六年年資，睇佢個樣年資深過我，可能有問題我真係唔清楚，於是我以後輩身份同語氣詢問佢，比到位佢上喎，佢自然而然咁貫徹「大支野」姿態教我呢個後輩。點知，講左十五分鐘，佢先發覺自己講錯野，再問返我讀左幾耐，我話比佢聽一年full time，佢就同校長講佢攪錯左（唔係同我講），兼且仲要插我仲乜唔寫清楚係履歷度，我話比佢聽已經寫左係師資訓練一欄，佢先無聲出（不過都係無道歉）。十五分鐘裡面起初我覺得自己被佢「技術性擊倒」輸1:0比佢，但係後半場佢完全「露底」──又遲到又唔睇唔清楚ｄ野又無禮貌，完全係水蟹充大閘蟹，死開啦！
打後半個鐘，完全被佢「禁住打」，又話我呢話我路，鬼叫我黎求職呀──成場個比數越拉越開。
到講到天主教問題，我終於開心返ｄ，因為我可以將我既信仰我間教會同我既工作連埋一齊。點知個中坑仲黑人憎：「你間教會係邊？」我如實作答。佢以輕佻既態度問：「即係樓上教會啦！你間教會都唔係好大啫。」我話係。佢就講喇：「大教會就知道架喇，你細教會就講清楚啦，我地天主教……」我聽到呢度，我已經好慶好慶（我勁想一拳打爆佢個咀，兼且用刀係佢籮柚界十字，等佢上巴士有位都坐唔到）──家下細教會有乜問題？細教會就一定歧視其他宗教？細教會一定無知呀？家下一定係大教會先明事理咩？仲乜要睇小我間教會？我間教會細一定要受你歧視呀？
佢仲好笑，話唔係同我傳天主教喎。死開啦，我心諗，即使我唔係基督徒，我唔信耶穌，但見到係你傳教，我入邪教都唔入天主教！
其實，我對天主教從來無歧視，因為小弟係天主教幼稚園出身，兼且上次跟教會去拜訪深水埔天主教聖方濟各堂，好記得個位老先生好好人，即使我地係基督徒，都好溫文有禮（係我成世都學唔到個種nice），佢又好虔誠，用一生時間係教堂事奉，好關顧我個班少年人，係一個有品德有修養既前輩，佢仲話我地（基督徒同天主教徒）本來係一家人黎（讀過歷史都知）。所以我個一刻好尊敬佢，甚至有ｄ所謂基督教既前輩都唔及佢。點解？點解有呢條中坑摧毀我對天主教良好既觀感，破壞左個位老前輩窮畢生係教堂傳教事奉既工作！
踏出個間學校，我勁唔開心，我上到巴士即刻鬧上帝（係，我係鬧上帝）：天主教又係你睇，基督教又係你睇，仲乜天主教有ｄ咁既人呀？我第一次見工可以躂你個朵，點知係比人睇小，有冇攪錯！
提摩太前書4:12話：「不可叫人小看你年輕，總要在言語、行為、愛心、信心、清潔上，都作信徒的榜樣。」我同自己講，我一定要努力工作，係教育上創一番成就；仲有努力事奉，令到我間教會唔會比人睇小！我一定唔會衰比個死中坑睇！
比亞零八
200809140036
呃飲呃食上天家──第廿六集 五十日同行世界
第五節 與天主教正面交鋒第二回
唔駛一個禮拜，個間天主教小學call我第二次面試。我開心到差ｄ暈低，我仲同ｄfriend講，如果臨門撻Ｑ既話，我應該要自殺。於是我又花左半天既時間去預備second in.，當然又少了時間預備第二科考試。
面試當日，我帶齊所有個人資料，心情好緊張，最抵死係校長話校董仲未到，要等多一陣，wait──點解多左個校董架，上次無講架。於是我求上帝與我同在。
一等等左四十五分鐘，一入會議室，校長立即同我say sorry要我久等之類。Wait，係個校董遲到，校長你仲乜道歉呀？校董大晒呀？算！大人不記小人過。
個校董係一個中年男人有ｄ霸氣，一開波佢就話我唔係一個合資格教師，因為我張教育文憑有問題喎，我Ｏ晒咀，坦白我得六年年資，睇佢個樣年資深過我，可能有問題我真係唔清楚，於是我以後輩身份同語氣詢問佢，比到位佢上喎，佢自然而然咁貫徹「大支野」姿態教我呢個後輩。點知，講左十五分鐘，佢先發覺自己講錯野，再問返我讀左幾耐，我話比佢聽一年full time，佢就同校長講佢攪錯左（唔係同我講），兼且仲要插我仲乜唔寫清楚係履歷度，我話比佢聽已經寫左係師資訓練一欄，佢先無聲出（不過都係無道歉）。十五分鐘裡面起初我覺得自己被佢「技術性擊倒」輸1:0比佢，但係後半場佢完全「露底」──又遲到又唔睇唔清楚ｄ野又無禮貌，完全係水蟹充大閘蟹，死開啦！
打後半個鐘，完全被佢「禁住打」，又話我呢話我路，鬼叫我黎求職呀──成場個比數越拉越開。
到講到天主教問題，我終於開心返ｄ，因為我可以將我既信仰我間教會同我既工作連埋一齊。點知個中坑仲黑人憎：「你間教會係邊？」我如實作答。佢以輕佻既態度問：「即係樓上教會啦！你間教會都唔係好大啫。」我話係。佢就講喇：「大教會就知道架喇，你細教會就講清楚啦，我地天主教……」我聽到呢度，我已經好慶好慶（我勁想一拳打爆佢個咀，兼且用刀係佢籮柚界十字，等佢上巴士有位都坐唔到）──家下細教會有乜問題？細教會就一定歧視其他宗教？細教會一定無知呀？家下一定係大教會先明事理咩？仲乜要睇小我間教會？我間教會細一定要受你歧視呀？
佢仲好笑，話唔係同我傳天主教喎。死開啦，我心諗，即使我唔係基督徒，我唔信耶穌，但見到係你傳教，我入邪教都唔入天主教！
其實，我對天主教從來無歧視，因為小弟係天主教幼稚園出身，兼且上次跟教會去拜訪深水埔天主教聖方濟各堂，好記得個位老先生好好人，即使我地係基督徒，都好溫文有禮（係我成世都學唔到個種nice），佢又好虔誠，用一生時間係教堂事奉，好關顧我個班少年人，係一個有品德有修養既前輩，佢仲話我地（基督徒同天主教徒）本來係一家人黎（讀過歷史都知）。所以我個一刻好尊敬佢，甚至有ｄ所謂基督教既前輩都唔及佢。點解？點解有呢條中坑摧毀我對天主教良好既觀感，破壞左個位老前輩窮畢生係教堂傳教事奉既工作！
踏出個間學校，我勁唔開心，我上到巴士即刻鬧上帝（係，我係鬧上帝）：天主教又係你睇，基督教又係你睇，仲乜天主教有ｄ咁既人呀？我第一次見工可以躂你個朵，點知係比人睇小，有冇攪錯！
提摩太前書4:12話：「不可叫人小看你年輕，總要在言語、行為、愛心、信心、清潔上，都作信徒的榜樣。」我同自己講，我一定要努力工作，係教育上創一番成就；仲有努力事奉，令到我間教會唔會比人睇小！我一定唔會衰比個死中坑睇！
比亞零八
200809140036
呃飲呃食上天家－－ 第廿六集《五十日同行世界》第4節
上帝愛我，雖然小弟又野蠻又無賴又犯賤，但係──上帝．愛．我。
呃飲呃食上天家──第廿六集 五十日同行世界
第四節 與天主教正面交鋒第一回
八月第一個禮拜，我收到某天主教小學既面試電話通知，我十分雀躍，開心左一日，因為有工見。我花了半天既時間預備面試，結果，當然也少了時間預備我第一科考試。
面試之前，我唔記得左我send呢間學校係咩職位係咩科目，直到面試個時，我偷偷地望下流落係校長手中既求職信，嘩！原來係自薦信黎架，我咁大個人第一次掟自薦信係有回音架，仲開心過睇報紙掟個批求職信。一開波先有個bonus！正！
面試過程十分順利，也十分開心，因為學校既校長好有禮貌，好識尊重人，不過當中也因為緊張而表現失準，anyway，面試之後我係笑住咁行出人地既門口。記得個校長同我講，如果收到第二次面試電話既話，都ok架啦，叫我帶齊個人資料，仲話會盡快通知我好消息。
其實我乜野宗教團體辦既學校，我都想教，因為我只係想教書，但今次係天主教學校，我都問過傳道人，傳道人都話無乜問題，我就更加放心喇。
我當然有即刻多謝我既上帝啦，咁關照我……但係人係貪得無厭既，我好快就希望上帝比我有第二次面試機會，仲祈求見得成份工……
比亞零八
200809132159
呃飲呃食上天家──第廿六集 五十日同行世界
第四節 與天主教正面交鋒第一回
八月第一個禮拜，我收到某天主教小學既面試電話通知，我十分雀躍，開心左一日，因為有工見。我花了半天既時間預備面試，結果，當然也少了時間預備我第一科考試。
面試之前，我唔記得左我send呢間學校係咩職位係咩科目，直到面試個時，我偷偷地望下流落係校長手中既求職信，嘩！原來係自薦信黎架，我咁大個人第一次掟自薦信係有回音架，仲開心過睇報紙掟個批求職信。一開波先有個bonus！正！
面試過程十分順利，也十分開心，因為學校既校長好有禮貌，好識尊重人，不過當中也因為緊張而表現失準，anyway，面試之後我係笑住咁行出人地既門口。記得個校長同我講，如果收到第二次面試電話既話，都ok架啦，叫我帶齊個人資料，仲話會盡快通知我好消息。
其實我乜野宗教團體辦既學校，我都想教，因為我只係想教書，但今次係天主教學校，我都問過傳道人，傳道人都話無乜問題，我就更加放心喇。
我當然有即刻多謝我既上帝啦，咁關照我……但係人係貪得無厭既，我好快就希望上帝比我有第二次面試機會，仲祈求見得成份工……
比亞零八
200809132159
呃飲呃食上天家－－ 第廿六集《五十日同行世界》第3節
人係犯賤又無賴既。
呃飲呃食上天家──第廿六集 五十日同行世界
第三節 蟻咬
第二節同大家講過，我希望完成晒時間線既工作，然後先見工，順利既仲係1/9「死線」前搵到，perfect喇。我講過呢d都係自己一廂情願，但係我好無賴，當左係真，當成自己既planning，令到自己搵工既進程都幾緩慢；仲要迫我既上帝跟我個planning去做，我既上帝──當然「睬你都傻」，祈禱都無乜反應（其實諗返，如果我係上帝，我都唔知比咩反應）。
同時，小弟又超犯賤喎，明明自己有planning，但眼見身邊既朋友一個二個陸陸續續咁搵到工，自己又好似有蟻咬咁，「籮籮孿」周身唔聚財咁，於是我又同上帝講：「可唔可以比我有一次面試既機會呀，面試得架啦，起碼知道自己掟出去既信有回音先呀！」（當然係用求人既語氣啦）。
「喂！比亞，你想點呀？又想專心溫書，又想見工。有工見又要花時間準備，自然少左溫書既時間，咁點呀？」
我：………………
自己終於發現──人，咪就係咁囉，自己都唔知想點之餘，仲迫上帝去跟自己個套去行，完全本末倒置不特止；其實上帝做乜自己都會埋怨佢，有ｄ人甚至話上帝根本唔愛佢唔理佢，因為無聽佢自己既祈禱，唉，完全係「屈機」囉。人，真係要反省下自己。
比亞零八
200809132159
呃飲呃食上天家──第廿六集 五十日同行世界
第三節 蟻咬
第二節同大家講過，我希望完成晒時間線既工作，然後先見工，順利既仲係1/9「死線」前搵到，perfect喇。我講過呢d都係自己一廂情願，但係我好無賴，當左係真，當成自己既planning，令到自己搵工既進程都幾緩慢；仲要迫我既上帝跟我個planning去做，我既上帝──當然「睬你都傻」，祈禱都無乜反應（其實諗返，如果我係上帝，我都唔知比咩反應）。
同時，小弟又超犯賤喎，明明自己有planning，但眼見身邊既朋友一個二個陸陸續續咁搵到工，自己又好似有蟻咬咁，「籮籮孿」周身唔聚財咁，於是我又同上帝講：「可唔可以比我有一次面試既機會呀，面試得架啦，起碼知道自己掟出去既信有回音先呀！」（當然係用求人既語氣啦）。
「喂！比亞，你想點呀？又想專心溫書，又想見工。有工見又要花時間準備，自然少左溫書既時間，咁點呀？」
我：………………
自己終於發現──人，咪就係咁囉，自己都唔知想點之餘，仲迫上帝去跟自己個套去行，完全本末倒置不特止；其實上帝做乜自己都會埋怨佢，有ｄ人甚至話上帝根本唔愛佢唔理佢，因為無聽佢自己既祈禱，唉，完全係「屈機」囉。人，真係要反省下自己。
比亞零八
200809132159
呃飲呃食上天家－－ 第廿六集《五十日同行世界》第2節
學校死左，即係代表我要再搵工。搵工，期期都係小弟既……難關。我失業既信心一直都高過搵工的信心。
呃飲呃食上天家──第廿六集 五十日同行世界
第二節 蟄伏的時間線
我盤算一下今年暑假既時間表：
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 --->20/8 正式待業
Fine, 時間表好完美，完美在於基本上都唔駛搵工亦唔駛旨意搵到工，點算呢？最好笑係我仲天真咁上帝講：20號之後先見工仲搵到工，呢個時間表就perfect喇！當然，呢ｄ都係自己一廂情願，我無諗過成唔成事，只係覺得上帝係我既朋友，朋友傾計，唔駛諗咁多呀。
當然，小弟亦無諗過成廿號先搵工，所以一放暑假我就寄信喇！遲唔遲？一定遲，唔知有幾多朋友話我仲乜咁遲搵工（當然佢地100%出於關心同緊張），我亦佢地講，我想做好晒學校ｄ晒先搵，唔想分心，況且學校都完咯，唔想臨尾掛住咁搵工，而本身既工作就馬馬虎虎咁做。各位緊張我既朋友，對唔住，小弟真係唔係好識一心幾用。
但係又好奇怪，小弟明知自己成日失業，唔知點解，今年個人好平靜，唔似以前咁「驚青」驚無工開，可能我真係習慣失業，第一次梗係好唔開心，但都可能係第四次咯，要驚，都驚得七七八八啦，就好似你問生第四胎既孕婦，睇係佢生第四個個時會唔會好似生第一個咁緊張。
不過我都好衰架，我都同上帝講如果搵唔到工，我比唔到奉獻，到時唔好怪我呀。哈哈……
比亞零八
200809132159
呃飲呃食上天家──第廿六集 五十日同行世界
第二節 蟄伏的時間線
我盤算一下今年暑假既時間表：
11/7放假 ---> 14-18/7返學校執野 ---> 21/7-1/8教會暑期英文班 ---> 2/8 – 19/8公開大學考試 --->20/8 正式待業
Fine, 時間表好完美，完美在於基本上都唔駛搵工亦唔駛旨意搵到工，點算呢？最好笑係我仲天真咁上帝講：20號之後先見工仲搵到工，呢個時間表就perfect喇！當然，呢ｄ都係自己一廂情願，我無諗過成唔成事，只係覺得上帝係我既朋友，朋友傾計，唔駛諗咁多呀。
當然，小弟亦無諗過成廿號先搵工，所以一放暑假我就寄信喇！遲唔遲？一定遲，唔知有幾多朋友話我仲乜咁遲搵工（當然佢地100%出於關心同緊張），我亦佢地講，我想做好晒學校ｄ晒先搵，唔想分心，況且學校都完咯，唔想臨尾掛住咁搵工，而本身既工作就馬馬虎虎咁做。各位緊張我既朋友，對唔住，小弟真係唔係好識一心幾用。
但係又好奇怪，小弟明知自己成日失業，唔知點解，今年個人好平靜，唔似以前咁「驚青」驚無工開，可能我真係習慣失業，第一次梗係好唔開心，但都可能係第四次咯，要驚，都驚得七七八八啦，就好似你問生第四胎既孕婦，睇係佢生第四個個時會唔會好似生第一個咁緊張。
不過我都好衰架，我都同上帝講如果搵唔到工，我比唔到奉獻，到時唔好怪我呀。哈哈……
比亞零八
200809132159
呃飲呃食上天家－－ 第廿六集《五十日同行世界》第1節
小弟既信仰一直都唔係咁好，唯獨一講「失業」，我一定可以同神直接連線，點解？如果你一直都收睇呃飲呃食上天家，你一定明白。
呃飲呃食上天家──第廿六集 五十日同行世界
第一節 角力
好有趣，人永遠到左十字路口先至識得後悔……
學校死左，一個人靜靜咁諗返呢三年，原來我欠左很多人、很多情、甚至我既上帝。
大家有所不知，呢三年暑假，我都係無放過，因為我要到教會負責神經（少年組名稱）暑期活動，唔係去宿營，就係英文班，攪下攪下八月中又返工。所以前兩年，我都同傳道人角力，可惜都事與願違。最「慶」係其他弟兄姊妹又笑晒口同我講「利用暑假事奉應該感恩」，走開啦，試下年年既唯一大假都係教會忙東忙西，然後連假都無就開始新學年工作；最重要係，眼見其他人放大假有得去旅行，而自己頂盡只可以去大嶼山個朋友屋企借宿一宵，心裡面超唔忿氣。結果呢，暑假無左，事奉又唔投入，乜都無晒。
直到今年，靜靜咁諗返──明明上次失業之後應該曲終人散，點解可以係呢間學校「續命」？旱天雷劈你唔死之後既作用係當頭棒喝──我唔係同自己既上帝講過，能夠返入去做我會好好事奉咩？邊個比我過呢愉快既三年？邊個比我同班好同事「再續前緣」？仲乜依家同神斤斤計較？一年有四個大假，上帝只係要我個暑假幫佢做下野啫，我做乜要違背自己既承諾？
依家諗返，我好唔開心，想喊，因為好衰仔，同埋好後悔點解三年之後先諗通呢一點。
我同自己講：唔好再做一ｄ令自己後悔既事。
今年要好好帶神經的暑期活動。
比亞零八
200809131420
呃飲呃食上天家──第廿六集 五十日同行世界
第一節 角力
好有趣，人永遠到左十字路口先至識得後悔……
學校死左，一個人靜靜咁諗返呢三年，原來我欠左很多人、很多情、甚至我既上帝。
大家有所不知，呢三年暑假，我都係無放過，因為我要到教會負責神經（少年組名稱）暑期活動，唔係去宿營，就係英文班，攪下攪下八月中又返工。所以前兩年，我都同傳道人角力，可惜都事與願違。最「慶」係其他弟兄姊妹又笑晒口同我講「利用暑假事奉應該感恩」，走開啦，試下年年既唯一大假都係教會忙東忙西，然後連假都無就開始新學年工作；最重要係，眼見其他人放大假有得去旅行，而自己頂盡只可以去大嶼山個朋友屋企借宿一宵，心裡面超唔忿氣。結果呢，暑假無左，事奉又唔投入，乜都無晒。
直到今年，靜靜咁諗返──明明上次失業之後應該曲終人散，點解可以係呢間學校「續命」？旱天雷劈你唔死之後既作用係當頭棒喝──我唔係同自己既上帝講過，能夠返入去做我會好好事奉咩？邊個比我過呢愉快既三年？邊個比我同班好同事「再續前緣」？仲乜依家同神斤斤計較？一年有四個大假，上帝只係要我個暑假幫佢做下野啫，我做乜要違背自己既承諾？
依家諗返，我好唔開心，想喊，因為好衰仔，同埋好後悔點解三年之後先諗通呢一點。
我同自己講：唔好再做一ｄ令自己後悔既事。
今年要好好帶神經的暑期活動。
比亞零八
200809131420
20080808
呃飲呃食上天家---第廿五集 因禍得福
放低半年，因著一個意外，又再重拾。
呃飲呃食上天家－－第廿五集 因禍得福
開始之前，先交待一個前傳──三月中，曾動過手術的右膝忽然痛得要命，以為「風濕」，沒有加以理會，因為這十幾年都間有出現，只是今次持續了幾個月。直到六月初，因為右膝乏力，於是「的」起心肝，到將軍澳醫院濫用急症室一次，希望取得醫生紙轉介到瑪嘉烈骨科。事情十分順利，第二天便滿心歡喜的到骨科登記，誰知排了個死期──二零零九年七月。於是把心一橫，打算暑假有空再到瑪嘉烈濫用急症室。
輾輾轉轉，六月尾一個暴雨天，小弟上教會途中，在二期（自己條村）滑倒，尾龍骨有一刻軟弱乏力，坐在地下的我第一個閃過腦袋就是問我的上帝：為什麼我返教會也生意外？
那朝早，我到了瑪嘉烈急症室（毋須濫用了），結果留院一晚。記得留院那一晚，歐姑娘、apple和國輝來探望，我便問歐姑娘：「為什麼我返教會仍生意外？」他們回答我什麼，對不起，我完全沒有上心，因為我心裡很不忿。
瑪嘉烈的骨科分成很多小組，我傷了尾龍骨，原本安排屬於骨科Ｂ組，但因我以前是屬於骨科Ａ組，護士長見我堅持，於是讓我重返Ａ組了。第二天，Ａ組的醫生巡房，跟以前醫治我的許醫生重遇，大家仍舊記得大家，當然獲得十分細緻的檢查，我亦乘機將右膝的事告訴醫生，醫生也替我檢查。臨離開前，許醫生笑說：「現在好了，因為弄傷脊骨而順帶檢查右膝。」
我頓時一呆，他的說話好像為我這兩天的事來一個歸結：
1) 若不是這次意外，我不知道我的脊骨有問題。（醫生說痛的尾龍骨沒有事；有事的脊骨沒有痛，可能是舊患）
2) 若不是這次意外，我不可能讓醫生檢查右膝。
3) 若不是這次意外，我不知道右膝的韌帶仍然穩固。
4) 若不是這次意外，我的覆診日期不可能提早一年。
5) 若不是這次意外，我又要找藉口濫用急症室。
最重要的是，以上的「收獲」不正正是歐姑娘、apple和國輝，以及身邊的朋友提及過嗎？原來我一心的不忿，令我「瞎了眼、聾了耳」──我看不見神在我身上作的工；我聽不到身邊朋友的提醒。以前看出埃及記，都覺得那班被救出的以色列子民忘恩負義，到今天，才發現自己都是那班子民的一位。
比亞零八
200807231121
呃飲呃食上天家－－第廿五集 因禍得福
開始之前，先交待一個前傳──三月中，曾動過手術的右膝忽然痛得要命，以為「風濕」，沒有加以理會，因為這十幾年都間有出現，只是今次持續了幾個月。直到六月初，因為右膝乏力，於是「的」起心肝，到將軍澳醫院濫用急症室一次，希望取得醫生紙轉介到瑪嘉烈骨科。事情十分順利，第二天便滿心歡喜的到骨科登記，誰知排了個死期──二零零九年七月。於是把心一橫，打算暑假有空再到瑪嘉烈濫用急症室。
輾輾轉轉，六月尾一個暴雨天，小弟上教會途中，在二期（自己條村）滑倒，尾龍骨有一刻軟弱乏力，坐在地下的我第一個閃過腦袋就是問我的上帝：為什麼我返教會也生意外？
那朝早，我到了瑪嘉烈急症室（毋須濫用了），結果留院一晚。記得留院那一晚，歐姑娘、apple和國輝來探望，我便問歐姑娘：「為什麼我返教會仍生意外？」他們回答我什麼，對不起，我完全沒有上心，因為我心裡很不忿。
瑪嘉烈的骨科分成很多小組，我傷了尾龍骨，原本安排屬於骨科Ｂ組，但因我以前是屬於骨科Ａ組，護士長見我堅持，於是讓我重返Ａ組了。第二天，Ａ組的醫生巡房，跟以前醫治我的許醫生重遇，大家仍舊記得大家，當然獲得十分細緻的檢查，我亦乘機將右膝的事告訴醫生，醫生也替我檢查。臨離開前，許醫生笑說：「現在好了，因為弄傷脊骨而順帶檢查右膝。」
我頓時一呆，他的說話好像為我這兩天的事來一個歸結：
1) 若不是這次意外，我不知道我的脊骨有問題。（醫生說痛的尾龍骨沒有事；有事的脊骨沒有痛，可能是舊患）
2) 若不是這次意外，我不可能讓醫生檢查右膝。
3) 若不是這次意外，我不知道右膝的韌帶仍然穩固。
4) 若不是這次意外，我的覆診日期不可能提早一年。
5) 若不是這次意外，我又要找藉口濫用急症室。
最重要的是，以上的「收獲」不正正是歐姑娘、apple和國輝，以及身邊的朋友提及過嗎？原來我一心的不忿，令我「瞎了眼、聾了耳」──我看不見神在我身上作的工；我聽不到身邊朋友的提醒。以前看出埃及記，都覺得那班被救出的以色列子民忘恩負義，到今天，才發現自己都是那班子民的一位。
比亞零八
200807231121
20080221
呃飲呃食上天家---第廿四集 銘恩
雖然好像沒有什麼資格寫這一篇，但確實是我的感受。
呃飲呃食上天家---第廿四集 銘恩
參加教會四十日祈禱的第廿二日，有一段禱文起首說：
「親愛的天父，我們把所有教會帶到主的施恩寶座前，求祢喚醒沉睡的銘恩，讓我們能謹守、警醒。求祢叫疲乏、軟弱的教會能得著祢賜下的能力，得著祢的復興，得著祢的智慧。」
唸到這裡，腦裡忽然閃出一本上世紀出版的書──《銘恩浸信會獨立特刊》(1993)。我立即動身從書櫃中翻出來，第二十八頁「本會歷史回顧」第一句：「三十三位平均年齡二十多歲深恩浸信會肢體，憑著神的恩典，在一月一日闖進了青衣……」我再翻開教會照片剪輯，一張張熟悉的面孔映入眼簾──他們都充滿著為神國擴展的熱心和毅力（我當年都是因著他們而打撈回來的小羊呢）。
回想銘恩在旺角十年，雖則我沒有啥資格說，也不是指責什麼，但真心的想問：幹麼銘恩為神國擴展的熱心和毅力好像冷卻了？弟兄姊妹都好像安定下來了？這幾年間聽到不少有關教會發展的說話，有些是正面的，有些是負面，更多的是推諉的。我不諱言有部分弟兄姊妹仍然努力，為神國擴展，可是未及眾志成城，他們像流行曲《十個救火的少年》歌詞中留下最後一個救火的人。
我望著照片，又細味那段禱文，我才發覺弟兄姊妹，尤其那班俗語所謂「開國功臣」，他們不是沒有盡力，而是倦了。試問一個人十八年來為神國擴展為教會勞心，雖則倦了神會加力，但畢竟血肉之軀，怎會不疲累呢？十八年來銘恩經歷這麼多事情，有時振奮，有時沮喪，怎不疲憊呢？反思我們這群銘恩建立後才出現的「晚輩」，是否只是坐享其成呢？我們又有沒有和「前輩」一起並肩而行呢？
想到這裡望著獨立特刊，我不禁想向神說聲多謝──當年沒有差派這三十三位熱心青年，銘恩這個名稱應該沒有出現在神的國裡，我等這輩沒法在主內成長；又想向各位「開國功臣」說聲多謝，辛勞了──多年來盡心盡意盡性盡力在銘恩開拓神的國度，十八年風雨寒暑為教會奔波；
又想問各位銘恩建立後才出現的「晚輩」：我們有沒有延續「前輩」開拓神國的熱心和決心呢？
又想問各位少年人，您們在靈命上有沒有裝備好自己為開拓神國接棒呢？
最後：「求主喚醒沉睡的銘恩，讓我們能謹守、警醒。求祢叫疲乏、軟弱的教會能得著祢賜下的能力，得著祢的復興，得著祢的智慧。」
奉主名求，阿們。
比亞零八
ＰＳ大家還記得「銘恩」的意思和徽號的含意嗎？
呃飲呃食上天家---第廿四集 銘恩
參加教會四十日祈禱的第廿二日，有一段禱文起首說：
「親愛的天父，我們把所有教會帶到主的施恩寶座前，求祢喚醒沉睡的銘恩，讓我們能謹守、警醒。求祢叫疲乏、軟弱的教會能得著祢賜下的能力，得著祢的復興，得著祢的智慧。」
唸到這裡，腦裡忽然閃出一本上世紀出版的書──《銘恩浸信會獨立特刊》(1993)。我立即動身從書櫃中翻出來，第二十八頁「本會歷史回顧」第一句：「三十三位平均年齡二十多歲深恩浸信會肢體，憑著神的恩典，在一月一日闖進了青衣……」我再翻開教會照片剪輯，一張張熟悉的面孔映入眼簾──他們都充滿著為神國擴展的熱心和毅力（我當年都是因著他們而打撈回來的小羊呢）。
回想銘恩在旺角十年，雖則我沒有啥資格說，也不是指責什麼，但真心的想問：幹麼銘恩為神國擴展的熱心和毅力好像冷卻了？弟兄姊妹都好像安定下來了？這幾年間聽到不少有關教會發展的說話，有些是正面的，有些是負面，更多的是推諉的。我不諱言有部分弟兄姊妹仍然努力，為神國擴展，可是未及眾志成城，他們像流行曲《十個救火的少年》歌詞中留下最後一個救火的人。
我望著照片，又細味那段禱文，我才發覺弟兄姊妹，尤其那班俗語所謂「開國功臣」，他們不是沒有盡力，而是倦了。試問一個人十八年來為神國擴展為教會勞心，雖則倦了神會加力，但畢竟血肉之軀，怎會不疲累呢？十八年來銘恩經歷這麼多事情，有時振奮，有時沮喪，怎不疲憊呢？反思我們這群銘恩建立後才出現的「晚輩」，是否只是坐享其成呢？我們又有沒有和「前輩」一起並肩而行呢？
想到這裡望著獨立特刊，我不禁想向神說聲多謝──當年沒有差派這三十三位熱心青年，銘恩這個名稱應該沒有出現在神的國裡，我等這輩沒法在主內成長；又想向各位「開國功臣」說聲多謝，辛勞了──多年來盡心盡意盡性盡力在銘恩開拓神的國度，十八年風雨寒暑為教會奔波；
又想問各位銘恩建立後才出現的「晚輩」：我們有沒有延續「前輩」開拓神國的熱心和決心呢？
又想問各位少年人，您們在靈命上有沒有裝備好自己為開拓神國接棒呢？
最後：「求主喚醒沉睡的銘恩，讓我們能謹守、警醒。求祢叫疲乏、軟弱的教會能得著祢賜下的能力，得著祢的復興，得著祢的智慧。」
奉主名求，阿們。
比亞零八
ＰＳ大家還記得「銘恩」的意思和徽號的含意嗎？
呃飲呃食上天家---第廿三集 「原來過得很快樂，只我一人未發覺……」
這一篇應該是上月寫的，但因為學校論文，等到今天才出場。
呃飲呃食上天家---第廿三集 「原來過得很快樂，只我一人未發覺……」
感恩，我們都明、我們都識，卻常常忘記，因為我們的腦袋只要想起自己好像「成為魚腩」、「做咗傻仔」、「比人昆咗」，感恩就成了廢物和廢話，存在了但要立即拿去堆填或焚化。
感恩，我們都知，我們都懂，卻沒有恃之以恆，因為我們的眼目，只需要一個半個挫折，便如棒球賽中的全壘打，將感恩打出賽場，九宵雲外。
所以，很多人生活得不開心，自然，也不如意。
我沒有打算指責任何人，因為以前的我和大家一樣，然而今年生日，超過一百人集體教導我──什麼叫感恩。打從生日那星期開始，朋友的短訊、電郵、飯局，所有禮物和賀卡，以至學校裡一百四十位學生的慶祝、同事們的祝賀、教會弟兄姊妹利用新討論區網上慶祝，一月十八日晚上我細想──我比亞零八算什麼？一窮二白，沒有什麼好東西給過我身邊的所有人，他們又為什麼給我如此多的禮物呢？
「感恩」，英文「thanksgiving」,「thanks」指感謝；「giving」指無償的賦予。「感恩」有兩個層面：第一．感恩源自上主，祂賜予我們生命、愛、喜樂等等（Thanksgiving is all about God and thanking him for the gifts of life, love, joy, and more.）第二．感謝賜予者及將自己所得的予人分享（Thinking about what we are thankful for and sharing it with others）。
如果我們沒有認清恩澤的源頭，又怎能將恩賜分享身邊的人？
如果一個人不明白感恩，又怎會知道感恩箇中透出的真快樂？
如果沒有這份快樂，生活又怎會如意？
我感謝上主讓我認識身邊所有的人，亦感謝所有的人給予小弟十分多美好的回憶。這個月，我學習從生活和工作上感恩：我的家人給我預備早餐；我的同事在工作上幫我一把；我的朋友付出時間聽我分享；我的學生付出耐性（對，是學生付出耐性，不是我付出耐性，所有學生都知我的耐性等如零）應付我這個「躁底」老師……每天臨睡，我發覺很多人疼我。這個月，我活在快樂之中；也發現生活比以前愜意得多。
最後分享一篇文章：做過感恩的人（路17:11-19）
(http://www.aberdeenbaptist.org.hk/php/displaycontent.php?catid=1&id=805)
希望大家學習感恩，學懂感恩，推己及人。
「……原來我非不快樂，只我一人未發覺……」
節目主持
比亞零八
呃飲呃食上天家---第廿三集 「原來過得很快樂，只我一人未發覺……」
感恩，我們都明、我們都識，卻常常忘記，因為我們的腦袋只要想起自己好像「成為魚腩」、「做咗傻仔」、「比人昆咗」，感恩就成了廢物和廢話，存在了但要立即拿去堆填或焚化。
感恩，我們都知，我們都懂，卻沒有恃之以恆，因為我們的眼目，只需要一個半個挫折，便如棒球賽中的全壘打，將感恩打出賽場，九宵雲外。
所以，很多人生活得不開心，自然，也不如意。
我沒有打算指責任何人，因為以前的我和大家一樣，然而今年生日，超過一百人集體教導我──什麼叫感恩。打從生日那星期開始，朋友的短訊、電郵、飯局，所有禮物和賀卡，以至學校裡一百四十位學生的慶祝、同事們的祝賀、教會弟兄姊妹利用新討論區網上慶祝，一月十八日晚上我細想──我比亞零八算什麼？一窮二白，沒有什麼好東西給過我身邊的所有人，他們又為什麼給我如此多的禮物呢？
「感恩」，英文「thanksgiving」,「thanks」指感謝；「giving」指無償的賦予。「感恩」有兩個層面：第一．感恩源自上主，祂賜予我們生命、愛、喜樂等等（Thanksgiving is all about God and thanking him for the gifts of life, love, joy, and more.）第二．感謝賜予者及將自己所得的予人分享（Thinking about what we are thankful for and sharing it with others）。
如果我們沒有認清恩澤的源頭，又怎能將恩賜分享身邊的人？
如果一個人不明白感恩，又怎會知道感恩箇中透出的真快樂？
如果沒有這份快樂，生活又怎會如意？
我感謝上主讓我認識身邊所有的人，亦感謝所有的人給予小弟十分多美好的回憶。這個月，我學習從生活和工作上感恩：我的家人給我預備早餐；我的同事在工作上幫我一把；我的朋友付出時間聽我分享；我的學生付出耐性（對，是學生付出耐性，不是我付出耐性，所有學生都知我的耐性等如零）應付我這個「躁底」老師……每天臨睡，我發覺很多人疼我。這個月，我活在快樂之中；也發現生活比以前愜意得多。
最後分享一篇文章：做過感恩的人（路17:11-19）
(http://www.aberdeenbaptist.org.hk/php/displaycontent.php?catid=1&id=805)
希望大家學習感恩，學懂感恩，推己及人。
「……原來我非不快樂，只我一人未發覺……」
節目主持
比亞零八
20070930
第廿二集 只有我和上帝的主日學
放下長篇大論，與我的上主來一客小品
呃飲呃食上天家──第廿二集 只有我和上帝的主日學
當主日學導師以來，小弟一直有一個陋習，就是星期日上課，我星期六晚才備課，教會傳道人已提醒小弟多次，可是都沒有改過來。終於……
話說小弟上星期六晚如常地備課，竟發現課本不翼而飛，時為十二時許。我一直尋一直找，都沒有發現，只在房裡團團轉。心越急越亂，弄得房間一團糟。正忙亂之際，腦內忽然想起我的上帝。
「為什麼祈禱依靠上帝和你一同尋找？上兩次丟失了東西不正是靠著祈禱尋回嗎？」
「……我……今次丟失的是……上帝的課本……怎開口？」
我嘗試靜下來祈禱，可是都不能集中精神。因為我虧欠了我的上帝。
很多人都口口聲聲說相信世界有神、自己是有罪的，但偏偏不想返教會，也不想以基督作信仰。我一直百思不得其解。這件事之後，我明白有些人因著自己的罪，不敢面對上帝，因為他們害怕上帝會討算自己、責罰自己，令他們活得不快。如我，丟失了上帝的課本，我十分內疚和害怕，因為上帝給予我教育少年的差事，可是我一直沒有盡心去做，更連教材也丟失，怎樣面對課堂？怎樣面對這群慕道的少年人？怎樣面對我的上帝？
上帝是愛我們的，回心轉意，祂說過會赦免我們的罪，只是人是否願意接受和相信。如我，那件事祂由此至終都沒有責備我、懲罰我，更與我同在，上了那一課，當然預備不足影響教學是個改變不了的事實，但至少祂仍然藉著小弟讓那班少年人反思課題的教導，過程中我發現──責備自己的人原來是自己，祂一直在我旁邊。
丟失了上帝的課本，卻上了令我深思的一課。我想，那一堂主日學，應該是只得我和上帝，上帝是我的導師。
呃飲呃食上天家──第廿二集 只有我和上帝的主日學
當主日學導師以來，小弟一直有一個陋習，就是星期日上課，我星期六晚才備課，教會傳道人已提醒小弟多次，可是都沒有改過來。終於……
話說小弟上星期六晚如常地備課，竟發現課本不翼而飛，時為十二時許。我一直尋一直找，都沒有發現，只在房裡團團轉。心越急越亂，弄得房間一團糟。正忙亂之際，腦內忽然想起我的上帝。
「為什麼祈禱依靠上帝和你一同尋找？上兩次丟失了東西不正是靠著祈禱尋回嗎？」
「……我……今次丟失的是……上帝的課本……怎開口？」
我嘗試靜下來祈禱，可是都不能集中精神。因為我虧欠了我的上帝。
很多人都口口聲聲說相信世界有神、自己是有罪的，但偏偏不想返教會，也不想以基督作信仰。我一直百思不得其解。這件事之後，我明白有些人因著自己的罪，不敢面對上帝，因為他們害怕上帝會討算自己、責罰自己，令他們活得不快。如我，丟失了上帝的課本，我十分內疚和害怕，因為上帝給予我教育少年的差事，可是我一直沒有盡心去做，更連教材也丟失，怎樣面對課堂？怎樣面對這群慕道的少年人？怎樣面對我的上帝？
上帝是愛我們的，回心轉意，祂說過會赦免我們的罪，只是人是否願意接受和相信。如我，那件事祂由此至終都沒有責備我、懲罰我，更與我同在，上了那一課，當然預備不足影響教學是個改變不了的事實，但至少祂仍然藉著小弟讓那班少年人反思課題的教導，過程中我發現──責備自己的人原來是自己，祂一直在我旁邊。
丟失了上帝的課本，卻上了令我深思的一課。我想，那一堂主日學，應該是只得我和上帝，上帝是我的導師。
20070620
呃飲呃食上天家 第二十一集---一錢銀子的協定(馬太福音20 : 1-13)
呢篇(原著於20070616，於20070813修改，特此為記)……可能會引起不安，尤其係教育界個班，敬請留意。
呃飲呃食上天家 第二十一集---一錢銀子的協定(馬太福音20 : 1-13)
岩岩過左既星期六，上千名教師遊行，反對政府調整津校教師薪酬同時，漠視教師年資，任職四年既教師薪酬將與新入職者相同。他們既理據係二千年起入職既學位教師因政府調低入職起薪點至十四點，至今年經濟改善，教師入職起薪點調升至十九點，正好係入職四年既教師現時既薪酬，於是佢地認為，年資不受承認，對教師造成傷害，製造不公平，會造成教師隊伍分化和不滿，破壞教育的穩定，要求公務員事務局按教師年資增薪。
小弟睇完呢段新聞，忽然想起馬太福音二十章1-13節提及既葡萄園工人既比喻：
「因為天國好像家主，清早去雇人，進他的葡萄園作工。和工人講定，一天一錢銀子，就打
發他們進葡萄園去。
約在巳初出去，看見市上還有閒站的人。就對他們說，你們也進葡萄園去。所當給的，我必
給你們。他們也進去了。
約在午正和申初又出去，也是這樣行。
約在酉初出去，看見還有人站在那裡。就問他們說，你們為甚麼整天在這裡閒站呢？他們
說：因為沒有人雇我們。他說：你們也進葡萄園去。
到了晚上，園主對管事的說，叫工人都來給他們工錢，從後來的起，到先來的為止。約在酉
初雇的人來了，各人得了一錢銀子。及至那先雇的來了，他們以為必要多得，誰知也是各得
一錢。
他們得了，就埋怨家主說：我們整天勞苦受熱，那後來的只做了一小時，你竟叫他們和我們
一樣麼。家主回答其中的一人說：朋友，我不虧負你。你與我講定的，不是一錢銀子麼？拿
你的走罷。我給那後來的和給你一樣，這是我願意的。」
當然呢段經文本身係講救恩既問題，不過套用係這段新聞上，其實又好合用。我明白到個班教師既不忿，第一因為自己捱左幾年，依家一調節薪酬，竟然新入職同自己相同，一定爆口「有冇攪錯！」；第二，小弟也是2000年後入職個批，兼且有四年年資；第三，十四點起薪同十九點起薪相差成幾千蚊，個心梗係覺得唔抵。
雖則小弟都係同行，但我唔覺得唔公平，亦唔明白班教師有乜理據去話政府。第一根據葡萄園個比喻：一早大家講好左係一錢銀子入園子做野架喎，園主無呃你，你又應承個報酬──正如個班當時新入職既教師，政府講好左係十四點起薪，一直都無比少個崩你架，而你當時入職個時係知道已經調低左，如果你覺得人工唔合理，你大可以唔做，咁有乜理據要嘈？
第二，政府又唔係唔計你年資無跳point比你，係薪酬上面一直跟規定做野，照計年資照跳point；依家只不過係一般薪酬調整之嘛，老細要調節起薪點，又關你乜野事呢？
現今好多人為左維護自己利益，往往打正所謂「公平、公正」旗號，其實公平係咪代表每個人都要一樣，咁如果每個人都要食同一碟飯，就係公平，對於食量差嘅人，食一碟飯就太辛苦喇，甚至係虐待；但係對於嗰ｄ食量大嘅人，食一碟又唔夠，又覺得係虐待。公平？可能只係按自己嘅需要啫。
係信仰上面，我哋時都覺得上帝唔公平，點解人哋有，我冇，但係就唔記得問自己－－有冇盡咗我答應神嗰部份先，好似公錢係大家傾好，神做咗祂的，但自己有冇做好自己嗰部份呢？可是好多人冇諗清楚自己嘅負責，就認定上帝唔公平。
神嘅公平，就係依我哋各人嘅不同，而比我哋，滿足我哋嘅需要，所以唔需要眼紅人哋，而忘記咗自己嘅需要神係知道，神亦都唔會苦待人。不如大家唔好只係睇人哋嘅成就，人哋嘅能力，人哋已經有嘅，不妨碌大自己對眼，睇下自己所有，諗下自己點樣蒙恩啦。
各位老師，無論薪酬點樣，都唔會改變你哋對學生嗰份熱心，雖然人工相比少咗，但確實賺咗很多寶貴經驗，呢ｄ經驗就算政府點無賴都攞唔走你嘅，唔好打擊自己個信心呀！
比亞零七
200708132322
呃飲呃食上天家 第二十一集---一錢銀子的協定(馬太福音20 : 1-13)
岩岩過左既星期六，上千名教師遊行，反對政府調整津校教師薪酬同時，漠視教師年資，任職四年既教師薪酬將與新入職者相同。他們既理據係二千年起入職既學位教師因政府調低入職起薪點至十四點，至今年經濟改善，教師入職起薪點調升至十九點，正好係入職四年既教師現時既薪酬，於是佢地認為，年資不受承認，對教師造成傷害，製造不公平，會造成教師隊伍分化和不滿，破壞教育的穩定，要求公務員事務局按教師年資增薪。
小弟睇完呢段新聞，忽然想起馬太福音二十章1-13節提及既葡萄園工人既比喻：
「因為天國好像家主，清早去雇人，進他的葡萄園作工。和工人講定，一天一錢銀子，就打
發他們進葡萄園去。
約在巳初出去，看見市上還有閒站的人。就對他們說，你們也進葡萄園去。所當給的，我必
給你們。他們也進去了。
約在午正和申初又出去，也是這樣行。
約在酉初出去，看見還有人站在那裡。就問他們說，你們為甚麼整天在這裡閒站呢？他們
說：因為沒有人雇我們。他說：你們也進葡萄園去。
到了晚上，園主對管事的說，叫工人都來給他們工錢，從後來的起，到先來的為止。約在酉
初雇的人來了，各人得了一錢銀子。及至那先雇的來了，他們以為必要多得，誰知也是各得
一錢。
他們得了，就埋怨家主說：我們整天勞苦受熱，那後來的只做了一小時，你竟叫他們和我們
一樣麼。家主回答其中的一人說：朋友，我不虧負你。你與我講定的，不是一錢銀子麼？拿
你的走罷。我給那後來的和給你一樣，這是我願意的。」
當然呢段經文本身係講救恩既問題，不過套用係這段新聞上，其實又好合用。我明白到個班教師既不忿，第一因為自己捱左幾年，依家一調節薪酬，竟然新入職同自己相同，一定爆口「有冇攪錯！」；第二，小弟也是2000年後入職個批，兼且有四年年資；第三，十四點起薪同十九點起薪相差成幾千蚊，個心梗係覺得唔抵。
雖則小弟都係同行，但我唔覺得唔公平，亦唔明白班教師有乜理據去話政府。第一根據葡萄園個比喻：一早大家講好左係一錢銀子入園子做野架喎，園主無呃你，你又應承個報酬──正如個班當時新入職既教師，政府講好左係十四點起薪，一直都無比少個崩你架，而你當時入職個時係知道已經調低左，如果你覺得人工唔合理，你大可以唔做，咁有乜理據要嘈？
第二，政府又唔係唔計你年資無跳point比你，係薪酬上面一直跟規定做野，照計年資照跳point；依家只不過係一般薪酬調整之嘛，老細要調節起薪點，又關你乜野事呢？
現今好多人為左維護自己利益，往往打正所謂「公平、公正」旗號，其實公平係咪代表每個人都要一樣，咁如果每個人都要食同一碟飯，就係公平，對於食量差嘅人，食一碟飯就太辛苦喇，甚至係虐待；但係對於嗰ｄ食量大嘅人，食一碟又唔夠，又覺得係虐待。公平？可能只係按自己嘅需要啫。
係信仰上面，我哋時都覺得上帝唔公平，點解人哋有，我冇，但係就唔記得問自己－－有冇盡咗我答應神嗰部份先，好似公錢係大家傾好，神做咗祂的，但自己有冇做好自己嗰部份呢？可是好多人冇諗清楚自己嘅負責，就認定上帝唔公平。
神嘅公平，就係依我哋各人嘅不同，而比我哋，滿足我哋嘅需要，所以唔需要眼紅人哋，而忘記咗自己嘅需要神係知道，神亦都唔會苦待人。不如大家唔好只係睇人哋嘅成就，人哋嘅能力，人哋已經有嘅，不妨碌大自己對眼，睇下自己所有，諗下自己點樣蒙恩啦。
各位老師，無論薪酬點樣，都唔會改變你哋對學生嗰份熱心，雖然人工相比少咗，但確實賺咗很多寶貴經驗，呢ｄ經驗就算政府點無賴都攞唔走你嘅，唔好打擊自己個信心呀！
比亞零七
200708132322
20070211
呃飲呃食上天家 第十九集---捐血
今次……會是正經一點……
呃飲呃食上天家 第十九集---捐血
生日那天，我一如以往到中環捐血站捐血。正當我捐血時，姑娘告訴我已經捐血廿五次，可以有一份紀念品，我才驀然醒覺，捐血這個習慣已經持續六年了。
身邊的朋友都稀奇我有如此的恆心，誠然以小弟唯利是圖的性格，血白白的捐出去是沒有可能，我之所以有如此的恆心，是因為中環捐血站有Mrs. Fields曲奇和利賓納招待，與及偶然有不少紀念品贈送，所以朋友都覺得我賣血多於捐血。
躺在捐血床上的我追索自己為什麼會捐第一次血，當然，不是上述原因，因為那時中環捐血站仍未成立，而最主要原因是我曾是輸血的病者。
中學時期因為腳傷，曾經動了三次手術，雖然算不上是大手術，但不竟傷口有幾小時沒有癒合，血始終會流去，輸血是唯一及時的補充。我仍記得動最後一次手術後，一袋紅卜卜的液體依膠管注入手背的針口，當時麻醉藥未散，我看不清楚到底是怎麼一會事，但肯定那是血液。
當時我住的是骨科病科，需要動手術的病人不比外科病房的少。某一次我看見隔離病床一位病人剛從手術室推上來，手背上的針口連接著是一袋血液。他身體很虛弱，而且尚未清醒，既未能正常飲食以補充營養，手術後又因傷口感染而出現不同程度的發熱，若果單靠「吊鹽水」是不能支撐身體，輸血是一個很重要的方法。望著那袋血液，無知的我終於領悟到為什麼紅十字會說捐血可以救人。
這時，我想起教會傳道人去年尾的壓軸講題「施比受更為有福」──一句出自聖經而又廣為人知的說話。有能力有恩賜去幫助他人，真是一種上天賜予的福份。但同時得到別人的幫助也是一種福份，所以對於我，其實「施和受都有福」──我不知道哪位恩人捐出那袋血，令我身體迅速復元，既然報答不了恩人也無謂不斷追究，反正恩人捐血無非是為了幫人，而我可以做的，就是延續那位恩人助人的心志。
我不敢說自己那450ml血液可以幫得上什麼，但有生之年還屬地上的我仍會捐血，希望將這個「習慣」化為「習俗」。
後記：捐血初期，曾經有人告訴我基督徒是不可以捐血，因為這樣做是傷害身體，違反聖經教導，我一笑置之，若果我真的違反聖經教導，上帝一早已經告訴我，還有機會捐廿五次血嗎？
呃飲呃食上天家 第十九集---捐血
生日那天，我一如以往到中環捐血站捐血。正當我捐血時，姑娘告訴我已經捐血廿五次，可以有一份紀念品，我才驀然醒覺，捐血這個習慣已經持續六年了。
身邊的朋友都稀奇我有如此的恆心，誠然以小弟唯利是圖的性格，血白白的捐出去是沒有可能，我之所以有如此的恆心，是因為中環捐血站有Mrs. Fields曲奇和利賓納招待，與及偶然有不少紀念品贈送，所以朋友都覺得我賣血多於捐血。
躺在捐血床上的我追索自己為什麼會捐第一次血，當然，不是上述原因，因為那時中環捐血站仍未成立，而最主要原因是我曾是輸血的病者。
中學時期因為腳傷，曾經動了三次手術，雖然算不上是大手術，但不竟傷口有幾小時沒有癒合，血始終會流去，輸血是唯一及時的補充。我仍記得動最後一次手術後，一袋紅卜卜的液體依膠管注入手背的針口，當時麻醉藥未散，我看不清楚到底是怎麼一會事，但肯定那是血液。
當時我住的是骨科病科，需要動手術的病人不比外科病房的少。某一次我看見隔離病床一位病人剛從手術室推上來，手背上的針口連接著是一袋血液。他身體很虛弱，而且尚未清醒，既未能正常飲食以補充營養，手術後又因傷口感染而出現不同程度的發熱，若果單靠「吊鹽水」是不能支撐身體，輸血是一個很重要的方法。望著那袋血液，無知的我終於領悟到為什麼紅十字會說捐血可以救人。
這時，我想起教會傳道人去年尾的壓軸講題「施比受更為有福」──一句出自聖經而又廣為人知的說話。有能力有恩賜去幫助他人，真是一種上天賜予的福份。但同時得到別人的幫助也是一種福份，所以對於我，其實「施和受都有福」──我不知道哪位恩人捐出那袋血，令我身體迅速復元，既然報答不了恩人也無謂不斷追究，反正恩人捐血無非是為了幫人，而我可以做的，就是延續那位恩人助人的心志。
我不敢說自己那450ml血液可以幫得上什麼，但有生之年還屬地上的我仍會捐血，希望將這個「習慣」化為「習俗」。
後記：捐血初期，曾經有人告訴我基督徒是不可以捐血，因為這樣做是傷害身體，違反聖經教導，我一笑置之，若果我真的違反聖經教導，上帝一早已經告訴我，還有機會捐廿五次血嗎？
20070101
呃飲呃食上天家---第十八集 基督徒的謊言
唔好意思 , 遲左五個月先至推出新一集 , 我活該 .
呃飲呃食上天家---第十八集 基督徒的謊言
以下是我兄弟中田誠既親身經歷：
１－話說有個住係元朗既中產女人帶住個仔山長水遠去將軍澳一青年中心參加小提琴班（其實都唔知為乜），第一日自己早到左，就話要入去上堂，中心職員話比佢知要夠鐘先得，個女人話：唔係早Ｄ黎早Ｄ上咩？（無腦既，晨早六點幾黎呀，笨！）
２－跟手自己跟個仔入去上堂又無同職員講（基本上沒有知會，家長係唔可以跟住入上堂），仲係班房裡面係個仔面前，大大聲聲指摘個導師無禮貌。（個導師Ｒ晒頭唔知仲乜）
３－無理地指摘中心職員同導師，最抵死係講左三句人神共憤既說話：
Ａ我係基督徒，係唔會講大話；
Ｂ我同我屋企人都係專業人士，我地會去報館投訴你地。
Ｃ我會教個仔要尊重老師（呢句擺明吹水，自己身教同言教都做唔到，個仔重會唔會聽你支笛呀？無睇廣告呀－“有樣學樣，我地係一家人黎呀嘛”）
身邊見過唔少Ｄ所謂專業人士、中產階級，有Ｄ學識、有Ｄ社會地位同埋幾個臭錢，就響度也文也武。講到自己好巴之閉，好理直氣壯，實情係以最佳口才編造最多謊話，最慘就係用基督教做擋箭牌。仲乜啫，家下基督教個名好好用咩？好似事件中個師奶咁，口口聲聲話自己係基督徒，証明呢？又話自己係基督徒唔會講大話──呢句已經係大話啦！邊個夠膽話自己唔會講大話呀？聖經係教我地唔好講大話，但係唔代表自己真係唔講大話呀，人類。自己有冇講到大話，心照啦！
另外近排我發覺有兩句說話令我覺得好可悲，就係一Ｄ借基督教名義做衰野既人成日講“我地Ｄ基督徒係唔會講大話．”之後，就有大量未信既人講“你地Ｄ基督徒唔係唔講大話架咩？” 呢兩句野好似惡性循環咁，搞到Ｄ好屬靈既好好基督徒（唔係我呀！）十分無奈！
“你地Ｄ基督徒唔係唔講大話架咩？”喂！基督徒同普通人有乜分別先，搵支針拮出黎Ｄ血藍色架？我再重申一次，聖經係教導我地唔好講大話，做得到當然好；做唔到就要悔改啦。但係唔代表信左基督就即刻唔講大話，點解次次都將講大話同基督教劃上不等號呀？佛教道教天主教回教印度教東正教神道教呢Ｄ信徒講大話就得既，係基督教唔得，我地呢Ｄ信徒一講大話就必死既，要拎去釘十字架既，嘩！好唔公平啫！我唔係比藉口自己，但係我地Ｄ基督徒在世一天，一樣係罪人，同樣仍然有犯罪，之但係上帝透過聖靈賜比我地有省察既心，提醒自己唔好一錯再錯啫；嘩，一錯左就咁樣篤法，駛唔駛呀！
而另一句係“我地Ｄ基督徒係唔會講大話．”我敢肯定，講得出呢句話個Ｄ多數唔係基督徒，只係借基督教去做埋Ｄ衰野！呢Ｄ人真係要拎去打靶！簡直係抹黑基督教。若果講呢句話既真係基督徒，佢就更加抵死嘞，竟然利用基督教名義去攻擊基督教，一定遭天譴！
不過後未同傳道人講開 , 佢話個d所謂基督徒既行為的確係阻礙人信耶穌。但想深一層，我地信耶穌既人，係信基督教呢個教，抑或係信耶穌既救贖呢？
如果只係睇基督教，的確有好多令人氣憤既事，但係我地信耶穌，就係睇到一個事實，你我都係有罪既人，要主耶穌既拯救，真正能有改變，並唔係因為我地有能力，毅力去變好，係我地願意將生命既主權交給神，由神去改變及帶領。
呃飲呃食上天家---第十八集 基督徒的謊言
以下是我兄弟中田誠既親身經歷：
１－話說有個住係元朗既中產女人帶住個仔山長水遠去將軍澳一青年中心參加小提琴班（其實都唔知為乜），第一日自己早到左，就話要入去上堂，中心職員話比佢知要夠鐘先得，個女人話：唔係早Ｄ黎早Ｄ上咩？（無腦既，晨早六點幾黎呀，笨！）
２－跟手自己跟個仔入去上堂又無同職員講（基本上沒有知會，家長係唔可以跟住入上堂），仲係班房裡面係個仔面前，大大聲聲指摘個導師無禮貌。（個導師Ｒ晒頭唔知仲乜）
３－無理地指摘中心職員同導師，最抵死係講左三句人神共憤既說話：
Ａ我係基督徒，係唔會講大話；
Ｂ我同我屋企人都係專業人士，我地會去報館投訴你地。
Ｃ我會教個仔要尊重老師（呢句擺明吹水，自己身教同言教都做唔到，個仔重會唔會聽你支笛呀？無睇廣告呀－“有樣學樣，我地係一家人黎呀嘛”）
身邊見過唔少Ｄ所謂專業人士、中產階級，有Ｄ學識、有Ｄ社會地位同埋幾個臭錢，就響度也文也武。講到自己好巴之閉，好理直氣壯，實情係以最佳口才編造最多謊話，最慘就係用基督教做擋箭牌。仲乜啫，家下基督教個名好好用咩？好似事件中個師奶咁，口口聲聲話自己係基督徒，証明呢？又話自己係基督徒唔會講大話──呢句已經係大話啦！邊個夠膽話自己唔會講大話呀？聖經係教我地唔好講大話，但係唔代表自己真係唔講大話呀，人類。自己有冇講到大話，心照啦！
另外近排我發覺有兩句說話令我覺得好可悲，就係一Ｄ借基督教名義做衰野既人成日講“我地Ｄ基督徒係唔會講大話．”之後，就有大量未信既人講“你地Ｄ基督徒唔係唔講大話架咩？” 呢兩句野好似惡性循環咁，搞到Ｄ好屬靈既好好基督徒（唔係我呀！）十分無奈！
“你地Ｄ基督徒唔係唔講大話架咩？”喂！基督徒同普通人有乜分別先，搵支針拮出黎Ｄ血藍色架？我再重申一次，聖經係教導我地唔好講大話，做得到當然好；做唔到就要悔改啦。但係唔代表信左基督就即刻唔講大話，點解次次都將講大話同基督教劃上不等號呀？佛教道教天主教回教印度教東正教神道教呢Ｄ信徒講大話就得既，係基督教唔得，我地呢Ｄ信徒一講大話就必死既，要拎去釘十字架既，嘩！好唔公平啫！我唔係比藉口自己，但係我地Ｄ基督徒在世一天，一樣係罪人，同樣仍然有犯罪，之但係上帝透過聖靈賜比我地有省察既心，提醒自己唔好一錯再錯啫；嘩，一錯左就咁樣篤法，駛唔駛呀！
而另一句係“我地Ｄ基督徒係唔會講大話．”我敢肯定，講得出呢句話個Ｄ多數唔係基督徒，只係借基督教去做埋Ｄ衰野！呢Ｄ人真係要拎去打靶！簡直係抹黑基督教。若果講呢句話既真係基督徒，佢就更加抵死嘞，竟然利用基督教名義去攻擊基督教，一定遭天譴！
不過後未同傳道人講開 , 佢話個d所謂基督徒既行為的確係阻礙人信耶穌。但想深一層，我地信耶穌既人，係信基督教呢個教，抑或係信耶穌既救贖呢？
如果只係睇基督教，的確有好多令人氣憤既事，但係我地信耶穌，就係睇到一個事實，你我都係有罪既人，要主耶穌既拯救，真正能有改變，並唔係因為我地有能力，毅力去變好，係我地願意將生命既主權交給神，由神去改變及帶領。
20060729
呃飲呃食上天家---第十七集 愛．可持續發展Sustainable Love (羅馬書十二章17-21節)
呃飲呃食上天家---第十七集 愛．可持續發展Sustainable Love (羅馬書十二章17-21節)
羅馬書十二章17-21節話 : 不要以惡報惡；眾人以為美的事，要留心去作，若是能行，總要盡力與眾人和睦。親愛的弟兄，不要自己伸冤，寧可讓步，聽憑主怒；因為經上記著：主說：『伸冤在我，我必報應。』所以，你的仇敵若餓了，就給他吃，若渴了，就給他喝；因為你這樣行，就是把炭火堆在他的頭上。你不可為惡所勝，反要以善勝惡。（註：「把炭火堆在他的頭上」意為：用愛心對待仇敵，可能會把他帶到悔改的地步。）
令我諗起上集提到 : “世界好公平 , 傷害過你既人以後永遠都得唔到你既愛……” 呢一點 , 我發覺自己講錯左 .
好多人提到 “愛仇敵” 呢三個字 . 大家拿拿聲耍手兼擰頭 , 大聲話無可能 . 雖則愛仇敵 , 就正如將炭火堆在仇敵既頭上 , 之但係呢個世界既人心越來越硬 , 個仇家有冇可能咁容易比你感動呀 . 我起初同大家想法完全一致 , 不過小弟親身經歷之後 , 原來呢段經文未必係改變個仇家 , 而係改變自己 .
話說小弟做野個度有個Susan(衰神) , 當年佢為左要升校長位 , 竟然陷害我同另一個同事 . 呢件事 , 我嬲左足足一年 , 個一年我勁想攞刀劈死個Susan .
後來我轉左工 , 我仲有火 . 後尾我睇到呢節經文 , 當時我同大家一樣嗤之以鼻 , 仲同神講 , 有冇可能呀 , 吹水呀 . 個一年 , 我聽返d舊同事講 , 佢比校董會black list左 , 成世都唔駛旨意升職 , 我個心不知幾涼 , 抵死呀 , 仲覺得未夠折墮 . 無耐我靈修個陣時 , 再讀到呢段經文 , 我就由心涼變成心寒 . 點解 ? 因為經上說 : “主說 : 伸冤在我 , 我必報應.” . 咁即係話---對於我 , 主已經聽我禱告 , 但係我呢 ?
一年之後 , 我返番入去做 , 個Susan仲響度又未死 . 佢第一日見到我 “嘩鬼回魂” , 個樣有d愕然 . 講真 , 我都擔心自己點樣去面對個Susan , 嬲佢 ? 自己辛苦 ; 唔嬲佢 , 我怕過唔到自己個關 . 於是我同上帝講 , 我就試下羅馬書呢段經文係咪work . 而呢一年 , 我同佢有講有笑 , 建立番一個普通同事既關係 . 結果 , 我就更加學識左羅馬書既道理 .
嬲人其實好辛苦 , 愛人反而仲易 . 好似個Susan咁 , 佢既言行同氣焰 , 跟一年之前沒有變 , 我完全知道佢係放唔低升唔到職呢件事 , 尤其係新校長講野個陣時 , 佢個樣好不屑 , 好耿耿於懷 . 我起初以為自己心病未癒 , 於是我又問下一d新同事 , 原來佢地都有同感 . 見佢每日都頂住條中氣返工 , 又頂住條中氣收工 , 我見到都戥佢辛苦 .
至於自己 , 今年我對住佢 , 雖則我唔敢講心性跟行為上 , 完完全全遵照羅馬書呢段經文咁做 (我今年仲同佢改左個名做 “蛇妖” ) , 但至少有時見到佢唔係好妥 , 或者病假返黎 , 我都有走埋去問候下佢 , 若果換轉係上年 , 我就真係用粗口問候佢或者趁佢病攞佢命喇 . 後來才發覺原來愛仇敵唔係咁難 , 至於佢受唔受我唔知 , 但起碼自己既心情放鬆左好多---個炭火唔係堆係自己頭上 .
我諗愛仇敵唔係一定要攬住佢 , 或許只係一個噓寒問暖既說話作開始 , 大家關係已經改善 , 或者冰釋前嫌 . 至於你既仇敵受唔受已經毋須理會 , 因為自己可以在愛中成長 ; 最重要係 , 你連仇敵都愛 , 當然更加愛錫自己既親朋戚友 , 相由心生 , 你咁可愛 , 一定得到比其他人更多既愛 .
羅馬書十二章17-21節話 : 不要以惡報惡；眾人以為美的事，要留心去作，若是能行，總要盡力與眾人和睦。親愛的弟兄，不要自己伸冤，寧可讓步，聽憑主怒；因為經上記著：主說：『伸冤在我，我必報應。』所以，你的仇敵若餓了，就給他吃，若渴了，就給他喝；因為你這樣行，就是把炭火堆在他的頭上。你不可為惡所勝，反要以善勝惡。（註：「把炭火堆在他的頭上」意為：用愛心對待仇敵，可能會把他帶到悔改的地步。）
令我諗起上集提到 : “世界好公平 , 傷害過你既人以後永遠都得唔到你既愛……” 呢一點 , 我發覺自己講錯左 .
好多人提到 “愛仇敵” 呢三個字 . 大家拿拿聲耍手兼擰頭 , 大聲話無可能 . 雖則愛仇敵 , 就正如將炭火堆在仇敵既頭上 , 之但係呢個世界既人心越來越硬 , 個仇家有冇可能咁容易比你感動呀 . 我起初同大家想法完全一致 , 不過小弟親身經歷之後 , 原來呢段經文未必係改變個仇家 , 而係改變自己 .
話說小弟做野個度有個Susan(衰神) , 當年佢為左要升校長位 , 竟然陷害我同另一個同事 . 呢件事 , 我嬲左足足一年 , 個一年我勁想攞刀劈死個Susan .
後來我轉左工 , 我仲有火 . 後尾我睇到呢節經文 , 當時我同大家一樣嗤之以鼻 , 仲同神講 , 有冇可能呀 , 吹水呀 . 個一年 , 我聽返d舊同事講 , 佢比校董會black list左 , 成世都唔駛旨意升職 , 我個心不知幾涼 , 抵死呀 , 仲覺得未夠折墮 . 無耐我靈修個陣時 , 再讀到呢段經文 , 我就由心涼變成心寒 . 點解 ? 因為經上說 : “主說 : 伸冤在我 , 我必報應.” . 咁即係話---對於我 , 主已經聽我禱告 , 但係我呢 ?
一年之後 , 我返番入去做 , 個Susan仲響度又未死 . 佢第一日見到我 “嘩鬼回魂” , 個樣有d愕然 . 講真 , 我都擔心自己點樣去面對個Susan , 嬲佢 ? 自己辛苦 ; 唔嬲佢 , 我怕過唔到自己個關 . 於是我同上帝講 , 我就試下羅馬書呢段經文係咪work . 而呢一年 , 我同佢有講有笑 , 建立番一個普通同事既關係 . 結果 , 我就更加學識左羅馬書既道理 .
嬲人其實好辛苦 , 愛人反而仲易 . 好似個Susan咁 , 佢既言行同氣焰 , 跟一年之前沒有變 , 我完全知道佢係放唔低升唔到職呢件事 , 尤其係新校長講野個陣時 , 佢個樣好不屑 , 好耿耿於懷 . 我起初以為自己心病未癒 , 於是我又問下一d新同事 , 原來佢地都有同感 . 見佢每日都頂住條中氣返工 , 又頂住條中氣收工 , 我見到都戥佢辛苦 .
至於自己 , 今年我對住佢 , 雖則我唔敢講心性跟行為上 , 完完全全遵照羅馬書呢段經文咁做 (我今年仲同佢改左個名做 “蛇妖” ) , 但至少有時見到佢唔係好妥 , 或者病假返黎 , 我都有走埋去問候下佢 , 若果換轉係上年 , 我就真係用粗口問候佢或者趁佢病攞佢命喇 . 後來才發覺原來愛仇敵唔係咁難 , 至於佢受唔受我唔知 , 但起碼自己既心情放鬆左好多---個炭火唔係堆係自己頭上 .
我諗愛仇敵唔係一定要攬住佢 , 或許只係一個噓寒問暖既說話作開始 , 大家關係已經改善 , 或者冰釋前嫌 . 至於你既仇敵受唔受已經毋須理會 , 因為自己可以在愛中成長 ; 最重要係 , 你連仇敵都愛 , 當然更加愛錫自己既親朋戚友 , 相由心生 , 你咁可愛 , 一定得到比其他人更多既愛 .
20060520
第十六集 從電腦中尋找愛與被愛？
今集講愛 , 都算一大突破 , 因為呢part係小弟最弱個環 . 愛 , 不單單指愛情呀 , 仲有與長輩之間 , 兄弟姊妹之間 , 朋友之間 , 人與人之間嘛 , 做人唔好咁窄至得格 .
呃飲呃食上天家---第十六集 從電腦中尋找愛與被愛？
早個幾日同個朋友食飯 , 大家言談之間講到電腦科技話就話拉近人與人之間既距離 , 實際係令人更加疏離 . 佢話依家既人 , 消閒娛樂購物睇戲聽歌識朋友傾心事 , 乜都係匿係間房度 , 靠部電腦就攪掂 , 生活越黎越封閉 , 連基本同人溝通既技巧都唔識 . 我同佢講 , 依家好多人都覺得 : 朋友係出黎飲飲食食 , 講心事係會被出賣 ; 所以就算要講 , 上網係d乜鬼messanger度求其篤個人出黎 , 大家三唔識七 , 乜都亂up , 就算講講自己想講既心事 , 唔駛負責任又唔怕佢出賣自己 . 佢好大反應咁話 : 咁好疏離啫 ! 我話好多人都怕受傷害 , 但係同時又想同人交往 , 個個都想被愛 , 但自己唔想先付出愛 .
哈 , 講到呢度 , 突然令我諗起耶穌基督降生 , 宣揚愛既訊息 , 咁電腦話就話拉近人與人之間既距離 , 實際係令人更加疏離 , 咁咪同基督教既教義背道而馳 ? 唔怪得有人話 “敵基督” 就係電腦啦 . 不過 , 係咪 “敵基督” 我就唔敢講啦 , 我又唔係個d神學研究既人 .
記得N年前有個教會姊妹生完仔 , 我去探佢 , 佢好勞氣同我講 : 我都唔明你地D年輕人諗乜 , 比一個朋友出賣過 , 就封閉自己 , 唔再同人溝通交心 , 費時受傷害喎 . 你話幾蠢 . 值唔值得為左一個人 , 仲要係傷害過自己既人而令到自己無晒朋友呀 ? 我當時尚且年輕 , 但未試過比朋友傷害 , 就算害左我又唔知 , 我沒有考究佢係咪患左產後狂燥症 , 不過呢一番話又講得好啱 .
大家都渴望愛 , 但又唔想因付出左愛竟換來傷害 , 於是大家變成想被愛先 . 試諗下 , 大家都希望先被愛後愛人 , 始早供不應求 , 到時誰來愛你 . 愛過受到傷害又如何 ? 世界好公平 , 傷害過你的人以後永遠都得唔到你既愛 , 何必為左一個傷害自己既人 , 攪到自己連愛都無埋 , 咁蠢既 ? 大家唔好再靠電腦找尋愛了 , 要記住 , 熄左電腦之後 , 電腦既電源無左 , 愛既供應亦會無埋 . 仲唔起身打個電話約個老死出黎見下面 , 彼此愛愛對方 , 咁你想要既愛同對方又想要既愛 , 先至可以sustainable development (可持續發展) .
節目主持
比亞零六
200605190036
呃飲呃食上天家---第十六集 從電腦中尋找愛與被愛？
早個幾日同個朋友食飯 , 大家言談之間講到電腦科技話就話拉近人與人之間既距離 , 實際係令人更加疏離 . 佢話依家既人 , 消閒娛樂購物睇戲聽歌識朋友傾心事 , 乜都係匿係間房度 , 靠部電腦就攪掂 , 生活越黎越封閉 , 連基本同人溝通既技巧都唔識 . 我同佢講 , 依家好多人都覺得 : 朋友係出黎飲飲食食 , 講心事係會被出賣 ; 所以就算要講 , 上網係d乜鬼messanger度求其篤個人出黎 , 大家三唔識七 , 乜都亂up , 就算講講自己想講既心事 , 唔駛負責任又唔怕佢出賣自己 . 佢好大反應咁話 : 咁好疏離啫 ! 我話好多人都怕受傷害 , 但係同時又想同人交往 , 個個都想被愛 , 但自己唔想先付出愛 .
哈 , 講到呢度 , 突然令我諗起耶穌基督降生 , 宣揚愛既訊息 , 咁電腦話就話拉近人與人之間既距離 , 實際係令人更加疏離 , 咁咪同基督教既教義背道而馳 ? 唔怪得有人話 “敵基督” 就係電腦啦 . 不過 , 係咪 “敵基督” 我就唔敢講啦 , 我又唔係個d神學研究既人 .
記得N年前有個教會姊妹生完仔 , 我去探佢 , 佢好勞氣同我講 : 我都唔明你地D年輕人諗乜 , 比一個朋友出賣過 , 就封閉自己 , 唔再同人溝通交心 , 費時受傷害喎 . 你話幾蠢 . 值唔值得為左一個人 , 仲要係傷害過自己既人而令到自己無晒朋友呀 ? 我當時尚且年輕 , 但未試過比朋友傷害 , 就算害左我又唔知 , 我沒有考究佢係咪患左產後狂燥症 , 不過呢一番話又講得好啱 .
大家都渴望愛 , 但又唔想因付出左愛竟換來傷害 , 於是大家變成想被愛先 . 試諗下 , 大家都希望先被愛後愛人 , 始早供不應求 , 到時誰來愛你 . 愛過受到傷害又如何 ? 世界好公平 , 傷害過你的人以後永遠都得唔到你既愛 , 何必為左一個傷害自己既人 , 攪到自己連愛都無埋 , 咁蠢既 ? 大家唔好再靠電腦找尋愛了 , 要記住 , 熄左電腦之後 , 電腦既電源無左 , 愛既供應亦會無埋 . 仲唔起身打個電話約個老死出黎見下面 , 彼此愛愛對方 , 咁你想要既愛同對方又想要既愛 , 先至可以sustainable development (可持續發展) .
節目主持
比亞零六
200605190036
訂閱：
文章 (Atom)